Сыр бойы

«...Көзің жетпеген дүдәмал ақпаратты материалыңа пайдаланба! Күмәнді цифрлардан айналып өт. Алыс­тан орағытпай, айтарыңа бірден көш». Бұл – облыс журналис­тикасында өз орны бар Жолдасбек Ақсақаловтың қырық жылға жуықтаған еңбек жолындағы басты ұстанымы. Өзгелерге де,  ізінен ерген бізге де осы ақыл-кеңесті айтады.

Облыс әкімі Қуанышбек Ысқақов Денсаулық сақтау ісінің үздігі, Қызылорда қаласының құрметті азаматы Асылбек Тоғызбаевты 70 жасқа толуымен құттықтады. Кездесуге осы саланың басшылары, ардагерлер қатысты. Облыс басшысы мерейтой иесінің аймақ медицинасын дамытуға  қосқан ерекше үлесін атап өтті.

Облыс орталығына іргелес Бесарық, Қоғалыкөл ауылдарына барар жолдың жай-күйі осыған дейін талай мәрте жазылды. Ерсілі-қарсылы ағылған көлік тізгініндегілер шұрық-тесік асфальтты айналып өтіп, жүйкесі жұқарған сәттер жиі кездесетін. Бүгінде іргеде жатқан қос ауылдың халқы қуанышты. Өйткені, бірнеше жылдан бері тарқамаған түйткіл шешімін тапты. Аталған елді мекендерді әуежай жолына жалғайтын трассаны күрделі жөндеу жұмысы басталды.

Қармақшы ауданындағы «Тұрмағамбет» жауапкершілігі шектеулі серіктестігінің диқандары биылғы егін егу маусымында 2700 гектар алқапқа Сыр салысын егіп, суға бастырып үлгерді. Онымен қоса 100 гектарға егілген жаздық бидайға жақын арада орақ салады. 

ҚПЛ-дың 17 туры аясындағы ең тартысты ойын Қызылордада өтті. Күрделі жөндеуден өткен ­Ғ.Мұратбаев атындағы орталық стадионда жергілікті “Қайсар” командасы қарағандылық “Шахтерды” қабылдады. Елорда күніне орай өткен шараға облыс әкімі Қуанышбек Ысқақов қатысып, ойыншыларға сәттілік тіледі.

Ел Президенті Қасым-Жомарт Тоқаевтың бағдарламасындағы «Әділдік» бағыты маған ерекше әсер етті. Мұнда міндеттелген 8 басымдық – әділдікке апарар алтын кілт. 

Адам құқықтары – ең жоғары мәдени құндылықтардың бірі. Себебі ол барлық қоғамдық даму үрдістерінің ортасына тұлғаны қояды. Өздеріңіз білетіндей, Президент Қасым-Жомарт Тоқаев ұлықтау рәсімінде айрықша тоқталған мәселелердің бірі  әділеттілік тақырыбы болды.

ҚР Президенті Қасым-Жомарт Тоқаев 9 жастағы мектеп оқушысының эстафетасын қабыл алды. Бұл туралы бүгін өзінің Facebook парақшасында Мемлекет басшысының баспасөз хатшысы Берік Уәли жазды.

«Nur Otan» партиясының облыстық филиалы төрағасының бірінші орынбасары Ақмарал Әлназарова Астана күні қарсаңында партия қатарына қабылданғандарға билет табыстап, бірқатар партия белсенділерін алғыс хаттармен марапаттады.

 «Тұрғын үй құрылыс жинақ банкінің» «Өз үйім» бағдарламасы бойынша енді конкурссыз пәтер алуға болады. Елорда күні мерекесінде сырбойылықтарға осындай жағымды жаңалықты жеткізген банктің жергілікті филиалы тұрғындар мен БАҚ өкілдері үшін арнайы пресс-тур ұйымдастырды.