Сыр бойы

 Бүгінгі ұрпақ диірменді тек музейден тамашалап жүр. Ал, немере-шөберелеріне диірменнің қасиетін айтуды әрдайым өзіне парыз санайтын Жақсыгүл Жармаханова – Жалағаш ауданы, Мәдениет ауылының тұрғыны. Сексенге таяп қалған әжей әлі күнге айналасына немерелерін жиып, диірмен тартады. Мұнысы жай ермек емес, кейінгі ұрпаққа нанның еңбекпен келетінін ұғындыру. Он баланы өмірге әкеліп, әрқайсысының білім қуып, мамандық алуын армандаған ол бүгінде арманына жеткен бақытты ана.

 

"Самұрық-Қазына" ұлттық әл-ауқат қоры" АҚ Басқарма Төрағасы Ахметжан Есімов облысқа жұмыс сапарымен келді. Сапар барысында облыс әкімі Қырымбек Көшербаев және "ҚазМұнайГаз" ҰК АҚ Басқарма Төрағасы Алик Айдарбаевпен бірге CRC-1 дәнекерлеу кешеніне барып, "Сарыарқа" магистралды газ құбырының құрылысымен танысты.

«Азаматтарға арналған үкімет» арқылы көрсетілетін 621 қызметтің 454-і, яғни 80 проценттен астамы, бүгінде электрондық форматта қолжетімді.

Қызылордада «Nur Otan» партиясы Қызылорда қалалық филиалының төрағасы, қала әкімі Нұрлыбек Нәлібаевтың төрағалығымен қалалық партия филиалының кезектен тыс XXIII конференциясы өтті. Аталмыш жиынға арнайы «Nur Otan» партиясы облыстық филиалы төрағасының орынбасары Ержан Байтілес қатысты.

Қызылорда облысының прокуратурасы жергілікті атқарушы органның қызметіне жүргізілген талдау барысында 3,6 мың кәмелетке толмаған балалардың әлеуметтік көмек алу құқықтарының бұзылғанын анықтады.

«Мұз айдыны» спорт кешенінде мәнерлеп сырғанаудан әлем чемпионатының күміс жүлдегері Элизабет Тұрсынбаеваның жүлдесіне арналған «Көктем жұлдыздары» республикалық ашық турнирі басталды. Екі күнге созылатын жарыстың ашылу салтанатына облыс әкімінің орынбасары Руслан Рүстемов пен «ҚазГерМұнай» БК ЖШС бас директоры Мұрат Мұстафаев қатысты.

Бүгінгі күн «Үкімет өзі асырайды» деп, өз жайыңды біреу күйттейтіндей қол қусырып отыратын заман емес. Аштан өліп, көштен қалғың келмесе, тірлік қылмай болмайды.   Осындай мақсатта адамдар өз кәсібін ашу туралы ойға келіп, оны жүзеге асырып жатады. Солардың арасында шағын бизнесін өз үйінде ашып, отбасына табыс кіргізіп жатқандар жетерлік.

Аймақта жыл басынан халықтың мұқтаж тобына, әлеуметтің белгіленген санаттарына арналған «Орда» бағдарламасы арқылы жүздеген отбасы баспанаға ие болды.

Oблыстық тарихи-өлкетану музейінде «Н.Назарбаев: дәуір, тұлға, қоғам» көшпелі көрмесі ашылған еді.  Осыған дейін Алматыда, Шымкентте, Түркістанда, Атырау мен Ақтөбеде өткен көрмені 700 мыңнан астам келуші тамашалаған. Музей қызметкерлерінің айтуынша, жылжымалы көрме Қызылордада ашылғалы бері оны 5000-нан астам адам көрген. Оған қоса өткен демалыс күндері Шиелі және Қармақшы аудандарында жылжымалы экскурсия ұйымдастырылды.