Сыр бойы

Бүгін Қызылорда облысы әкімдігі жанындағы кәсіпкерлер кеңесінің кезекті отырысы өтті. Жиынға облыс әкімі Қырымбек Көшербаев қатысып, өңірде инвестициялық жобалар бойынша атқарылып жатқан жұмыстармен және жаңа жобалармен танысты. Жиынды ашқан аймақ басшысы ауыл шаруашылық саласына жауапты орынбасары Серік Қожаниязов енді кәсіпкер кеңесінде осы салаға жауапты болатынын жеткізді. 

Астана қаласында ҚР Премьер-министрі Кәрім Мәсімовтың төрағалығымен ҚР Президенті жанындағы Тау-кен өндірісі, геология және жер қойнауын пайдалану жөніндегі кеңесінің жиыны өтті. Онда Қызылорда облысында тау-кен және металлургиялық кешенді дамыту жол картасының жобасы талқыланды. Сондай-ақ, ЖЭО реконструкциялау және кеңейту,  ферроқорытпа зауытын салу, тау-кен комбинатының құрылысын бастау, кен орындарын кеңейту секілді мәселелері сөз етілді.

Италияның Гроссето қаласында мүмкіндігі шектеулі спортшылар арасында жеңіл атлетикадан  Гран-при халықаралық жарысы өтті. Оған 28 елдің спортшылары қатысты. 

Кеше, 6 маусымда Сырдария өзені арқылы өтетін көпірдің іргетасын қаланды. Шараға облыс әкімі Қырымбек Көшербаев, ҚР Парламенті Мәжілісінің депутаттары және ел ақсақалдары қатысты. Бұл көпір сол жағалауды дамытудың алғы шарты. Нысанның құрылысы аяқталысымен, өзеннің қарсы бетінде жаңа зәулім ғимараттар бой көтеретін болады.

Кеше, 6 маусымда Социалистік Еңбек Ері, мемлекет және қоғам қайраткері Исатай Әбдікәрімовтің 90 жылдығына орай оның өмір жолы мен қызметіне арналған танымдық конференция өтті. Оған облыс әкімі Қырымбек Көшербаев, академик Сұлтан Сартаев, Қазақстан Республикасы Парламенті Сенаты және Мәжіліс депутаттары қатысты.

Кеше, 6 маусымда қаржы полициясының 20 жылдық мерекесі салтанатты түрде аталып өтілді. Орган қызметкерлерін облыс әкімі Қырымбек Көшербаев құттықтап, 3 «Шевроле» автокөлігін сыйға тартты.

Сырдария ауданына қарасты С.Сейфуллин ауылында «Толағай» отбасылық сайысы болып өтті. 

2013 жылы Қызылорда облысында 68 жазатайым оқиға тіркелді. Зардап шеккендердің жалпы санынан 9 пайызды әйелдер құрады. Зардап шегуші жарақатының ауыртпалық дәрежесі бойынша 14-і жеңіл, 2-уі орташа, 31-і ауыр жарақаттан зардап шеккендер болып табылады.

Байқоңыр қалалық сотының үкімімен пәтер тонаушы 2 жыл бас бостандығынан шектеуге сотталды. Бұл жөнінде Байқоңыр қалалық сотының баспасөз қызметі хабарлады.

Жаңақорған ауданына қарасты Манап ауылдық округінде Қазақстанның халық ақыны Манап Көкеновтың құрметіне «Айтыстың ақтаңгері» атты тақырыпта облыстық жас ақындар айтысы өтті.