Сыр бойы

Жаңа жылды жақсылап қарсы алу үшін мерекелік іс-шараларды өткізу кезінде өрт қауіпсіздігі ережесін сақтау өте маңызды. Осы орайда өңірлік коммуникациялар қызметінде өткен кезекті брифинг осы мәселеге арналып, онда Қызылорда облысы ТЖД Өрт қауіпсіздігі саласындағы бақылау және профилактикалық қызмет басқарма басшысы Руслан Қайрақбаев пен облыстық полиция департаменті әкімшілік полиция басқармасының ерекше тапсырмалар жөніндегі аға инспекторы, полиция подполковнигі Сәбит Сатқанбай профилактикалық шаралар туралы айтып берді.

Облыстық төтенше жағдай­лар департаменті мен облыстық полиция департаменті бірлесіп, 2018 жылдың 18 желтоқсаны мен 2019 жылдың 3 қаңтар ара­лығына профилактикалық іс-шаралар жоспарын жасап, штаб құрылған және жұмыс мүшелері жасақталды.

Жаңа жылды отшашусыз елестете алмаймыз. Алайда, пиротехникалық заттарды ереже бойынша қолданғанмен, қолға сапасыздары түсуі де ғажап емес. Ішкі істер министрлігінің нұс­қауына сәйкес, республика бойынша мереке қарсаңында аза­маттық пиротехникалық бұй­­ымдарды заңсыз әкелу, сақ­тау, сату және пайдалану фак­тілерін анықтау және жолын ке­су мақсатында “Пиротехника” жедел профилактикалық іс-шаралар өткізілуде. Осы шара шеңберінде облыс көлемінде осындай заттар сататын орындарда күнделікті тексерулер жүргізілуде.

Тәртіп сақ­шылары пиро­техникалық заттарды тек ма­ман­дандырылған дүкен­дерден алуға кеңес бере­ді. Заңмен белгіленген талаптар­ды бұзып, пиротехника бұйымда­рын сат­қан жағдайда ҚР Әкім­шілік ко­дексі бойынша жауапқа тар­­­ты­лып, айыппұл төлейді. Жүр­гізілген 25 рейд барысында 9 құ­қық бұзушылық дерегі анық­талған.

Жоспарға сай, білім және денсаулық сақтау саласындағы мекемелерде кезекшілік ұйым­дастырылуда. Білім ошақта­рын­да оқушыларға мектеп инс­­пек­торлары дәріс оқып, пи­ро­тех­никалық бұйымдарды қол­да­нудың қаупі жайын­да тү­сіндіру жұмыстары жү­ріп жатыр.

Бұл іске блогерлер де тартылып, түсіндірме жұ­мыс­тары әлеуметтік желілер ар­қылы да таратылуда. Ата-ана­лармен кездесу барысында өрттің алдын алу шаралары мен қауіпсіздік ережелерін сақ­тау, кәмелет жасқа тол­маған жас жеткіншектерге құра­мын­да жарылғыш заттар бар са­люттарды сатуға тыйым са­лынғаны және заңды бұз­ған­дар жауапкершілікке тартылып, үлкен айыппұл төлеуге мін­деттелетіні  туралы айтылуда.

Брифингте өткен 11 айда об­лыс көлемінде тілсіз жаудан келген зардаптар дерегі де айтылды. Өрт оқиғаларынан 11 адам қаза болып, 8 адам жарақат алған. Материалдық шығын көлемі 46 млн 383 мың теңге.