Сыр бойы

Өңірімізде барлық мешіт қызметкерлері аттестациядан өтуде. Бес жылда бір рет өтетін бұл шара имамдардың білімін көтеруді мақсат еткен.

Облыстық ішкі саясат бас­қар­масының дін мәселелерін зерттеу орталығының ұйым­дас­­тыруымен «Деструктивті діни ағымдардан жапа шеккен тұлғаларды қоғамға қайта бейімдеуді жетілдіру жолдары мен тәсілдері» атты дөңгелек үстел өтті.

Наурыз айының 22-25 күндері аралығында Астана қаласында өтіп жатқан VII Халықаралық «Музыка весны» фестиваль-конкурсында  қалалық "Өнер" мектебінің «Балбұлақ» халықтық үлгілі би ансамблі бас жүлдеге ие болды.  

Жуырда  облыстық ҚАЖ департаментіне қарасты ЗК-169/4 мекемесінде тәрбие бөлімінің ұйымдастырумен «Қақпа алдындағы кездесу» әлеуметтік жобасы болды.  Аталмыш шараға Қызылорда қаласы  әкімдігінің «Қызылорда қаласының жұмыспен қамту, әлеуметтік бағдарламалар және азаматтық хал актілерін тіркеу бөлімінің «Қылмыстық жазасын өтеген адамдарды әлеуметтік бейімдеу мен оңалту орталығы» коммуналдық мемлекеттік мекемесінің директор орынбасары  М.Смайлов, орталық заңгері А.Адранов, әлеуметтік қызметкері Р.Нұртаева қатысты.

Аймақтың ақпарат айдынында өз бағытын айқындап үлгерген облыстық «Кәсіпкер келбеті» газеті мен республикалық «Кәсіпкер және мәдениет» журналының шыға бастағанына 5 жыл толды. Оқырманын сүбелі де сүйекті тақырыптарымен, тың ойларымен сусындата білген бұл газет пен журнал облыстағы кәсіпкерліктің дамуын насихаттап, саладағы оң өзгерістерді ақпараттандыруды, өңір кәсіпкерлерін жұртшылыққа танытып, оларға рухани демеу көрсетуді басты ұстанымы етіп алған. Осы саланың қыр-сырына машықтанған бірден бір басылымның осы газет пен журнал екенін жұртшылық та мойындап үлгерді десек, асыра айтпағынымыз.

«Казгидромет» РМК Қызылорда облысы бойынша филиалының хабарлауы бойынша 26-28 наурызда Қызылорда облысының кей жерлерінде тұман, найзағай, оңтүстік-шығыстан соғатын желдің күші 15-20, екпіні 25 м/с болады.

Дубайда әлемдегі үздік ұстаздарды анықтайтын Global Teacher Prize премиясы лауреаттарының марапаттау рәсімі өтті. Оның биылғы жеңімпазы кениялық Питер Табичи (Peter Tabichi) атанды.

Ирландиялық файтер, UFC-дің бұрынғы чемпионы Конор МакГрегор ММА-ден кеткенін мәлім етті, - деп хабарлайды Тengrinews.kz тілшісі.

25 наурызда 102 телефонына белгісіз азаматтан «Таир» СҚ ғимаратын жарамыз деген хабарлама келіп түсті, деп хабарлайды ҚазАқпарат тілшісі.

Отандық әдебиеттану, түркітану ғылымдары салаларын дамытудағы, республикамыздың жоғары оқу орындарындағы оқу үдерісі, ғылыми-зерттеу, тәлім-тәрбие жұмыстарындағы жетістіктері үшін филология ғылымдарының докторы, профессор, ҚР Жазушылар Одағының мүшесі, ҚР Гуманитарлық ғылымдар Академиясының академигі, ҚР Қазақ ұлттық әдет-ғұрып, салт-дәстүр Академиясының академигі Темірхан Сақаұлы Тебегенов Қорқыт Ата атындағы Қызылорда мемлекеттік университеті басшылығының шешімімен «Қорқыт Ата атындағы Алтын медальмен» марапатталды.