Сыр бойы

  Тұманды Альбионнан Сыр өңіріне қуанышты хабар келіп жетті. Облыстың белгілі азаматтарының бірі, мемлекет және қоғам қайраткері, экономика ғылымдарының докторы, профессор Бақберген Досмамбетов Англияның Оксфорд университетінің «Ғылымдағы атағы үшін» номинациясы бойынша «Сократ» орденінің иегері атанды.
Аталмыш марапат 27 ректордан тұратын «Еуропадағы ректорлар клубы» қауымдастығының шешімімен ғылыми журналдарда жазылған зерттеулері негізінде беріліп отыр. Б.Досмамбетов 1945 жылы дүниеге келген. Ұзақ жылдар бойы жоғары оқу орындарында ұстаздық етті. Қорқыт ата атындағы Қызылорда мемлекеттік университетінің ректоры қызметінде болды. Қызылорда қаласының әкімі, Арнайы экономикалық аймақтың әкімшілік кеңесінің төрағасы қызметін атқарған. Қазақстан Республикасы Парламенті Сенатының депутаттығына сайланған.