Сыр бойы

Тәуелсіздіктің 25 жылдығы қарсаңында ел тарихы толағай табыстармен қашалып, ел жадында сақталары сөзсіз. Бұл орайда Алаштың анасы атанған өңір қосар үлес орасан. Өткен апта соңында тойланған Қала күні мерекесі бұл ойымызды нақтылай түседі. Болашаққа сенімі нық, жаңарған, жасарған Қызылорданың төл мерекесінде бірнеше әлеуметтік нысандар пайдалануға берілді. Мерекелеген жұртшылық ең алдымен Рәміздер алаңының ашылу салтанатына куә болды. 3 гектар аумақты алып жатқан алаң­да Елтаңбамыз, Әнұранымыз және 60 метрлік биіктікте көк байрағымыз орналасқан. Жалпы құны 326,4 млн теңгені құраған жоба ел Тәуелсіздігінің 25 жылдығына орай салынған. Мерекелік шараларға Парламент Сенатының депутаты М.Бақ­тиярұлы, Мәжіліс депутаттары А.Ералиев, Б.Кесебаева қатысты. Рәміздер алаңының ашылу салтанатында облыс әкімі Қырымбек Көшербаев құттықтау сөз сөйледі.

Қала күні мерекесі аясында орта­лық алаңда бірқатар мерекелік шаралар ұйым­дастырылды. Салтанатты ­шараны аймақ тұрғындарымен бірге облыс әкімі Қырымбек Көшербаев тамашалап, көпшіліктің қуанышымен ортақтасты.

Қызылордадан солтүстік аудандарға – Арал, Қазалы, Қармақшы, Сырдария мен Жалағашқа қатынайтын автобустар бұдан былай жаңа сапаржайдан шығады. Ол қаладағы бұрынғы автобус паркінің орнына салынды.

Қала күні мерекесінің тағы бір тартуы – қаланың солтүстіктегі қақпасы салтанатты түрде ашылды. Бұған дейін Ата Заң мерекесі күні оңтүстіктегі кіреберіс қақпаның лентасы қиылған болатын. Енді, міне, төл мерекесі тұсында Қызылорданың көрген көзді сүйсінтер солтүстік қақпасы пайдалануға берілді. Қуанышты сәтке облыс әкімі қатысып, жиналған жұртшылыққа, қонақтарға жүрекжарды лебізін білдірді.

Бүгінде Қызылорда 3 пен 6 жас аралығындағы бүлдіршіндерді мектепке дейінгі тәрбиемен жүз пайыз қамтыған бірегей облыс. Бұл бағыттағы оң өзгерістерде жеке кәсіпкерлердің үлесі аз емес.

Мереке күні облыс әкімі қала іргесіндегі өндірістік аймақта салынып жатқан Шыны зауытының құрылысымен танысты. Облыс басшысымен бірге өңір экономикасына ықпалы зор нысанның бүгінгі жай-күйіне қаныққан меймандар құрылыстың қарқынды жүріп жатқанына куә болды.

Қала күні мерекесіне орай шаңырақ көтерген 25 жұп отбасына облыс әкімі Қырымбек Көшербаев неке куәлігін тапсырды. Сонымен қатар, үйленгендеріне 25 жыл болған «Күміс той» иелерін де құттықтап, жылы лебізін білдірді.

Кеше облыс әкімі Қырымбек Көшербаев Қызы­лорда қаласын­дағы бірқа­тар құрылыс нысандарын аралап, жұмыс барысымен танысты.

Тарихы тереңнен бастау алатын Қазалы ауданының Сыр өңірінің әлеуметтік-экономикалық дамуында алар орны ерекше екені баршаға аян. Ауданның индустриялық-инно­вациялық жобаларды iске асыру, өндiрiстi индустрияландыру, аг­ро­өнеркәсiптiк кешендi дамыту, ха­лықтың әл-ауқатын жақсарту, шағын және орта кәсіпкерлікті дамы­ту тұрғысындағы ­толымды тір­ліктері ауыз толтырып айтар­лықтай. Сүйсінерлігі, мұндай жа­ғым­­ды жаңалықтар шалғай елді мекен­дерде де көрініс табуда.  Аудан әкімі Нажмадин Шамұ­ратов басшылық қызметте тәжіри­бесі толысқан, өмірден көрген-түйгені мол азамат. Оған қоса төл перзенті ретінде Қазалының тыныс-тіршілігіне жете қанық. «Ауылына қарап – азаматын таны».  Газет тілшісінің аудандағы қолға алынған игілікті істер мен алдағы уақытта атқарылар шаруалар жайын білмек оймен  әкіммен жасаған сұхбаты осы қағидадан туындаған еді. 

Қала күні мерекесі де келіп қалды. Ол қыркүйектің 24-25 күндері аталып өтіледі. Мереке қарсаңында қала әкімінің орынбасары Нұрхан Жәлиевпен кездесіп, шаһар тұрғындары мен қонақтарын қандай қызықты шаралар  күтіп тұрғанын айтып беруін сұраған болатынбыз.