Сыр бойы

Биылғы ауылшарушылық жылы Жайылма ауылы үшін сәтімен жалғасқан секілді. Жаңақорған ауданының әкімі Ғалым Әміреев аталған ауылдың негізгі өнімі бақша-көкөніс дақылдарын дер кезінде  саудалауына баса назар аударып, қолайлы жағдайлар жасауда. Осы орайда кент ішінен Жайылманың қауын-қарбызын сатуға арнайы сауда қатары ашылса, Қызылорда қаласынан да осы ауыл аттас базарда сауда қызу жүрді. Ал біздің көргеніміз, «Батыс Еуропа-Батыс Қытай» автодәлізінің бойындағы жақын елді мекен  тұсында жылдағыдай сауда қатары қаз-қатар қонақтап, өткен-кеткен жолаушылардың сұраныстарын өтеуде. Мұнда ауыл диқандары күнделікті өнімдерін саудаға шығарып, несібесін теруде.

25 шілдеде ЭКСПО-2017 Халықаралық мамандандырылған Көрме аясында Коста-Риканың Ұлттық күні атап өтілді. Коста-Рика Республикасының Қазақстан Республикасындағы Төтенше және Өкілетті Елшісі Христиан Гильерме әлемдік деңгейдегі маңызды іс-шараға қатысу мемлекет үшін үлкен құрмет екенін атап өтті. Христиан Гильерменің айтуынша, Коста-Риканың тұрақты дамуы мен қоршаған ортаны ластамауы Латын Америка елдері арасында келушілер саны жоғары ел болуына мүмкіндік береді.

Сыр өңірінің қатаң климатына төзімді жаңа күріш сұрыптары көбейіп келеді. Бұған Ы.Жақаев атындағы Қазақ күріш ғылыми-зерттеу институты мамандарының қосып отырған үлесі қомақты. Олар шетелдің элиталы тұқымдарын нарықтан ығыстыратын «Сыр сұлуы» сұрыпын көбейтуге күш салуда.

Бүгін «Сыр бойы газетінде «Қазақ¬стандағы 100 жаңа есім» жобасы аясында жаңа айдарды бастап отырмыз. Онда Тәуелсіз Қазақстанның дамуына, еліміздің атын шығаруға лайықты үлесін қоса білген, әр салада еңбек етіп жүрген сырбойылық азаматтар туралы айтатын боламыз.

Дүниежүзілік футбол жұлдыздары «Астана Арена» алаңында ойнайды. Астанада Халықаралық «Expo 2017 FootballCup» футбол турнирі ұйымдастырылады. Бұл туралы пресс-конференция барысында «Астана ЭКСПО-2017»ҰК»АҚ Даму және туризм департаментінің директоры Аллен Чайжунусов хабарлады. Ол өз сөзінде осы турнирді Қазақстан астанасында алғаш рет орын алатын бірегей іс-шара деп сипаттады.

Әл-Фараби атындағы Қазақ ұлттық университеті жанындағы математика және механика ғылыми-зерттеу институтының жетекшісі, техника ғылымдарының кандидаты А.К.Ералиевтің жетекшілігімен ізденуші-ғалымдар қиын жерлерден еркін өтетін робот гуманоидтің қозғалыс жүйесін ойлап тапты

Биыл бірыңғай латын әліпбиіне көшу жоспарланып отыр. Бұл туралы білім және ғылым министрі Ерлан Сағадиев ҚР үкіметі ғимаратында өткен баспасөз конференциясы барысында айтты

Елімізде өтіп жатқан айтулы шара – ЭКСПО-2017 халықаралық көрмесінің басталғанына, Ұлы даланың ұлан-ғайыр шараға ұйытқы болып, ойдағыдай ұйымдастырып отырғанына бүгін – тура бір жарым-ай. Шүкір, қазақ дегеніне жетіп, бұл мәртебені де межеледік. Үш айға жоспарланған көрменің нағыз бел ортасына жеттік. Шыны керек, басында күпті болған көңілдер қазір сабасына түсті, талайды тамсандырып, мерейіміз өсті. Астананың абыройы асқақтап, көр­ген жұрттың көкірегін қуаныш кернеді. Көр­менің кереметтеріне  көз тойды. Бастысы, ел беделін төрткүл дүниеге паш етті.

Облыс әкімдігінде бюджеттік кодекс, бухгалтерлік және қаржылық есептілік пен мемлекеттік сатып алу заңнамаларын кеңінен талқылаған дөңгелек үстел өткізілді. Оған білім беру және денсаулық сақтау салаларының мамандары қатысты.

Өңірлік коммуникациялар қызметінде брифинг өтіп, онда Қызылорда облысы қоғамдық денсаулық сақтау департаментінің басшысы Ұлбосын Аханаева, облыстық ветеринария басқармасының бөлім басшысы Марат Ойнаров, облыстық жұқпалы аурулар ауруханасының бас дәрігері Айна Мұхамбетова және Ұлттық сараптама орталығы Қызылорда облыстық филиалының директоры Фарида Қалиева Конго-Қырым геморрагиялық қызбасының эпидахуалы және аурудың алдын алу шаралары туралы айтты.