Сыр бойы

Өзінің саналы ғұмырын Сыр өңірінің педагогика саласын дамытуға жұмсаған педагогика ғылымдарының  докторы, балалар ақыны Рахат Наурызбаева биыл 70 жасқа толып отыр. Осыған орай аптаның сейсенбі күні облыс бойынша педагогикалық қызметкерлердің біліктілігін арттыру институтының ғылыми кеңесі өзінің кезекті мәжілісін  институт профессорының мерейлі мерейтойына арнады. 

Сәуірдің алғашқы аптасында Н.Тілендиев атындағы академиялық фольклорлық-этнографиялық "Отырар сазы” оркестрінің дирижері, халықаралық конкурстардың лауреаты Мүсілім Әмзе Тұрмағанбет халық аспаптар оркестрі ұжымына шеберлік дәрісін өткізген еді. 

Сүйінші! Наурыздың 20-24-күндері аралығында Алматы қаласында өткен ІІ халықаралық «ALMALY.KZ» балалар өнер фестивалінде жерлесіміз Арайлым Берік бас жүлдені, «Вокал – 2014» жарысы негізінде І орынды жеңіп алды. 

Ағымдағы жылдың наурыз айының 26-28-і күндері Мәскеу қаласында Останкино телеорталығы мен  "Muzikbox” каналының қолдауымен ІІІ Халықаралық "Золотой голос” өнер фестивалі өтті. 

Өмір ағыны қаламдас қарындасымыз Рахат Наурызбаеваны да  қаума-лаған қауымына есеп беруге тиісті тағы бір белеске жеткізіпті. Бір кездегі балғын қыздың бүгінгі әже болған шағында кейінде қалған өмір өткелдерін сарапқа салып, ой кешіп отырса, тағдыр жолы оңай болмапты. Анасынан бір жарым жасында, әкесінен он жасында айырылған қыз бала мұңсыз-қамсыз болды деп айта алармысыз. Рас, туған апасы Рахима сіңілісіне жетімдік көрсеткен жоқ. Қатарынан кем қылмай тәрбиеледі. Болатын бала бесігінен-ақ талпынып бағады ғой. Қазалы стансасындағы №420 мектепте оқып жүргенінде кітапқұмарлығымен көзге түсті. Оқуынан да қалмайды, сабақтарына мұқият дайындалады, апасына көмектеседі, қалған уақыты көркем-әдеби кітаптарды оқумен өтеді.

Ұлы Абай айтқандай, "әнмен дүниеге келесің, әнмен дүниеден өтесің". Қуанышта әуенмен тасимыз, реніште әуенмен жұбанамыз. Осындай ән әлемінде өзіндік орны бар дарын иесі сазгер, әнші Нұрмаш Алғашбаевтың өткеніне ой жүгіртейік.

Шиелі ауданының өнерпаздары облыстағы барлық ауданға гастрольдік сапарға шықты.  

Қазақстан Республикасы Ұлттық Ғылым академиясының корреспондент-мүшесі, еліміздің еңбек сіңірген қайраткері, педагогика ғылымдарының докторы, профессор Байзақ Момынбаевтың өмірден озғанына бір жыл толуына орай ұйымдастырылған іс-шаралар бейсенбі күні Қорқыт ата атындағы Қызылорда мемлектетік университетінің Студенттер сарайында ғалымның өмірі мен қызметіне арналған "Академик” атты кітаптың тұсаукесерімен басталды.

Қазақстан Жазушылар одағының мүшесі, жазушы Бегімбай Ұзақбаевтың осылай аталатын тарихи романдар топтамасы өз оқырмандарына жол тартты. Алматы қаласындағы "Шамшырақ” баспасынан жарық көрген жаңа басылымнан "Қарабура”, "Сопы әзіз пір”, "Марал баба” жайлы тарихи деректерге сүйене отырып жазылған, бояуы қанық көркем туындыларды тұшына оқи аласыздар.

Өткен сейсенбіде Студенттер сарайында «Бабалар сөзі»  атты қазақ фольклорының 100 томдық топтамасының тұсаукесер рәсімі болып өтті. «Мәдени мұра» бағдарламасы аясында жарық көрген еңбекті «Фолиант» баспасының өкілі Заңғар Кәрімхан таныстырды. Оның айтуынша, баға жетпес мұраның басылуына 10 жылдай уақыт кеткен. Абыройлы еңбектің жарық көруіне М.Әуезов атындағы Әдебиет және өнер институты мен «Фолиант» баспасы атсалысты.