Сыр бойы

Жақында Орынбор қаласында ересектер арасында қазақ күресінен өткен әлем чемпионатында көптеген халықаралық дәрежедегі додалы жарыстарда топ жарып, киелі Қармақшы елінің мерейін асырып жүрген жерлесіміз Ғалымжан Әбдірахманов 70 келі салмақ дәрежесі бойынша барлық белдесуді жеңіспен аяқтап, әлем чемпионы атанды.

Еліміздегі қазақ-түрік лицейлері дарынды жастарға тәлімді тәрбие мен сапалы білім бере отырып, олардың саламатты өмір салтын ұстануы, ұлттық салт-дәстүр мен әдет-ғұрыптарды бойларына сіңіре білуі жолында өлшеусіз еңбектеніп келеді. Соның айғағындай, "Қазақ қызы” мәдени-инабаттылық қыздар институты мен "КАТЕV” Халықаралық қоғамдық қорының ұйымдастыруымен Астана қаласында қазақ-түрік оқу орындарының 9-11 сынып оқушылары арасында "ҚТЛ аруы” байқауы өткізілді.

«Тастама мені, апатай! Мені кімге қалдырып барасың? Мен сенсіз қалай өмір сүрмекпін? Маған бұл өмірде сен ғана керексің» деген перзентінің зарлы үніне безбүйрек анасы мән берместен бұрылып кете барды. Тәрбиешілердің қолында бұлқынған Самал жанұшыра жер тепкілеп, көзінен жасы төгіліп айқайлағанынан басқа амал таппай қала берді. Оның еркінде болса, ол ешқашан анасынан ажырап қалмас еді. Бiрақ маңдайына жазылған тағдыры солай болып тұрғаны ғой.

Қорқыт ата атындағы Қызылорда мемлекеттік университетінде "Қазақ хандығының құрылғанына – 550 жыл” тақырыбында қала мектептері оқушылары арасында ғылыми жобалар байқауы өткізілді. Байқауға қаланың 23 мектебінен 50-ге жуық оқушы қатысты.

Белгілі ғалым Тоқболат Еңсегенұлының әлемге әйгілі ғұлама В.В.Бартольдтың шығармашылық жолы, ғылымдағы орны, азаматтық келбеті жайлы жазған «Түркі дүниесін зерттеп даңқы шықты» атты еңбегі жарыққа шықты.

Мұғалімдердің мәртебесін көтеруде аймақта пәрменді іс-шаралар атқарылуда. Биылғы жылы облыстық бюджеттен педагог мамандардың білімін жетілдіруге 85 млн. теңге қаржы бөлінді, облыс бойынша 2035 мұғалім өз біліктілігін арттырды. Өскелең ұрпақты білім нәрімен сусындатып, өздерінің жемісті еңбектерімен көпке үлгі болып жүрген ұлағатты ұстаздар өткен жылдан бастап облыс әкімінің арнайы сыйақысына ие болып келеді. Атап айтар болсақ, өткен жылы аймақ басшысының әрқайсысы миллион теңге болатын сыйақысына 43 ұстаз ие болса, биыл 40 мұғалім миллионер атанды. Олардың қатарында кәсіптік білім беретін колледж оқытушылары да бар.

Ұлт Көшбасшысын жылдағы Жолдауында халықтың денсаулық кепілі – спорттың бұқаралығын арттыру мен салауатты өмір салтын орнықтыруға ерекше мән беріп келе жатқаны бәрімізге мәлім. Мемлекеттің қамқорлығы аясында спорттың қай түрі болмасын жақсы дамып келеді.

Миллиондаған адамдардың бойындағы отаншылдық рухты оятатын әлемдік деңгейдегі спорт жарыстарынан Қазақстан құрамалары жүлдесіз қалып жүрген жоқ. Спортшының тілеуін тілеген жанкүйерлердің ықыласы ерекше. Саңлақтардың ерлігін қайталауға тырысып, жаттығу залдарына асыққан жасөспірімдердің жігерін жаныған да спорт деген сиқыр.

Әрбір өркениетті мемлекеттің алдына қойған басты мақсаты – өз халқының денсаулығын жақсартуды қамтамсыз ету. Салауатты өмір салтын ұстану, спортпен айналысу бүгінгі күні облысымызда бұқаралық сипатқа ие болып келеді.

Тұңғыш Президент күніне және Тәуелсіздік мерекесіне орай облыстық өлкетану музейінде №268 орта мектеп ұжымы мен оқушыларының ұйымдастыруымен «Елбасының еңбегімен нұрланған» атты әдеби әуезді кеш өтті.