Сыр бойы

Кеше облыс әкімі Қырымбек Көшербаевтың төрағалығымен «Нұр Отан» партиясы облыстық филиалының Саяси кеңесі мен облыстық қоғамдық кеңестің бірлескен отырысы өтті. Жиында аймақ басшысы Астанадағы Қауіпсіздік Кеңесі отырысында қабылданған мәселелер мен 2019 жылға арналған міндеттерді баяндады.

7 ақпанда Астана қаласында Мемлекет басшысы Н.Ә.Назарбаевтың төрағалығымен өткен ҚР Қауіпсіздік Кеңесінің отырысында мұнай-газ саласының дамуы, Байқоңыр қаласы мен су шаруашылығын дамыту, Солтүстік Арал жобасын іске асыру және жаңа Жылу электр орталығының құрылысы жайлы сұрақтар талқыланды.

Зымыраған уақытқа тоқтам бар ма... Сол сынаптай сырғыған сағым жылдар санатында азды-көпті ғұмырының саналы жылдарын мәнді өткізген, туған жеріне шынайы қызмет жасаған, елдің есінде ұзақ сақталатын есімдер болады. Осындай өнегелі өмір кешкен азаматтардың қатарын Сағидулла Сағынайұлы толықтырады.

Көреген бабаларымыз «Тектіден текті туады, тектілік тұқым қуады» деп ұлтымыздың адами болмысын шын бағалап, тегімізді таразылап кеткен. Жақсы әкенің жолын жалғап, өнегесін бойына сіңірген азаматтың бірі – Асылбек Ыбыраев. Жұрт жадында жақсы ісімен қалған Асылбектің бар мұраты елге қызмет етіп, ата-баба аманатына адал болу еді.

Халықты тұрғын үймен қамтамасыз ету мемлекет үшін қай кезде де маңызды. Бұл бағытта Сыр елінде үлгі етерліктей іс бар. Соңғы бес жыл бедеріндегі толайым табыстың бірі – тұрғын үй құрылысының қарқын алуы десек, қателеспейміз. Елдің әл-ауқатының көрсеткіші саналатын құрылыс қарқыны жағынан аймақ өткен жылды да жақсы қорытындылады.

Қоғамда адами капитал маңызды фактор десек, оны дамытуға үлес қосатын басты сала ретінде білім мен денсаулықты айтамыз. Себебі, дені сау, білімді ұрпақ ғана мемлекеттің, ұлттың құнды қазынасы, ел ертеңі саналмақ. Осы орайда мемлекетімізде, оның ішінде облыс көлемінде білім мен денсаулық сақтау саласын дамытуда айтарлықтай ауқымды жұмыстар атқарылуда.

Өткен жылдың мәдени және рухани өміріндегі ең негізгі жаңалығы –  Қорқыт ата мұраларының ЮНЕСКО-ның материалдық емес мұралар тізіміне енуі.  Бұрын Қорқыт ата күйлері, асыл сөздері туыстас түркі халықтарының ортақ мұрасы еді. Енді бүкіл адамзатқа ортақ қазынаға  айналды. Осылайша Қорқыт атадан бері айтылып келген «өмірді мәңгілік ететін – өнер» деген байлам өміршеңдік сатысына көтеріліп, мәңгілікпен ұштасты.

2018 жыл қазақ еліне тарихи тартуын ала келді. Ақордалы Астананың 20 жылдығы жалпыхалықтық мерекеге айналып, елде ерекше аура қалыптасты.

Анахайм. Мəнерлеп сырғанаудан «Төрт құрлық чемпионаты» жарысы. Қазақстан атынан өнер көрсеткен қызылордалық мəнерлеп сырғанаушы Элизабет Тұрсынбаева төрт құрлық чемпионатының күміс жүлдесіне ие болды.

Қызылордада көші-қон халыққа қызмет көрсету орталығы ашылды. Оған облыс әкімі Қырымбек Көшербаев, “Азаматтарға арналған үкімет” мемлекеттік корпорациясы КЕАҚ басқарма төрағасы Абылайхан Оспанов қатысты. Шарада аймақ басшысы орталықтың маңыздылығына тоқталды.