Сыр бойы

Қорқыт ата атындағы Қызылорда мемлекеттік университетінде "Қазақ хандығының құрылғанына – 550 жыл” тақырыбында қала мектептері оқушылары арасында ғылыми жобалар байқауы өткізілді. Байқауға қаланың 23 мектебінен 50-ге жуық оқушы қатысты.

Байқау мақсаты – оқушылардың ғылымға қызығушылықтарын арттырып, төл тарихымызға құрметін қалыптастыру. Екі кезең бойынша өткізілген байқаудың алғашқы сайысында "Қазақ хандығы мен Тәуелсіз Қазақстан” тақырыбындағы жазбаша-эссе жұмысы бағаланды. Екінші кезеңінде "Қазақ хандығының құрылғанына – 550 жыл” тақырыбында оқушылардың ғылыми жобалары топтық қорғау бойынша сарапқа түсті.

Байқау қорытындысы бойынша №101 орта мектептің оқушылар тобы – 1 командалық орын, №5 орта мектептің тобы – 2 орын, №12 орта мектептің тобы 3 орынды иеленді.

Сонымен қатар, байқау жеңімпаздарына дипломдар және бағалы сыйлықтар, қатысушыларға сертификаттар және ғылыми жетекшілеріне университет ректорының атынан алғыс хаттар тапсырылды.

М.АҢСАТОВА,

Қорқыт ата атындағы ҚМУ "Қазақстан тарихы” кафедрасының профессоры.