Сыр бойы

Егеменді еліміздің Ата Заңы (Конституция) өзінің ең алғашқы бабын Қазақстанның ең қымбат қазынасы адам және адамның өмірі, құқықтары, бостандығы деп бастайды. Адам баласы үшін бұл құндылықтардан асқақ не бар? Біздің ата-бабаларымыз ақ найзаның ұшымен, ақ білектің күшімен белдескендегі қол созған ақ арманы осы тәуелсіздік, бостандық болатын. Ендеше, тәуелсіздігімізді паш ететін ең басты құжатымыз – Ата Заңымыздың қабылданған күні барша қазақстандықтар үшін орны толмас қуанышты күн болып табылады.

Қазақстан дербестік жолына түскен күннен бастап құқықтық мемлекет идеясын қабылдады. Құқыққа мойынсұнып, адамның және азаматтың құқықтары мен бостандықтарын қамтамасыз ету­ді алдына мақсат етіп қоя бі­лген жас мемлекет осындай си­патымен ерекшелене білді. Қа­зақстан аума­ғында тұратын ха­лық барлық жағынан ашық болып, әртүрлі діни, сая­си жә­не экономикалық жолдар­дың қиы­лысында еште­ңе­ге қара­мастан өзі­нің ішкі тәу­елсіздігін сақтап қалды. Мемлекет – бұл тек аумақ, ал азаматтардың бірлігін, билік инс­титуттарын, сонымен қатар ұр­пақ­тардың тәжірибесі мен жақ­­сы болашағының үмітін жұ­мыл­дыратын – Конституция. Қа­зақстан Республикасының Конс­титуциясы туралы айтатын бол­сақ, Қазақстанға тәуелсіздік алуға, тиісінше қолданыстағы Конс­титу­цияны қабылдауға век­тор болып табылатын кейбір тарихи сәттерді атап өткен жөн.

Күнделікті тірлігіміздің әрбір тіні еліміздің Ата Заңының аясында оң шешімін тауып, қандай да бір жетістіктерге жетуге септігін тигізіп жататыны жасырын емес. Яғни, мұндай игілікті істердің Қазақстан Республикасының Конституциясынан бастау алатыны белгілі. Оны кім қалай түсінеді? Осы ретте бірнеше мамандық иелерімен пікірлескен едік.

Адамзат баласының өмір сүруі белгілі бір заңдылықтарға бағынатыны сияқты әр мемлекеттің де негізгі заңы болуы шарт. Ол заңның барлық тілдердегі мойындалған атауы – Конституция. Тәуелсіз даму жолына түскен елімізді биіктерге бастайтын Ата Заңымыз мемлекеттік құрылымды дәйекті түрде анықтап, Президенттік басқару үлгісін бекітіп берді. Барлық заңдар мен заңнамалардың бастауы болып табылатын құнды құжат – Қазақстан Республикасының қалыптасу жолындағы қиындықтарды еңсеруге ғана емес, халықаралық-құқықтық беделін күшейтуге мүмкіндік беріп, ең басты құндылығы адам және адам өмірі, оның құқықтары мен бостандықтарына кепіл болды.

Қазақ жерін мекен етуші әрбір ұлт өкілі Қазақстанмен мақтана алады. Өйткені, біздің мемлекетте олардың өзінің ана тілін үйрену мен дамыту үшін барынша жағдай жасалған. Сондай-ақ нәсіліне, ұлтына, тіліне, дінге деген көзқарасына, наным-сеніміне байланысты кемсітуге тыйым салынған. Бұл заң тұрғысынан алып қарағанда. Жалпы Қазақстан халқы арасындағы бірнеше ғасырлар бойы тамырын жайған өзара бауырмалдық, кеңпейілділік Конституция баптарына сызат түсірген емес. Айталық, Сыр өңірінің өзінде ондаған ұлттардың өкілдері тату-тәтті өмір сүріп жатыр. Осы ұлттардың әрбірінің тілі мен ділін, салт-дәстүрін ұстануы мен дамытуына ешқандай кедергі жоқ деп сеніммен айта аламын.

Облыстық ауыл шаруашылығы басқармасының ақпараттық-маркетингтік жүйесі арқылы күнделікті негізгі азық-түлік өнімдерінің бағаларына мониторинг жүргізіліп отыр. Жүргізілген мониторингтің нәтижесінде бүгінгі күні ең арзан өнімдерді облыс аудандары мен Қызылорда қаласының төмендегі сауда үйлері мен базарларынан алуға болатындығын хабарлаймыз.

Қылмыстық-атқару кодексінің жа­ңа редакциясы Қазақстан Респуб­ли­касы Президентінің 2012 жылғы 18 желтоқсандағы №449 «Мемлекет бас­шысының 2012 жылғы 14 жел­тоқсандағы «Қазақстан-2050» стра­те­гиясы: мемлекеттің жаңа саяси бағыты» Қазақстан халқына Жолдауын іске асыру іс-шаралары негізінде жал­пы­ұлттық жоспарының 75-тармағын орындау бойынша әзірленген.

Нас-бай. Аты айтып тұрғанындай, нас, лас затқа бай дүние. Алайда, ол біреулер үшін құмар қандырып жүрген құнды дүние болып тұр бұл күнде. Бағасы да қолжетімді. Әсіресе, соңғы уақытта жасөспірімдер мен жастар үшін құмар қандырудың ең тиімді әдісі болып тұрғаны жасырын емес. Әрине, күл-қоқыстың, саңғырық, қидың болымды бағасы болушы ма еді? Ол тек табак жапырағының езіндісі ғана емес, оның әсерін арттыру үшін бірнеше қоспалар қосылады. Мысалы, әк сығындысы, қой құмалағы немесе тауық саңғырығы, өсімдіктердің күлі сынды бірнеше адам ағзасына өте зиянды қоқыстардың жиынтығы бар.

Елбасының «Қазақстан – 2050» Стратегиясы қалыптасқан мемлекеттің жаңа саяси бағыты» атты қазақстандықтарға арнаған Жолдауында профилактикалық медицинаға басымдық берілгені белгілі. Яғни, тұрғындар арасында денсаулыққа жауапкершілікпен қарап, саламатты өмір салты мәдениетін қалыптастыру мәселесіне мемлекеттік деңгейде назар аударылып отыр. Бұл бағытта республика көлемінде сан түрлі ауқымды шаралар ұйымдастырылып, өткізілуде. Сондай шараның бірі елімізді түгел қамтитын «Денсаулық фестивалі» акциясы.Биыл да дәстүрлі жалғасын табатын шара жайында жан-жақты білу әрі тұрғындарды құлақтандыру мақсатында облыстық салауатты өмір салтын қалыптастыру орталығының директоры Қайрат Мырзахметов мырзаны әңгімеге тартқан едік.

Өткен жексенбі күні Оңтүс­тік өңірлік аэромобильдік жедел құтқару жасағы мемле­кет­тік мекемесінің кезекшілігіне қаладағы Локомотив депосының ауласында адамды темір басып қалғандығы жайында суыт хабар келіп жетті. Жасақ құтқару­шылары төтенше жағдай орын алған жерде 7 жасар баланың ой­нап жүргенінде алақанына үш­кір темір кесіндісі кіріп кет­кеніне және оның темір астында қалғандығына куә болды. Құтқарушылар теміркескішті пай­даланып, қаңылтыр қоршау­дың бір бөлігін мұқият кесті де баланы жерге түсірді. Оған әрі қарай көмекті жедел жәрдем қыз­меткерлері көрсетті.