Сыр бойы

Халыққа ұсынылатын тауарлар бағасы негізсіз өспейді. Бұл жайында Өңірлік коммуникациялар орталығында өткен брифингте ҚР ҰЭМ Табиғи монополияларды реттеу және бәсекелестікті қорғау комитетінің Қызылорда облысы бойынша департамент басшысы Нұрлан Пірімов түсіндірді.

Талсуаттықтар көгілдір отынның игілігін көре бастады. Облыс әкімінің орынбасары Серік Сүлейменов пен Қызылорда қаласының әкімі Нұрлыбек Нәлібаев кеше қала іргесіндегі ауылға барып, газ жүйесін іске қосты.

Осы аптада облыс әкімі Қ.Көшербаев белгілі айтыскер ақын, "Алтын домбыра” иегері Мұхтар Ниязов пен Елбасының қолынан домбыра алған жас термеші Арай Оңғарқызын қабылдады. Аймақ басшысы Сыр елінің мақтаныштарына алғысын білдіре отырып, сәттілік тіледі. Қос өнерпаз да өз кезегінде Сыр халқының ерекше қолдауын сезінетінін айтып, ризашылығын жеткізді.

Кеше облыс әкімінің орынбасарлары Қуанышбек Ысқақов және Руслан Рүстемов Қызылорда қаласындағы бірқатар әлеуметтік нысанның жұмысымен танысты. 200 адамға лайықталған облыстық перинаталдық орталық екі жыл бұрын ашылған болатын. Облыс әкімінің орынбасары Р.Рүстемовты денсаулық сақтау нысанының жұмысымен таныстырған орталықтың бас дәрігері Гүлнар Жұмашева ақ халаттылардың кеңесіне кемінде 40-50 адам күніне жүгінетінін жеткізді. Мұнда әйелдер мен жаңа туылған нәрестелерге неонатология, анестезиология, реаниматология, акушерлік және гинекология салалары бойынша қызмет көрсетіледі. Жаңа үлгідегі медициналық құрал-жабдықтар пайдаланылады. Ал, биыл 30 төсек-орынды босанғаннан кейінгі оңалту бөлімшесі ашылды. Келушілер мемлекеттің ана мен бала денсаулығына қамқорлығы үшін дән риза.

«Қазтест» жүйесі бойынша ұйымдастырылған тестілеуде оң нәтиже көрсеткен 91 адамға кеше облыстық ішкі саясат басқармасының басшысы Айдын Қайруллаев сертификат табыстады.

Мешін жыл да өз мәресіне жетті. Осы орайда барлық сала өздерінің атқарған жұмыстарын таразылап, жеткен жетістіктері мен алдағы жоспарлары жайында талқылап жатқаны анық. Соның бірі өңірдегі мемлекеттік жастар саясатының жүзеге асырылуы бойынша кездесу болып өтті. Онда облыстық ішкі саясат басқармасы басшысының орынбасары Еркебұлан Меңлібаев жиналған барша жастарды Ел Тәуелсіздігінің 25 жылдығымен және Жаңа жыл мерекесімен құттықтап, жылы лебізін білдірді. Мұнан кейін облыста жас­тар саясатының жүйелі іске асып келе жатқанын кеңінен айтып өтті.

Кеше облыс әкімінің орынбасары Руслан Рүстемов және облыс активі Қызылорда қаласы әкімінің орынбасары қызметін атқарған Нұрхан Жәлиевті жаңа қызметке ауысуына байланыс­ты құрметпен шығарып салды.

Аймақта қаңылтыр шығаратын жалғыз кәсіпорын өндіріс көлемін ұлғайтпақ. «Бизнестің жол картасы – 2020» бағдарламасы арқылы ашылған кәсіпкерлік нысан бір жыл ішінде 100 тонна өнім өндірген. Енді көрсеткішті 300 тоннаға жеткізуді көздеп отыр.

Халықтың прокуратура органдарына сенім білдіру деңгейін анықтау мақсатында «Астана-Зерттеу» қоғамдық қоры арқылы 2016 жылы әлеуметтік зерттеу жүргізілген болатын.

Ардагерлерді ардақтап, қарттарды құрметтеу қанымызға сіңген үрдіс. Әрі мұндай өнегелі қадамның ұрпақ тәрбиесіне де тигізетін әсері мол. Жуырда осындай ұлағатты іс Қазалыда көрініс тапты. Бұл күні аудан әкімі Нажмадин Шамұратов Ұлы Отан соғысы ардагерлерінің отбасыларына барып, Жаңа жылмен құттықтады.