Сыр бойы

Соңғы жылдары қаламызда жеке автокөліктерімен такси қызметін көрсетушілер қатары көбейіп, заңсыз кәсіпкерлік қанатын кеңге жайды. Салықшылардың айтуынша, такси, яғни автокөлікпен жолаушы тасымалдау «Автомобиль көлігі туралы» Қазақстан Республикасының заңымен реттеледі.

Көктем келісімен Сыр өңірінде тазалыққа көңіл бөлініп, ауыл-аймақ, елді мекендер мен облыс орталығында тынымсыз тіршілік басталып кетті. Яғни, 15 наурыз бен 17 мамыр аралығы тазалық айлығы болып жарияланып, санитарлық тазалық, көркейту-көгалдандыру жұмыстары белсенді жүргізілуде. Жалпыхалықтық сенбіліктер өткізіліп, туған шаһардың келбетін көріктендіруге күш салынуда. Осы орайда тұрғындар арасында сауалнама жүргізіп, бүгінгі қала тазалығы көңіліңізден шыға ма, туған қаламыздың мәдениетін дамыту бағытындағы жұмыстарды қаншалықты қолдайсыз деген сұрақтарға жауап іздеген едік.

Сәуiр айының бірінші жексенбісі жер қойнауын зерттеушілердің кәсіби мерекесі. Ел Президенті Н.Назарбаев өзінің биылғы дәстүрлі Жолдауында "Қазақстан геологиялық барлау саласы бойынша әлемдік нарыққа шығуы тиіс” деп атап айтқан болатын. Бүгінде өңір геологтары Елбасы тапсырған осы үдеден шығу жолында аянбай еңбек етуде.  Мәселен, "Волковгеология” АҚ филиалы №23 Геологиялық барлау экспедициясы аудан мен облыстың геология саласының дамуына ауқымды үлес қосып келеді. 

Көпшілікке белгілі, жыл басында күнделікті тұтынып жүрген газ бағасы қымбаттады. Бұл жайтты әркім әрқалай қабылдады. Сонда "көгілдір отын” бағасын көтерудің сыры неде? Осы орайда газет  тілшісі газды тұтынушыға негізгі жеткізіп беруші "ҚазТрансГазАймақ” акционерлік қоғамының басқарушы директоры Рустам Сулеймановты әңгімеге тартқан еді.

Елбасының биылғы «Қазақстан жолы – 2050: Бір мақсат, бір мүдде, бір болашақ» атты Жолдауында барша қазақстандықтардың мүддесі тұрғысынан жауап беретін, нұрлы болашаққа бастайтын іс-қимылдар жоспары мен әлемдегі дамыған 30 мемлекеттің қатарына кірігу ісіндегі нақты тапсырмалар жүйесі белгіленген. 

Басы ауырып, балтыры сыздамайтын адам жоқ. Сондайда ең алдымен Алладан, онан соң дәрігерден дәрмен күтетініміз белгілі. Мен де ағымдағы жылдың үшінші сәуірі күні қан қысымым 220/100 болып көтеріліп, қатты ауырдым. Дәрілерімді ішіп, болмаған соң 16.50-де жедел жәрдем шақыру үшін телефон соқтым.

Орталық "Ақмешіт-Сырдария” мешітінде өткен аптаның сенбісі күні ҚМДБ-ның Қызылорда облысы бойынша өкілдігінің ұйымдастыруымен  азан айтудан қала, аудан мешіттерінен 64 шәкірт қатысқан жарыс болып өтті. 

Салауатты  өмір салтын ұстану  әрқайсысымыздың   дене тәрбиесімен  айналысуымызды, дұрыс тамақтануымызды, зиянды әрекеттерден аулақ болып, тазалық пен санитария шараларын сақтауымызды қажет етеді. 

Жылдағы дәстүр бойынша Арал ауданында көктемнің алғашқы күнінен бастап көркейту-көгалдандыру, санитарлық тазалық жұмыстары қарқын алуда. Қалаға кіреберістегі жасыл белдеуге бес жүз түп ағаш егілуі соның дәлелі. Ағаш отырғызу сауапты іс екенін ескерсек, бұл күні аудан әкімі мен мемлекеттік құрылымдардың басшы қызметкерлері де қолдарына күрек алып, өзгелерге үлгі көрсетті. 

Ертасова Гүлжазира Жаңақорған ауданының тумасы. Осындағы №125 орта мектепті, Алматы қаласындағы қазақ мемлекеттік ұлттық университетінің журналистика факультетін үздік бітірген.