Сыр бойы

«Тәуелсіздік шапағаты» атты облыстық қайырымдылық айлығының ҮНДЕУІ Құрметті жерлестер! Ел Тәуелсіздігінің 25 жылдығына орай аймағымызда «Тәуелсіздік шапағаты» атты қайырымдылық айлығы бас¬тау алды. Үстіміздегі жылдың 15 қараша мен 15 желтоқсан аралығында өткізілетін акция мақсаты – аймақтың экономикалық-әлеуметтік тұрақтылығын нығайта түсу, ел арасындағы әлі де көмекке мұқтаж жандарға қолұшын созу, қамқорлық таныту. 

Қармақшы ауданына жұмыс сапарымен барған облыс әкімі Қырымбек Көшербаев ІІІ Интернационал ауылында болды.

Тәуелсіздіктің 25 жылдығына орай «Болашағымыз бірлікте» атты облыс жастарының патриоттық форумы өтті. Облыстық ішкі саясат басқармасы, «Ауған соғысының ардагерлері мен мүгедектері» қоғамдық қорының ұйымдастыруымен өткен форумға сала үздіктері, ұлттық-мәдени орталықтар мен жас¬тар ұйымдары, азаматтық қоғам институттарының өкілдері қатысты.

Әлемде халықаралық үлгідегі керемет автожолдар екінші дүниежүзілік соғыстың қарсаңында Еуропада көптеп салына бастады. Германия, Италия, Голландия, Франция секілді елдер бұл тұрғыда әлемдік көшбасшылар қатарына енді. Ал кешегі Кеңес Одағында, оның құрамына енген республикаларда автожол проблемасы жылдар бойы өткір проблемаға айналды. Бұл өзекті мәселе, шынтуайтына келгенде, Қазақстанда тәуелсіздік жылдарында Елбасының тікелей қамқорлығымен ғаламдық деңгейдегі құрылысқа айналған еді. «Батыс Еуропа – Батыс Қытай» көлік дәлізінің елі¬міз аумағы арқылы өтетін учаскесінің қашықтығы 2787 шақырымды құрап, 5 облыстың аумағын кесіп өтеді. Ал біздің облыс ау¬мағынан өтетін қашықтығы 812 шақырымды құрайды.  

Қызылордада кезекті VIII өңірлік «Байқоңыр Инвест» инвестициялық форумы өтті. Осыған дейінгі форумдар өңірдің инвестициялық тартымдылығын арттырып, халықтың әл-ауқатын көтеруге бағытталған жобалардың жүзеге асуына негіз болған еді. Сегізінші форум да өңір компанияларының шетелдік және отандық инвесторлармен өзара тиімді әріптестік орнатуына, бизнес пен ғылым салаларының және билік өкілдерінің инвестициялық жобаларды жүзеге асыруда, аймақ экономикасын әртараптандыруда, жетілдіруде күш біріктіруіне мүмкіндік туғызды.

Соңғы жылдары Сыр елінде жолаушыларды тасымалдау саласында оңтайлы жұмыстар атқарылып, қоғамдық көліктер мәселесін бір жүйеге келтіру жұмыстары өз шешімін таба бастады. Алғаш рет 2005-2006 жылдары қалаға орташа сыйымдылықтағы автобустар тартылып, түрлі бағытта жолаушыларға қызмет көрсете бастады. Дегенмен, жаңа қоғамдық көліктер саны шектеулі болғандықтан тасымалдың дені «Газель» автокөліктері арқылы жүргізілді.

Кеше Қорқыт ата атындағы ҚМУ-дың Студенттер сарайында қоғам қайраткері, ұлағатты ұстаз Абылай Айдосовтың 80 жылдығына орай «Тәуелсіздік жылдарындағы Сыр өңірінің әлеуметтік-экономикалық және тарихи-мәдени дамуының жетістіктері» атты ғылыми-танымдық конференция өтті. Тағылымды шараға облыс әкімі Қырымбек Көшербаев қатысып, ғибратты ғұмыр иесінің азаматтық болмыс-бітімі хақындағы ойларымен бөлісті.

2017 жылдан бастап ҰБТ форматы толығымен өзгеріске ұшырайды. Бұл туралы жуырда ҚР Білім және ғылым министрі Ерлан Сағадиев мәлімдеген болатын. Дәл қазіргі таңда ұстаздарды, ата-аналарды және оқушыларды алаңдатып отырған мәселенің мәнісі жайында біз  облыстық білім басқармасының басшысы Бақытжан Сайлыбаевпен әңгімелескен едік. 

Бүгінде аймақта салауатты өмір салтын ұстану және спортпен айналысу бұқаралық сипат алып отыр. Соның нәтижесінде денешынықтыру және спортпен жүйелі түрде шұғылданушылар үлесі 25 пайызға жетіп, олардың жалпы саны 184 мың адамнан асып жығылады. Ол үшін спорттық нысандар жеткілікті болуы тиіс.

Кеше облыс әкімі Қырымбек Көшербаевтың төрағалығымен Қызылорда облысының тарихи-мәдени мұраларын қорғау және пайдалану жөніндегі ғылыми-әдістемелік кеңестің кезекті отырысы өтті.