Қызылордада 2 жастағы сәби коронавирус жұқтырды

 Қызылордада 2 жастағы сәбиге коронавирус инфекциясы диагнозы қойылды. Осылайша қатерлі індетті жұқтырғандар саны 231-ге жетті. Олардың 165-і емделіп шықты.

«Жаңадан анықталған науқас - 2 жасар бала. Ол коронавирус инфекциясымен науқастанған отбасы мүшесінен жұқтырған. Соңғы тәулікте барлығы 813 зертханалық сынама алынса, оның 805 сынамасы теріс мәнді болды. Біреуі оң мәнді болса, жетеуі зерттелу үстінде. Қалдық тест - 4300», - деді облыстық денсаулық сақтау басқармасының басшысы Жақсылық Абдусаметов.

Сондай-ақ, індет жұқтырғандармен байланыста болған 3270 азамат анықталды. Оның ішінде, 1798-і жақын қарым-қатынаста, 1472-сі жанама байланыста болған.


Әділжан ҮМБЕТ,
"Сыр бойы".
ЖЕДЕЛ ЖАҢАЛЫҚТАР 12 мамыр 2020 г. 295 0