Сыр бойы

Бүгінде елде шағын және орта бизнестің дамуына айрықша қолдау көрсетілуде. Аталған саланы дамытуға бағытталған көптеген жобалар іске қосылды.

Өңірлік коммуникациялар қызметінде өрт қауіпсіздігін болдырмау мақсатында жиын өтті. Оған облыстық медициналық орталығынан, «ҚазТрансГаз Аймақ» АҚ Қызылорда өндірістік филиалынан және ТЖД Өрт қауіпсіздігі саласындағы бақылау және профилактикалық қызмет басқармасының мамандары қатысты.

Сейсенбі күні облыс әкімі Қырымбек Көшербаев жұмыс сапарымен Сырдария ауданында болып, бірқатар кәсіпкерлік және мәдениет нысанын пайдалануға беру шарасына қатысты. Сондай-ақ, аудан активімен кездесіп, елді мекендерде шағын және орта кәсіпкерлікті дамыту мәселелеріне арналған көшпелі мәжіліс өткізді.

А.Пушкин атындағы орталық кітапханада «1 желтоқсан – Қазақстанның Тұңғыш Президенті күніне» орай «Елбасымен нұрлы болашаққа» атты ашық кітап көрмесі ұйымдастырылып, оқырмандарға таныстырылды.

Ұлттық кардиохирургия ғылыми орталығы мамандары облысымызда болып, қызылордалықтарға медициналық көмек көрсетті.

Елбасының «Болашаққа бағдар: рухани жаңғыру» атты бағдарламалық мақаласында туған жерге деген сүйіспеншілік туған елге – Қазақстанға деген патриоттық сезімге ұласатыны айтылады. Облыстық ішкі саясат басқармасының тапсырысы негізінде «Руханиятты қолдау» қоғамдық қоры «Туған жерге тағзым» жобасы аясында бірнеше байқау өткізген болатын. Қазан айынан бастау алған шара қарашада өз мәресіне жетті. Кеше қаладағы «Дарын» қосымша білім беру орталығында байқау жеңімпаздарын марапаттау салтанаты өткізілді.

Бизнесті қалай жүргізуге болады? Оның нәтижелері қандай? Әлемде осы көрсеткіштерді сараптан өткізіп, әрбір сала бойынша нәтижелерді қорытындылап отыратын тиісті халықаралық ұйымдар бар. Солардың бірі – Бүкіләлемдік банк. Осы банктің «Doing Business» рейтингі бойынша Қазақстан әлемде бизнес жүргізуге қолайлы ел ретінде дүниежүзіндегі 190 мемлекеттің ішінде 36-орынды иемденіп отыр. Бұл Елбасының «2050 стратегиясында» белгіленген міндет-межелер үдесі талаптарынан келгенде тәуір көрсеткіштер қатарына жатады.

Қазақ әдебиетінің қабырғалы өкілі, арқалы ақын, дарынды драматург, Мемлекеттік және халықаралық «Алаш», тәуелсіз «Платиналы Тарлан» сыйлықтарының иегері, Сырдың саңлақ перзенті, әдебиет әлемінде Иран-Ғайып есімін иеленген Иранбек Оразбаевтың 70 жасқа толған мерейтойы Н.Бекежанов атындағы қазақ музыкалық драма театрында «Бұ дүние ғайыбы» деп аталған шығармашылық кешімен қорытындыланды.

Мемлекет басшысы Қорғаныс министрі Сәкен Жасұзақовты қабылдады.Кездесуде Нұрсұлтан Назарбаевқа еліміздің қарулы күштерінің қазіргі жағдайы және министрліктің биылғы жұмыс жоспарының іске асырылу барысы жөнінде есеп берілді.

Кез келген адам тек еселі еңбегі арқылы ел сүйіспеншілігі мен көптің ілтипатына бөленері сөзсіз. Сондай құрметке лайық жандардың бірі – Темір Бисембаев. Елбасы Нұрсұлтан Назарбаевтың «Болашаққа бағдар: рухани жаңғыру» атты бағдарламалық мақаласында кісілік келбетін жоғалтпаған осындай кейіпкерлерді кеңінен насихаттау көрсетілген. Үшінші онжылдықты бетке алған мемлекет үшін сенім жүгін арқалаған саңлақтардың қоғамға қосқан үлесі зор.