Сыр бойы

Жақында Мемлекет басшысы қазақ тілін латын графикасына көшіру туралы Жарлыққа қол қойғаны белгілі. Осыған орай №278 орта мектепте «Латын әліпбиіне көшу – рухани жаңғырудың бас­ты құндылығы» тақырыбында дөңгелек үстел өтіп, мұғалімдерге жаңа әліпби таныстырылды. Шарада Қорқыт ата атындағы ҚМУ-дың оқытушысы, филология ғылымдарының кандидаты Аман Абасилов ұстаздар қауымына ел ертеңі үшін маңызды бастаманың артықшылығын түсіндірді.

Халқымызда «Ас көп болса – кәде көп» деген сөз бар. Шындығында, осы күні «кәде-кәуметтің» түрі көп.

Білікті дәрігер, үлкен жүректі азамат Болатбек Баймахановтың есімі бүгінде Сыр өңіріне ғана емес, сонымен бірге республикаға таныс. Отыз жылдан астам дәрігерлік еңбек жолында ол қаншама адамды ажалдан арашалап, сырқатынан сауықтырып, дәрігерлік антына адалдығынан бөлек, адамгершілік тұрғысынан да абырой биігінен көрініп келеді.

Ә.Тәжібаев атындағы облыстық әмбебап кітапханасында Қазақстан Журналистер одағының мүшесі, «Болашақ» халықаралық стипендиясының иегері, ҚР ақпарат саласының үздігі, медиа тренер Қанат Әуесбайдың қатысуымен «Латын әліпбиі жаһандану тұсындағы рухани жаңғыру факторы ретінде» атты кездесу өтті. Облыстық ішкі саясат басқармасы мен «Руханиятты қолдау» қоғамдық қорының ұйымдастыруымен өткен шараға Қорқыт ата атындағы ҚМУ оқытушылары, ғалымдар, үкіметтік емес ұйым мүшелері, тіл мамандары мен студенттер қатысты.

Л.Гумилев атындағы Еуразия ұлттық университеті – Елбасы өзі ашып, батасын берген еліміздегі танымал білім ордаларының бірі. Мұндағы 13 факультетте облыстың аудандары мен қалаларынан барып білім алған түлектеріміз бен оларды білім нәріне сусындатып жүрген тәжірибелі ұстаздарымыз көп. Солардың бірі – Академиялық мәселелер департаментінің директоры Шәмен Палымбетов. Білікті басшы жуырда алпыс үш жасқа аяқ басты.

Облыстық филармония жанынан ашылған «Ақмешіт» фольклорлық ансамблі – Сыр бойының төлтума өнері мен ұлттық фольклорын насихаттау мақсатында құрылған өнер ұжымы.

Жаңақорған ауданы биылғы ауылшаруашылық жылы қорытындысында жоғары нәтижеге қол жеткізді. Облыста «Үздік аудан» номинациясын жеңіп алды.

Қазіргі таңда технологиялар ғаламдық жылдамдықпен дамып барады. Оған ілесу үшін көштен қалмауымыз керек. Мемлекет басшысы Нұрсұлтан Назарбаевтың «Қазақстанның үшінші жаңғыруы: жаһандық бәсекеге қабілеттілік» атты Жолдауында цифрлы технологияны қолдану арқылы 3D-принтинг, онлайн-сауда, мобильді банкинг, цифрлы қызмет көрсету секілді денсаулық сақтау, білім беру ісінде қолданылатын және басқа да перспективалы салаларды дамыту керектігі назарға алынған.

Еліміздің қоғамдық саяси өміріндегі басты жаңалықтың бірі – латын графикасына негізделген қазақ әліпбиі қолданысқа енгізілді. Жуырда Мемлекет басшысы қоғам талқысынан өткен жаңа әліпбидің жобасын мақұлдап, Жарлыққа қол қойды. Осы ресми құжаттың негізінде 2025 жылға дейін қазақ әліпбиінің латын графикасына кезең-кезеңімен көшуін қамтамасыз етіп, заңнамалық сипаттағы шаралар қабылдау жөнінде Үкіметке нақты тапсырма жүктеді.

Еліміздің  прокуратура саласында қабылданған «Өзгерістер бағдарламасында» қоғам жаңа форматтағы прокуратураны қажет ететіні жарияланып, трансформация жүргізудің негізгі бағыттары айқындалды. «Халыққа арналған ашық прокуратураны» қалыптастыру үшін жұртшылықпен тікелей байланыс жолға қойылды.  Жақында газет тілшісі сала жұмысының жаңа беталысы мен бағыт-бағдары туралы бірнеше сауалды Қызылорда қаласының прокуроры, аға әділет кеңесшісі  Мұрат Досмағанбетовке қойған еді.