Сыр бойы

Ұлт көшбасшысы Нұрсұлтан Назарбаев әрдайым еліміздің басты байлығы және жетістігі Қазақстанда тұратын халық пен этностардың достығы мен бірлігі екенін айтып келеді.

Татулық пен достықты ту еткен еліміз әлемдегі көптеген мемлекетке үлгі көрсетіп келеді. Мемлекет басшысы қалыптастырған ұстаным негізінде тәуелсіз еліміздің сыртқы және ішкі саясаттағы басты бағыты ретінде татулық, бірлік пен саяси тұрақтылық маңызды рөл атқарады. Тәуелсіздіктің алғашқы жылдарында еліміз сан алуан ауыртпалықты бастан өткізгені белгілі. Қандай қиын сәт болса да, ел бірлігі мен қоғамдық келісім қалыптасты.

Осыдан екі жыл бұрын Елбасы Сыр еліне жұмыс сапары барысында «Арай-2» шағын ауданындағы пайдалануға берілген тұрғын үйлердің салтанатты шарасына қатысқан болатын. Ол кезде 520 пәтер ел игілігіне берілген еді. Салтанатта Президент Нұрсұлтан Назарбаев жас отбасының қуанышына ортақтасып, қоныс тойымен құттықтап, дастарханынан дәм тәтті. Бұл Шалхар Демес пен Айзада Бұрханованың жанұясы еді. Олар білім саласының қызметкерлері. Баспаналы болуды армандап, үй кезегіне тұрған. Отанасы Айзада естен кетпес сол бір сәтті қуанышпен айтып берді.

Қазақстан Республикасының Президенті Н.Ә.Назарбаев халыққа арнаған жолдауында 2050 жылға дейін экономикалық-әлеуметтік биіктерге көтерілу үшін рухани байлықтың, денсаулықтың қажеттігін атап көрсеткені баршаңызға мәлім. расында да, дені сау ұрпақ – қоғамның байлығы. Сыр өңіріне арнайы іссапармен келген Елбасы атқарылған жұмыстарға оң бағасын берді. Мемлекет басшысының ұрпақ болашағы үшін білім саласының алдына қойған 3-6 жас аралығындағы балаларды мектепке дейінгі біліммен 100 пайыз қамту, үш ауысымдық білім беруді болдырмау, апатты мектептер орнына жаңа мектептер құрылысын салу жөніндегі негізгі үш тапсырмасы Қызылорда облысында мерзімінен бұрын толықтай орындалды.Сонымен қатар, биыл апаттық жағдайдағы мектептердің мәселесі толығымен шешілді. Балабақшалардың 71 пайызы мемлекеттік-жекеменшік әріптестік негізінде жұмыс жасауда. Соңғы 4 жылда мұндай балабақшалар саны екі есеге артты.Ресейдің жетекші техникалық жоғары оқу орындарында бүгінде 452 түлек грант негізінде білім алуда.

Адам өмірінде ешқашан ұмытылмайтын естеліктер, арманға қанат бітіретін айрықша сәттер болады. Ондай оқиғалар үнемі қуат сыйлап, ертеңге деген сенімді арттырады. Аралдық жеті жастағы кішкентай Нұрсұлтан үшін ең ерекше сәт Елбасымен жүздесу болды. Мемлекет басшысы Нұрсұлтан Назарбаев Сыр өңіріне жасаған жұмыс сапарында талабы таудай бүлдіршінмен тілдесіп, арманын тыңдап, ақ батасын берген болатын. Бұл жеткіншекке зор қуаныш сыйлады. Арал қаласына жолымыз түскенде арманы асқақ бүлдіршіннің үйіне арнайы соғып, ата-анасымен тілдескен едік.

Елбасы Н.Назарбаевтың Сыр бойына жасаған жұмыс сапарлары қашанда халықтың рухын көтеріп, елдің еңбекке деген құлшынысын еселейтінін көріп те, сезіп те келеміз.

Қызылорда қаласының оңтүстік өнеркәсіптік «Тұрангаз» ЖШС жанар-жағар май құю станциясы аумағында орналасқан өрт-тактикалық жаттығулар өткізілді.

Қызылорда облыстық мәслихатының кезекті 17-сессиясы 2017 жылғы 12 желтоқсанда сағат 16:00-де Облыстық мекемелер үйінің (Бейбарыс Сұлтан к., 1) мәжіліс залында ашылады.

Әртүрлі салада табысты еңбек етіп жүрген бірқатар қызылордалық Қазақстан Республикасының Тұңғыш Президенті күні қарсаңында «Нұр Отан» партиясының қатарына қабылданды. Партияның облыстық филиалында өткен салтанатты шараға облыс әкімінің міндетін атқарушы Қуанышбек Ысқақов, облыстық мәслихат хатшысы Наурызбай Байқадамов, облыстық мәслихат депутаттары, партия белсенділері мен жақтастары, жасотандықтар қатысты.

Облыстық Қазақстан халқы ассамблеясының ұйымдастыруымен 1 желтоқсан – Қазақстан Республикасының Тұңғыш Президенті күніне орай кездесу кеші өтті. Шараға облыс әкімінің орынбасары Руслан Рүстемов, облыстық этномәдени бірлестік басшылары мен белсенді мүшелері қатысты. Салтанатты жиын оқушылардың арнайы дайындаған «Ел тірегі – Елбасы» атты әдеби композициясы орындалуымен басталды.