Сыр бойы

27 желтоқсан күні еліміздің батыс және оңтүстік-шығыс облыстарында құбылмалы күн райы сақталады. Кей жерлерде жауын-шашын жауып, батыста түнде қатты жауын-шашын күтіледі. Республиканың кей жерлерінде көктайғақ, тұман, бұрқасын болып, жел күшейеді, деп хабарлайды ҚазАқпарат.

108  жыл бұрын (1910-1995) әдебиет сыншысы, жазушы, ғалым, филология ғылымының докторы, профессор, Қазақстан Ғылым Академиясының академигі, Қазақстанның еңбек сіңірген ғылым қайраткері Мұхамеджан Қожасбайұлы Қаратаев дүниеге келді.

Израиль парламенті діншілдерді армияға шақыру туралы заң жобасының төңірегіндегі пікірталастарға байланысты өзін-өзі тарату туралы шешімді бекітті. Бұл туралы сәрсенбіде Каn радиостансасына сілтеме жасап Қазақпарат хабарлады.

Жапонияда екі адамға қатысты өлім жазасы орындалды, деп хабарлайды «ҚазАқпарат» Kyodo агенттігіне сілтеме жасап.

“Достық үйінде” облыстық Қазақстан халқы Ассамблеясының актив отырысы болды. Оған облыс әкімінің орынбасары Р.Рүстемов, этно-мәдени бірлестік жетекшілері мен белсенділері, облыстық ҚХА жанындағы қоғамдық құрылымдар, ғылыми-сарапшылық топ, “Жаңғыру жолы” жастар қанатының мүшелері қатысты.

Сыр өңірінде биылғы жылы сыбайлас жемқорлықпен күрес мақсатында бірқатар нақты жобалар жүзеге асты. Атап айтар болсақ, жақында «Ақмешіт – адалдық алаңы» жобалық кеңсесі ашылды. «Адал ұрпақ» еріктілер клубының облыстық штабы құрылды. Оқу орындарында «Адалдық дүкені» ашылуда. Тағы бір атап айтарлығы, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің облыс бойынша департаменті мемлекеттік орган басшыларына биыл Жаңа жыл мерекесін мейрамханаларда тойлаудың орнына қайырымдылық шараларын өткізуді ұсынып отыр. Бұл туралы өңірлік коммуникациялар қызметінің алаңында өткен брифингте айтылды.

Жаңа жылды жақсылап қарсы алу үшін мерекелік іс-шараларды өткізу кезінде өрт қауіпсіздігі ережесін сақтау өте маңызды. Осы орайда өңірлік коммуникациялар қызметінде өткен кезекті брифинг осы мәселеге арналып, онда Қызылорда облысы ТЖД Өрт қауіпсіздігі саласындағы бақылау және профилактикалық қызмет басқарма басшысы Руслан Қайрақбаев пен облыстық полиция департаменті әкімшілік полиция басқармасының ерекше тапсырмалар жөніндегі аға инспекторы, полиция подполковнигі Сәбит Сатқанбай профилактикалық шаралар туралы айтып берді.

  Облыстық кәсіпкерлік және туризм басқармасы кәсіпкерлер үшін семинар ұйымдастырды. Кәсіпкерлер палатасында өткен семинарға ісін жаңа бастаған және кәсіпті дөңгелеткен кәсіпкерлер, барлығы 50-дей адам қатысты.  Бұл уақыт сұранысына сай шара болды. Себебі, жаңалығы көп саладан қажетті ақпарат алу кәсіпкерге артық етпейді.

 

Еліміздегі ұялы телефондардың 80 пайызы IMEI-коды бойынша тіркеуден өтті, деп хабарлайды ҚазАқпарат тілшісі.