Сыр бойы

Бүгін Қызылордада кезекті VIII өңірлік «Байқоңыр Инвест» инвестициялық форумы өтуде, - деп хабарлады облыс әкімінің баспасөз қызметінен. 

Бүгінгі күні «100 нақты қадам» Ұлт жоспары мемлекетті алға бастырудың, Қазақстан халқының тыныш өмір сүруі үшін тиімді жолдарының бірі екенін дәлелдеп отыр. Себебі экономикалық, саяси өмірдегі өзгерістер тек заңдарға ғана бағынады. 

Өңірлік коммуникациялар орталығында өткен брифингте Қармақшы ауданының әкімі Сұлтан Мақашов биылғы жылы атқарылған жұмыстар мен алдағы жылдың еншісіндегі жоспарларымен бөлісті.

Кеше Қорқыт ата атындағы ҚМУ-дың Студенттер сарайында қоғам қайраткері, ұлағатты ұстаз Абылай Айдосовтың 80 жылдығына орай «Тәуелсіздік жылдарындағы Сыр өңірінің әлеуметтік-экономикалық және тарихи-мәдени дамуының жетістіктері» атты ғылыми-танымдық конференция өтті. Тағылымды шараға облыс әкімі Қырымбек Көшербаев қатысып, ғибратты ғұмыр иесінің азаматтық болмыс-бітімі хақындағы ойларымен бөлісті.

Кеше «Мұз айдыны» спорт кешенінде дзюдодан ерлер мен әйелдер арасында ҚР чемпионаты мен Кубогының ашылу салтанаты болды. Рәсімге облыс әкімі Қырымбек Көшербаев пен ҚР дзюдо федерациясының бірінші вице-президенті Маратбек Мықтыбеков қатысып, спортшыларға сәттілік тіледі.

Бейсенбіде Қызылордада ұшқындаған қар жақсы жаңалығын ала келді. Қыстың сәнін келтірер табиғаттың тартуы Сыр топырағын сүйген сәтте облыс орталығындағы Жаппасбай батыр көшесі бойында 170 пәтерлік тұрғын үйдің кірпіші қаланды. Игі іске облыс әкімі Қырымбек Көшербаев қатысып, құрылысшыларға сәттілік тіледі.

Өткен ғасырдың 90-жылдарының басында еліміздің әлеуметтік-экономикалық ахуалы біршама күрделі сипат ала бастады. 1991 жылдың тамыз айында Мәскеуде сәтсіз аяқталған мемлекеттік төң¬керіс ұйымдастырушылардың бүлігінен кейін Кеңес Одағының тағдыры шешілгендей болды. Бұл уақытта республикалар арасындағы шаруашылық байланыстары үзіле бастады. Оны сол кездегі қалалар мен ауылдардағы тіршіліктен байқауға болатын еді. Ақша құнсызданды. Тауарлардың тапшылығы шарықтау шегіне жетті. Осының барлығын біз өз көзімізбен көріп, сезіндік.

Көптен бері жер теліміне кезекте тұрған қармақшылықтар енді тиесілі 10 сотық жерге ие болатын болды. Атап айтсақ, өткен жылы Жосалы кентіндегі жаңадан бой көтеретін шағын ауданға 170 гектар жер бөлінген болатын. Ал биыл инженерлік инфрақұрылымдарды салуға ел Үкіметінің арнайы резерві есебінен 720 млн теңге, облыстық бюджеттен 80 млн теңге бөлініп, барлығы 800 млн теңге қаржыға су-жарығы бар жаңа көшелер түсетін болды. 

«Ешкім де, еш нәрсе де ұмытылмайды». Аралда өткен тағылымды шара осы сөздің мағынасын терең ұғындырғандай. Бұл күні қаладағы көше тұйығына Ұлы Отан соғысының ардагері Әбдуәли Шалмановтың есімі берілді.

Ауданда ұйымдастырылған бұл шара шын мәнінде кәсіпкерлердің мерейін асырды. Кең ауқымды қамтыған «Қазалы Инвест» инвестициялық форумына  облыс әкімдігі мен «Даму» кәсіпкерлікті дамыту қоры» АҚ-ның Қызылорда облысы бойынша аймақтық филиалы, «Атамекен» ҰКП Қызылорда облысы кәсіпкерлер палатасы, облыс көлеміндегі қаржы-несие беру ұйымдары мен екінші деңгейлі банк өкілдеріне қоса көршілес аудандардан, Байқоңыр мен Ақтөбенің Шалқар, Ырғыз аудандарының іскер жандары  қатысты. Форум делегаттарын аудан әкімі Нажмадин Шамұратов қабылдап, сәттілік тіледі.