Сыр бойы

Президент Қасым-Жомарт Тоқаевтың қатысуымен өткен Үкіметтің кеңейтілген отырысында еліміздің әлеуметтік-экономикалық дамуында ілгерілеушілік бар екені баяндалды. «Басты мақсат – қолда бар мүмкіндіктерді, әлеуетімізді толық пайдалану. Аталған жетістіктерді еселеуіміз керек», – деді Мемлекет басшысы. Осы орайда бірқатар сала бойынша тапсырмалар жүктелді. Біздің бүгінгі облыстық ауыл шаруашылығы басқармасының басшысы Бақыт Жахановпен пікірлесуіміз келелі жиында асыраушы салаға қатысты айтылған мәселелер төңірегінде өрбіді.

 ҚР Президенті Қасым-Жомарт Тоқаевтың қатысуымен өткен Үкіметтің кеңейтілген отырысында биылғы бірінші жартыжылдықта елімізде экономикалық өсім бар екендігі айтылды. «Басты мақсат – қолда бар мүмкіндіктерді, әлеуетімізді толық пайдалану. Аталған жетістіктерді еселеуіміз керек», – деді Мемлекет басшысы.  Осы жиында бизнеске тұсау болғандар қатаң жазаланатыны ескертіліп, бірқатар салалар бойынша нақты тапсырмалар берілгені мәлім.  Облыстық кәсіпкерлік және туризм басқармасының басшысы Фердоуси Қожабергеновпен әңгімеміз аймақтағы кәсіпкерлік саласының дамуы туралы болды. – Фердоуси Әбілқасымұлы, Мемлекет басшысы жуырда өткен Үкіметтің кеңейтілген отырысында кәсіпкерлікті дамытуға жағдай жасауға маңыз берді. Бұл орайда үш жылды кәсіпкерлікті қолдау жылына арнаған Сыр елінде кәсіпті дамыту мақсатында жасалып жатқан ерекше қадамдарды атап өтсеңіз...

Баспана арман болған қарапайым халық үшін жағымды жаңалық – «Бақытты отбасы» бағдарламасы бойынша құжат қабылдау басталды. Осы орайда Тұрғын үй құрылыс жинақ банкінің облыстық филиал директоры Әділжан Сәулебаев бағдарламаға қатысты көп көкейіндегі сұрақтарға жауап берді.

  «Qazaq Epos» ұлттық жобасы «Тұлпар мініп, Ту алған» рес­публикалық байқауының ресми өкілі, Қазақстан Жазушылар одағының мүшесі, ақын Серік Сейітман Қызылордаға арнайы іссапармен келіп, «Қобыланды батыр» жырын жатқа айтудан өтіп жатқан оқушылар сайысы туралы сұхбат берді.

Биыл мемлекеттік сатып алу қағидаларына өзгерістер енгізілді. Бұл өзгерістер 1 шілдеден бастап күшіне енді. Өзгерістер қандай саланы қамтыды? Қандай жаңалықтар бар? Осы сұрақтарға жауап алу үшін Кәсіпкерлер палатасының сарапшысы Әйгерім Рахымжановамен сұхбаттасқан болатынбыз. 

Облыстық мәслихат депутаты, белгілі кәсіпкер Темірхан Әлімқұлов ең әуелі өзіне жоғары талап қоятындардың қатарынан. Сұхбат барысында «мен мынаны жасадым» дегеннен гөрі, «сайлаушылар көңілінен шыға алдым ба, өз міндетімді қалай орындап жүрмін?» деген сауалды өзіне жиі қоятынын байқадық. Содан да болар, оны ел қоғам жанашыры, қайырымды азамат ретінде жақсы таниды. Ендігі сөзді сұхбатпен өрбіткен едік.

Әлеуметтік жағдайы арқылы қай елдің болмасын бет-бейнесін көруге болады. Конституциямызда Қазақстан өзін әлеуметтік мемлекет ретінде орнықтыратыны жазылған. Демек, бұл бағыттағы жемісті саясат Ата Заңмен де тығыз байланысты. Дегенмен, әлемдегі алдыңғы отыз елдің қатарына ену мақсатын қойған Қазақстан үшін әлі көп іс атқарылуы керек. Осы орайда Мемлекет басшысы Қасым-Жомарт Тоқаев Үкіметтің кеңейтілген отырысында атаулы әлеуметтік көмекке келгенде қыжылды мәселе айқындалғанын айтып өткен еді. Бұл орайда Президент Үкіметке нақты тапсырма берді. Еңбек, әлеуметтік қорғау және көші қон комитетінің облыс бойынша департамент басшысы Төреахмет Жолымбетовпен газет тілшісінің сұхбатында өңірде жасалып жатқан істер мен алдағы жоспарлар туралы сөз болады.

Халық қалаулысы болу – үлкен жауапкершілік. Елдің мұң-мұқтажын тыңдап ғана қоймай, түйткілді мәселенің түйінін шешуге ықпал ету депутат үшін үлкен міндет. 

Шілденің алғашқы жексенбісі – қасиетті қара домбыраны әспеттейтін күн. Бұл күні қазақтың байтақ даласы домбыра үнімен тербеледі, домбыра үнімен оянады. Ең қуаныштысы, бұл мереке кейінгі толқынның ұлттық аспапқа деген құрметін арттырды. Мереке қарсаңында жас та болса, домбыра жасаудың шебері, Шиелі ауданы, Досбол би ауылының тұрғыны Біржан Ділмановпен дидарласудың сәті түсті. 

Балалық арманы атақты математик болуға жетелеген Асылбек Тоғызбаевты өмір арнасы мүлдем басқа салаға бұрып жіберді. Оған өмірден ерте өткен әкесі мен науқас анасының жағдайы ауыр тиді. Сол уақытта арқасүйер ағасы бір сәтте : «Сен болашақта дәрігер болуың керек!» деп, айқын бағыт-бағдар берді. Міне, сол уақыттан бері бүкіл саналы ғұмырын адамның басты байлығын сақтауға арнаған, алтын қолды дәрігер, мықты ұйымдастырушы, білікті басшы, Қызылорда қаласының Құрметті азаматы Асылбек Тоқмырзаұлы бүгінде жетпістің желкеніне шығып отыр. Газет тілшісімен болған сұхбатта медицина саласының майталманы өзінің өмірден түйгенін тереңінен тарқатып, сыр ақтарып, емен-жарқын әңгіме де айтты.