Сыр бойы

Жұмабек ӘМІРБЕКҰЛЫ, қызылор­далық жеке кә­сіпкер:

– Жеке кәсіпкерлікпен айналысқаныма он шақты жылдың жүзі болды. Кеңестік кезеңде автокөлік мекемесінде жүргізуші болдым. Кейін нарықтық қатынастарға орай жеке тірлік жасауды қолай көрдім.

Конституцияның 24-бабы, 1-тарма­ғын­да "Әркімнің еңбек ету бостандығына, қызмет пен кәсіп түрін таңдауына құқығы бар” деп көрсетілген. Дегенмен, кәсіпті таңдау – жартылай іс, бастысы – нәтиже.

Қазір иелігімде бес-алты ауыр жүк көліктері бар. Демек, осынша жүргізушіге нәпақа тауып беріп отырмын. Жүк көлігі болған соң жұмыс табу оңай емес. Өңірдегі мұнай-газ саласының мекемелерімен ке­лі­сім-шарт бойынша жұмыс жасап жа­тырмыз. Шүкір, кәсібімде нәтиже бар.

Жәнібек МОЛДАБЕК, Қызылорда көлік прокурорының аға көмекшісі:

– Қазіргі қолданыстағы Ата Заңымыз­дың басты құндылығы – республиканың өзін демократиялық, зайырлы, құқықтық және әлеуметтік деп жариялауымен қа­тар, өзінің ең қымбат қазынасы – халық еке­нін айқындап берді. Өйткені, адам және адамның өмірі, құқықтары мен бос­тандықтары сияқты өмірлік маңызы зор міндеттердің реттелуі үнемі Ата Заңымен ұштасып жатады.

Әрбір мәдениетті, білімді халықтың саналы азаматтық деңгейін көрсететін нақ­ты өлшемдердің бірі – халықтың өзін­­дік құқығы мен төл заңдарының бо­луы. Қыраны көкке самғап, туы биікте желбіреген тәуелсіз еліміздің Ата Заңы адамзат баласының жүздеген жылдар бойы қалыптасқан құндылықтарын бойына сі­ңірді. Қазақстан Республикасының Конс­ти­туциясы бабалардың даналығы мен қа­зіргі заманның рухын бірлестіріп, үй­лестірген, жүзден аса ұлттар мен ұлыс­тардың тегіне қарамастан бекіткен құжат болды.

Конституция аясында қабылданған көп­теген заңдар қоғамдық өмірдің әр са­ла­сында тиімді қолданылып, ел тыныш­тығы мен ұлт бірлігінің бекуіне ықпал етті, экономиканың өрлеуі мен халықтың әл-ауқатының жақсаруына жол ашты. Өз басым Ата Заңымызды елдің жарқын болашағының кепілі ретінде қастерлеймін және оның талаптарын бұлжытпай орын­дау арқылы қоғамның өркендей беретініне сенімдімін.

Орынбай ӘБДІКЕРОВ, Арал ауда­нындағы №19 орта мектептің мұғалімі:

– Қазақстан Республикасының Конс­титуциясындағы саяси-әлеуметтік және құқықтық міндеттерді жүзеге асыруға бағытталған мақсаттар тәуелсіз Қазақ елін­де қай салада болсын жемісті жүзеге асы­рылуда. Бүгінгі таңда саясаты сал­мақты, экономикасы еңселі, халқы тату елі­міз Ата Заңның аясында өркениетті ел­дермен терезесі тең өмір сүруде. Әсі­ресе, мемлекетімізде азаматтардың, яғни, Ата Заңымыздың арқасында барлық аза­маттың толық та сапалы білім алуына жағдай жасалған.

Соңғы жылдары еліміздің білім са­ласы оң өзгерістермен ерекшеленуде. Со­ның бір дәлелі, қазір елімізде заманауи та­лаптарға сәйкес келетін жаңа білім бе­ру ошақтарының көбейіп жатқандығы. Дәстүрі берік өзім еңбек ететін мектепте де оқушылар жаңаша оқу әдісімен білім алуда. Пәндік кабинеттердің барлығы сұ­раныстарға сәйкес келеді. Жыл сайын ұс­таздардың кәсіби шеберлігін шыңдау ба­ғытындағы жұмыстар да оң жолға қой­ылған. Шәкірттерге сапалы білім мен саналы тәрбие беру ісінде бүгінге дей­ін жеткен жетістіктеріміз де аз емес. Өс­келең ұрпаққа тәрбие беру ісіндегі мұн­дай жетістіктер біздерді, ұстаздар қауы­мын, алдағы күндері атқарылар іс­тер­дің нақты бағытын айқындап, күш-қай­ра­ты­мызды жігерлендіре түседі. Мі­не, Ата Заңымыздың арқасында қол жет­кі­зіп жатқан жақсылықтарымыздың бір мысалы осындай.

Сауалнаманы жүргізген Бақтыбай СМАЙЫЛҰЛЫ.