Сыр бойы

Жуырда Елбасы Н.Назарбаев «Қазақстан жолы – 2050: Бір мақсат, бір мүдде, бір болашақ» атты халыққа Жолдауын жолдады. Онда еліміздің дамуының даңғыл жолы сараланып, нақты міндеттер айқындалды.

Елбасы Н.Назарбаев өзінің дәстүрлі Жолдауында білім саласына айрықша басымдық берді. Оның ішінде техникалық және кәсіптік білім беру саласын дамытуда дуальды оқыту технологияларын енгізуді, осыған орай Үкіметке тиісті шаралар қабылдауды тапсырды.

Ел басынан өткен талай қиыншылықтардың ортасында болып, қанды  соғыстың қияпатты қырғындарын басынан өткерген, өмірдің өзі оқытып, өзі тәрбиелеп, өзі шыңдаған аға ұрпақтың салып кеткен сара жолы, кейінгіге қалдырған өнегесі мен тағылымды істері ұрпақ жадында сақтала береді.  Өзінің аздаған білімін өмірлік тәжірибеге ұштастырып, қандай қиындықты болмасын қол біріктіре отырып шешудің жолын тапқан, қандай алынбайтын асу кездессе де мемлекеттік мүдде мен ата жолын үйлестіре отырып, ағайынның ауызбірлігін алға шығарған, елдің тұтастығы мен бірлігін қалыптастыруға мұрындық болған кемеңгер ағаларымыз ауданда аз болмаған.

О, махаббат, елтіген түнім едің,  Гүлім едің, пірім едің! Қолдай гөр ғашықтардың пірі мені,  Мен енді тірілемін, – деп ұлы ақын Мұқағали жырлағандай, махаббат дүниедегі барлық адамзат баласының жүрегіне жыр, көңіліне сыр құяды.

Сәрсенбі күні облыстық баспасөз орталығында ҚР Мемлекеттік қызмет істері агенттігінің облыс бойынша департаменті – тәртіптік кеңестің 2013 жылы атқарылған жұмыстары қорытындыланды. Департамент басшысы, тәртіптік кеңес төрағасы Ғалым Тұрсынбаевтың айтуынша, аймақ мемлекеттік қызметшілерінің құрамы үш мың жеті жүзге жетіп жығылады екен. Олардың жетеуі саяси, он төрті «А» корпусының, қалғандары «Б» корпусының мемлекеттік әкімшілік қызметшілері. Ал облыстың мемлекеттік органдарында мың алты жүзден аса әйел адамдар қызмет жасайды десек, бұл барлық мемлекеттік қызметшілердің жартысына жуықтайды.

Еліміздегі ұлттық  мұрағат  қоры  құжаттарының мемлекеттік  есебін жүргізу, сақталуының өзіндік тәртібі бар. Оны қамтамасыз ету бағытында  жылма-жыл жоспарлы  жұмыстар жүргізілуі тиіс. Өйткені, оның қажеттілігі ерекше. Осы орайда Жаңақорған аудандық мұрағат мемлекеттік мекемесі қызметінің негізгі бағыттары  мен нәтижелерінің көрсеткіштеріне зер салып көріп едік, мәліметтер былайша «сөйледі»: Есепті мерзім ішінде қор сақтау қоймасынан заңды және жеке тұлғалардан түскен әлеуметтік-құқықтық сипаттағы және басқа түрдегі сұраныстарды  орындау мақсатында  3425 құжат беріліп қайта орнына қойылды. Сонымен қатар, жаңадан қабылданған 926 құжат қоймаға қабылданып, топографиялық көрсеткіштер қайта толықтырылыпты.

Елбасы «Отандық кадрлық әлеуметті тәрбиелеу мен қалыптастыру – жалпы мемлекеттік міндет, әрқайсымыздың парызымыз» мамандар тәрбиелеудің маңыздылығын атап көрсеткен болатын. Қорқыт ата атындағы Қызылорда мемлекеттік университеті сан алуан саланың мамандарын даярлауда игілікті істер атқарып, белгілі білім ордасына айналды. Бүгінгі біз әңгіме еткелі отырған «Құқықтану» мамандығы өз бастауын 1992-1993 оқу жылының 1-қыркүйегінен алады. «Құқықтану» кафедрасы ашылған кезде профессор Мұстафа Матаев оған меңгерушілік жасаса, алғашқы кафедра құрамында Б.Ахметов, Т.Yмбетова, А.Тасыбаева, Г.Сыздықов, Ж.Исаева сынды білікті де білімді заңгер мамандар болды. Бертін келе, Сыр аймағының құқық қорғау органдарында ұзақ жылдар қалтқысыз қызмет еткен М.Қошманов, М.Жүсіпбекова, М.Ақмұрзаев, С.Абдулов, Н.Байқадамовтар толықтырады.

Тағдырдың тәлкегіне түскен жарымжан жандарды қоғамға бейімдеп, олардың еңсесін тіктеп, өзгелер секілді өмір сүрулеріне қолайлы жағдай жасау – бүгінгі қоғамның басты талабы. Қазіргі сәтте  оларға  қолдау көрсету еліміздің саяси міндетіне айналуда. Оның бір дәлелі ретінде аймағымыздағы мүгедектердің құқықтарын қамтамасыз ету және өмір сүру сапасын жақсарту жөнінде қабылданған 2013-2014 жылдарға арналған Жол картасы бағдарламасын айтуымызға болады. Аталмыш бағдарлама негізінде өткен жылы облыста бірқатар жұмыстар атқарылып отыр. 

Облыстық «Сыр бойы» газетінің 2014 жылғы 9 қаңтардағы санында жарияланған «Кітапхана суық, клуб та құлып» атты сын мақалаға байланысты төмендегі жағдайды хабарлаймын. Мақалада Басықара, Құмжиек, Ақтан батыр ауылдық клуб, кітапхана меңгерушілері 2013 жылдың 31 желтоқсан күні жұмыс орындарында болмағандығы жазылған.

Осыдан 150 жыл бұрын, яғни 1864 жылғы қаңтардың 8-і күні Торғай төсінде тұңғыш қазақ мектебі ашылып, оған 14 бала тартылған болатын. Көптен асыл арманы болып келе жатқан бұл оқиғаға Ыбырай Алтынсарин  балаша қуанды. Сол жылғы наурызда өзі жиі хат алмасатын Қазан университетінің профессоры Н.И.Ильминскийге былай жазды: «Менің үнемі ұмтылған тілегім – қалай да пайдалы адам болып шығу еді. Ал қазір осыған қолым жетіп отырғанын ойласам, көңілім толық жұбаныш табады». Сөйтіп өз сөзімен айтқанда, ол балаларды оқытуға «қойға шапқан аш қасқырдай» өте қызу кіріседі.