Сыр бойы

Жедел қызмет пен қауырт еңбек төтенше оқиғалар туындаған кезде қауіптің алдын алатыны, тосқауыл болатыны белгілі. Бұқара халық та осындай жағдайда төтеншеліктерден көмек күтеді. Ол үшін жедел қызметтің дер кезінде ұйымдастырылуы, азаматтардың біліктілігі, іскерлігі мен қызметтердің  материалдық-техникалық жағдайының жарақталуы маңызды. Мемлекет басшысы ел азаматтарының қауіпсіздігі үшін қызмет ететін Төтенше жағдайлар министрлігінің жарақталуына ерекше көңіл бөліп отыр. 

Жаңажылдық мереке қарсаңында жол патрульді полиция қызметкерлері қала тұрғындарын құттықтады.

Жылдағы дәстүр бойынша үздік спортшылар мен жаттықтырушылар, сала жұмысын жолға қоюда оң нәтиже көрсеткен  қалалық және аудандық  дене шынықтыру және спорт бөлімдері, балалар мен жасөспірімдер спорт мектептері анықталды. Осындай құрметке ие болғандар облыстық дене шынықтыру және спорт басқармасының алғыс хатымен марапатталды. 

Бейсенбі күні баспасөз орталығында облыстық телекоммуникация дирекциясы жылды қорытындылады. Шараға облыс әкімінің орынбасары Нұржан Әлібаев, «НұрОтан» ХДП облыстық филиалы төрағасының бірінші орынбасары Өлмесхан Болатбеков қатысты.

Жылдағы дәстүрге сай Жаңа жыл мерекесі қарсаңында Астанадағы Тәуелсіздік сарайында ҚР Президентінің «Алтын сапа» және «Парыз-2013» сыйлығының жеңімпаздарын марапаттауға арналған салтанатты жиын өтті.  Үш жүзден астам кәсіпорынның өкілдері қатысқан конкурста қызылордалық «Жанрос Дриллинг» компаниясы «Ең жүздік әлеуметтік жауапкершілікті кәсіпорын» номинациясының иегері атанып, қола жүлдені жеңіп алды.  

Өткен аптада Қызылорда ОІІД Есірткі бизнесіне қарсы күрес басқармасы қызметкерлері жастар мен жасөспірімдер арасындағы нашақорлықтың және есірткі бизнесіне қарсы күрестің алдын алу мақсатында  «Біз есірткісіз өмірді қалаймыз!» ұранымен облыстың барлық оқу орындары арасында командалық би сайысын өткізді.

Қызылорда қаласындағы «Жас-Нұр Шөмекей» мектепке дейінгі шағын орталығы қаладағы іргелі тәрбие орындарының бірі. Елбасының «Балапан» бағдарламасы аясында өмірге келген бұл балабақшада бүгінгі таңда сексеннен астам бала бар.  Балабақша тек балаларға білім мен тәрбие беріп қоймайды, сонымен бірге қала деңгейінде түрлі қайырымдылық шараларға ұйытқы болып, өзге балғындарға қуаныш сыйлауды дәстүрге айналдырған.  Жаңа жыл мерекесі қарсаңында Талсуат ауылдық округінде орналасқан облыстық балаларды оңалту орталығында ұйымдастырылған мерекелік шара соның бір дәлелі. 

Өткен  жылы Қазақстанда алғаш рет Ұлттық-ғылыми кардиохирургия орталығында донорлық жүректі трансплантациялау жасалды. 46 жастағы әйелдің жүрегі бір жылдан астам уақыт бойы Жәнібек Успановтың кеудесінде соғылуда. 2013 жылдың 7 қарашасында Қазақстан кардиохирургиясында  маңызды оқиға болып, донорлық жүрек екінші рет сәтті трансплантацияланды.   

Қазақстан Республикасы Мемлекеттік қызмет істері агенттігінің төрағасы Ә.Бәйменов Оңтүстік өңір журналистеріне «Мемлекеттік қызметті реформалау: ішкі түйін және аймақтық БАҚ-тағы көрінісі» атты семинар өткізді. Еуропа Одағының «Қазақстан үкіметі мемлекеттік қызметін реформалау және модернизациялау» жобасы қолдауымен жүзеге асқан бұл шараға Алматы, Жамбыл, Оңтүстік Қазақстан және Қызылорда облысы БАҚ өкілдері қатысты.   

Мемлекет және қоғам қайраткері, экономика ғылымдарының докторы, профессор Бақберген Досманбетов Англияның Оксфорд университетінің «Ғылымдағы атағы үшін» номинациясы бойынша «Сократ» орденінің иегері атанды. Бұл марапат 27 ректордан тұратын «Еуропадағы ректорлар клубы» қауымдастығының шешімімен ғылыми журналдарда жазылған зерттеулері негізінде беріліп отыр.