Сыр бойы

   Жаңақорған. Жаңақорған ауданында орналасқан күкірт қышқылы зауытында электр- энергияны үнемдеу мақсатында баламалы күн энергиясын пайдалану жолға қойылуға жұмыс жасалуда.

   Шиелі. Аудан әкімі Мұрат Ергешбаев "Жас спортшыларымызға барлық жағдайды жасау қажет. Сонда ғана осындай жеңісті сәттер көп болады" деді Татарстаннан қола жүлде алып келген Райымбек Рантаевты қабылдаған кезде жүрекжарды лебізін білдіріп.

   Қазалы.  Биыл Қызылорда облысы Қазалы ауданында жұмыссыз жүрген 200-ден астам тұрғын «Жұмыспен қамту-2020 жол картасы» бағдарламасы бойынша оқытылды. Аудан әкімдігі баспасөз қызметінің хабарлауынша, олар шаштараз, машинист, құрылысшы, электрик, дәнекерлеуші секілді жалпы саны 10-ға жуық мамандықты игерген. Олардың басым бөлігін жастар құрайды.

  Тұманды Альбионнан Сыр өңіріне қуанышты хабар келіп жетті. Облыстың белгілі азаматтарының бірі, мемлекет және қоғам қайраткері, экономика ғылымдарының докторы, профессор Бақберген Досмамбетов Англияның Оксфорд университетінің «Ғылымдағы атағы үшін» номинациясы бойынша «Сократ» орденінің иегері атанды.

"Қазгидромет” республикалық мемлекеттік кәсіпорны Қызылорда гидрометеорология орталығы хабарлауынша, 2013 жылдың 19-20 желтоқсан күндері Қызылорда облысының кей жерлерінде тұман сақталып, желдің жылдамдығы секундына 15-20 метр жылдамдықпен күшейеді деп күтіледі.

Жақында бір топ азаматтар «Арал ауданының Құрметті азаматы» атағына ие болды. Бұл марапатты аудан әкімі Мархабат Жайымбетов салтанатты жағдайда табыс етті.

Жақында Тереңөзек кентінде ұрпақтарға үлгі болып, ұстаздардың ұстазы атанған Ажар Әзқожаеваның 85 жылдық торқалы тойы салтанатты жағдайда аталып өтті.

Үстiмiздегi жылдың шiлде айында "Даму" кәсiпкерлiктi дамыту қоры Қазақстандағы кәсiпкерлiк тақырыбы аясында ең үздiк материалдарға конкурс жариялаған болатын. "Қазақстанның кәсiпкерлiк БАҚ назарында" атты атауға ие болған конкурста сегiз номинация белгiлендi. Конкурсқа елiмiздiң өңiрлерiнен түскен 70-ке жуық жұмыс сарапшылар талқысынан өттi.

Ел тәуелсіздігі мерекесіне орай ҚР Мәдениет және ақпарат министрлігі Тіл комитетінің ұйымдастыруымен Алматыда мемлекеттік тілді жоғары деңгейде меңгерген орыс жастарын анықтау және ынталандыру мақсатында республикалық байқау өткізілген болатын. "Тіл–халық жанын танудың кілті" атты байқауда жерлесіміз Жаңақорған ауданындағы № 169 орта мектептің 9-сынып оқушы Анастасия Балясникова жүлделі бірінші орынға ие болды. Қазақ тілінің айбынын асқақтатуға үлес қосып жүрген орыс қызы Анастасияға қанатың талмасын, өркендей бер дегіміз келеді.

"Казгидромет" РМК Қызылорда гидрометеорология орталығының хабарлауынша, 2013 жылдың 11-12 желтоқсан күндері облыстың кей жерлерінде 15-20 м/с жел күтіледі.