Сыр бойы

Елбасы «Жалпақ жұртыңды, иісі Алашыңды құрметтеу, алдымен өзің тұрған өлкенің тарихын, табиғатын танудан, тұлғаларын ардақтаудан басталады» – деген болатын.  Осыны негізге алған "Сыр – Алаштың анасы” экспедициясы бұл жолы қазыналы Қазалы топырағына аялдады. Әрбір өлкенің өзіндік тарихи-мәдени ерекшелігі, сара жолы болады. Ұлы Жібек жолының бойындағы Жанкент, Мыңтөбе, Күйік-Қала, Кескен-Күйік секілді ертедегі қалалар саф алтынға бергісіз тарихи сырларды бүгіп тұр. Сараман-Қоса, Орақ, Бегім-Ана, Ұзынтам, Сарыбайқазған, Қазанғап сияқты жаугершілік заманда белгі беру мақсатында тұрғызылған тари¬хи мұнаралар мен Құттыбай, Сырлытам, Бақа би, Кәрібай, Найзағұл, Жанқожа кесенелері,  Дөңқазған, Үшназар, Қосым әулие, Жабағылы,  Әулиетөбе және Манас мазараттары сынды әр заманғы тарихи-сәулет ескерткіштері бүгінгі күнге терең ұрпақтар сабақтастығын сездіреді.

Ақ күріштен тау тұрғызатын Сыр елінде биылғы егіннің жағдайы көңіл қуантарлықтай. Айталық, Жалағаш ауданы диқандары қазіргі күні мәре сызығына жақындап қалды.

Облысымызда «Жұлдыздарға қара – Посмотри на звезды» жобасының жеңімпаздарына гранттар табысталды. Аталған жоба үш ай бойы еліміздің барлық аймағында өткен болатын. Мүгедек-кәсіпкерлердің бизнес-идеясын жүзеге асыруларына берілетін ақшалай гранттың бюджеті ағымдағы жылы 14,4 млн теңгені құрады. Сондай-ақ, бір адамға берілетін  гранттың жалпы сомасы  100 мыңнан  300 мың теңгеге дейін көбейіп, грант алушылардың саны 48 адамға дейін артты. Жоба аясында әр аймаққа 3 грант бөлінген. Ал біздің облыс 4 жеңімпаз анықталған жалғыз өңір болып отыр. Қызылорда облысының Кәсіпкерлерге қызмет көрсету орталығына мүмкіндігі шектеулі кәсіпкерлерден жобаға қатысуға 20 өтінім қабылданып, нәтижесінде 4 жоба қаржыландырылды. 

Жуырда «Ақпарат және коммуникациялар  мәселелері  бойынша Қазақстан Республикасының кейбір заңнамалық актілеріне толықтырулар мен өзгертулер енгізу туралы» жобаның тұжырымдамасы қоғамдық талқылауға ұсынылған еді.  

Өткен сенбіде облыс әкімі жанындағы Әйелдер істері және отбасы-демографиялық саясат жөніндегі комиссия жанындағы «Көшбасшы әйелдер мектебінің» тұсаукесері болды. Онда комиссия төрағасының орынбасары, облыстық денсаулық сақтау басқармасының басшысы Ақмарал Әлназарова құрылымның жұмысы қоғамда әйелдердің беделін көтере отырып, олардың көшбасшылық қасиетін дамытуға бағытталғанын алға тартты.  

Облыстық медицина орталығында еліміздегі балалар хирургиясының білгірі, медицина ғылымының докторы, профессор, жерлесіміз Камал Ормантаевтың 80 жылдығына орай кеуде клеткасының туабітті деформациясы ауруына көрнекі ота жасалды. 

Оңтүстік Қазақстанда Шәмші Қалдаяқов атындағы «Арыс жағасында» VII ретро-фестивалінде VII Шәмші Қалдаяқов атындағы «Менің Қазақстаным» Халықаралық ән байқауының жеңімпаздарын марапаттау салтанатты шарасы өтті, - деп хабарлайды облыс әкімінің баспасөз қызметінен.

Облыстық тарихи-өлкетану музейінің «Ақмешіт» филиалында ел тәуелсіздігiнің 25 жылдығына орай «Өзге тілдің бәрін біл, өз тіліңді құрметте» атты әдеби-сазды кеш өтті.

Қорқыт Ата атындағы ҚМУ-да "Тұрақты ғылыми технологиялық даму: трендтер мен технологиялар” халықаралық ғылыми-тәжірибелік конференциясының "Қор-энергия үнемдегіш технологиялар: тәжірибе және келешегі” секциясының жұмысы өтті. ҚР Ұлттық инженерлік академиясының 25 жылдығына арналған басқосуды университет ректоры, техника ғылымдарының докторы, профессор Қылышбай Бисенов ашып, секция жұмысына сәттілік тіледі.