Сыр бойы

Қазақстан Республикасының Премьер-Министрі Бақытжан Сағынтаев «Аралтұз» акционерлік қоғамында болып, ондағы жұмыс барысымен танысты.

Жұмыс сапары барысында ҚР Премьер-Министрі Арал ауданында болды. Онда Үкімет басшысы балық шаруашылығының даму барысымен танысты.САРАТС жобасының іске асып, «Көкарал» бөгетінің салынуы теңіздегі тіршілікке дем берді. 2000 жылмен салыстырғанда, балық аулау көлемі 20 есеге өсті. Өткен жылы 8740 тонна балық ауланса, оның 3410 тоннасы экспортталған. Бұл туралы Үкімет мүшелеріне Арал ауданындағы балық өңдеу зауытының жұмысын таныстырған облыс әкімінің орынбасары Серік Қожаниязов мәлімдеді.

Қызылорда облысына жұмыс сапары аясында ҚР Премьер-Министрі Бақытжан Сағынтаев «Қараөзек» компрессорлық стан­циясына барды. Мұнда Үкімет басшысы Президенттің бесінші әлеуметтік бас­тамасы – «Елді газбен қамтамасыз етуді жалғастыру» шеңберінде «Сарыарқа» магис­тральді газ құбырының құрылыс жос­парымен танысты. «Қызылорда-Жезқазған» автожолын дамыту перспективаларына да тоқталды.

Өңірге жұмыс сапары барысында ҚР Премьер-Министрі Бақытжан Сағынтаев Қорқыт ата атындағы ҚМУ Студенттер сарайында «Президенттің бес әлеуметтік бастамасын» іске асыру мәселелері бойынша білім беру, денсаулық сақтау және әлеуметтік сала  қызметкерлерімен кез­десті.

Елбасы тапсырмасы бойынша Қазақстан Республикасының Премьер-Министрі Бақытжан Сағынтаев жұмыс сапарымен облысымызға келді. Сапар мақсаты – ­Президент Нұрсұлтан Назарбаевтың «Қазақстанның үшінші жаңғыруы: жаһандық бәсекеге қабілеттілік», «Төртінші өнеркәсіптік революция жағдайындағы дамудың жаңа мүмкіндіктері» Жолдаулары мен Бес әлеуметтік бастамасы аясында берген тапсырмаларының жүзеге асырылу барысымен танысу.  Алдымен Бақытжан Әбдірұлы 2018 жылы әлеуметтік-экономикалық дамудың мақсатты индикаторларына қол жеткізу бойынша облыстың жобалық бақылау жұмыстарының жүйесімен, Мемлекет басшысының Жолдауларын іске асыру мәселелері бойынша облыс әкімдігінде өңір активімен, кәсіпкерлер және әлеуметтік сала өкілдерімен кездесу өткізді. Сондай-ақ, «Қараөзек» газкомпрессорлық станциясының, Арал ауданындағы балық өңдеу зауыты мен «Аралтұз» АҚ жұмысын көрді.  Мұнда қоғам өкілдерімен басқосу өтіп, Солтүстік Арал жобасын жүзеге асыру, суармалы жерлерді жақсарту, ҚР Президентінің 5 әлеуметтік бастамасы аясында шағын несиелендіру ісін жетілдіру мәселелері талқыланды. Сонымен қатар, Байқоңыр қаласы мен ғарыш айлағын дамыту барысы назарға алынды.

 

 Шымкентте адамдар уланған балмұздақ үй жағдайында жасалған. Бұл туралы Денсаулық сақтау министрлігі Қоғамдық денсаулықты қорғау комитеті хабарлама таратты, деп жазады https://egemen.kz/.

 Елбасы ұсынған жаңа бағдарламаға сәйкес, несие өсімінің мөлшерлемесі жылына 7 проценттен, бастапқы жарнасы 20 проценттен аспайды. Несие мерзімі – 25 жылға дейін

Қызылорда облыстық білім басқармасы, Облыстық денсаулық сақтау басқармасы, Жергілікті полиция қызметінің бірлесіп ұйымдастыруымен №10 дарынды балаларға арналған облыстық «Білім-инновация» лицей-интернатының базасында 2018 жылғы 30 наурыз күні «Полицияның жас көмекшілері» отрядының І облыстық форумы» өткізілді.

Салауатты өмір салтын қалыптастыра отырып бүгін №1 қалалық емхананың аумағына қарасты Қызылорда қалалық қоғамдық денсаулық сақтау басқармасы қызметкерлеріне «Қан айналым жүйесі ауруларының алдын алу» жөнінде кең ауқымды акция өткізілді.