Сыр бойы

Шиелі ауданында биыл Білім және ғылым министірінің бұйрығына сәйкес Ұлттық бірыңғай тест өткізу пункті №244 мектептен жаңадан салынған №270 орта мектепке көшірілді. 

Жалағаш ауданындағы «Сәрке Батыр» жауапкершілігі шектеулі серіктестігі жыл сайын ауылшаруашылығы дақылдарынан жоғары өнім жинап жүрген алдыңғықатарлы шаруашылықтардың бірі. Өткен жылы егін жинау науқанының қорытындысымен аудан жеңімпазы болған серіктестік биылғы жылы 1500 гектар жерге күріш егуді жоспарлап отыр.

Қызылорда облысындағы азаматтық хал актілерін тіркеу органдарында өткен жылы 7310 неке тіркелген. Ол алдыңғы жылмен салыстырғанда 376 некеге артық. Өкінішке орай, дәм-тұзы жараспай, жолы екіге айрылған ерлі-зайыптылар былтыр 1624 отбасыны шамалап, алдыңғы жылдан 120 отбасыға көбейіпті. 

Әбдірашит  ағамызды  мен   өткен  ғасырдың  50-жылдарының  ортасынан  бастап  жақсы  білемін.  Бұл  жылдары  мен  Жаңақорған  аудандық  «Екпінді»  газетінде  (қазіргі «Жаңақорған  тынысы»)  қызмет  істейтінмін. 

Арал ауданына жұмыс сапарымен барған ҚР Парламенті Сенатының депутаттары Қожахмет Баймаханов пен Мұрат Бақтиярұлы жұртшылықпен жүздесті. Жиынды жүргізген аудандық мәслихат хатшысы К.Данабай Сыр өңірінен сайланған халық қалаулыларының еселі еңбек жасап жатқанына тоқталды. 

Жуырда – Дүниежүзілік еңбекті қорғау күні аталып өтілді. Атаулы күнге орай ҚР кәсіп¬одақ федерациясының ұйымдастыруымен еңбек қауіпсіздігі мен еңбекті қорғау мәселелеріне сәйкес республикалық деңгейде барлық мекемелер арасында конкурс өткізілді. Алты номинация бойынша сынға түскен ұжымдардың ішінде аймағымыз бойынша Қорқыт Ата атындағы Қызылорда мемлекеттік университеті, Қызылорда техникалық колледжі мен медициналық колледжі және қалалық аурухана «Еңбек қорғау бойынша ең үздік мекеме» атанды. Осыған орай, үздік атанған мекеменің бірі қалалық аурухананың еңбек қауіпсіздік инженері Алмат Бекішевпен тілшіміз сұхбаттасқан болатын.

Облыс әкімінің және Қазақстан Республикасы Президентінің өкімдерімен Қожаниязов Серік Салауатұлы Қызылорда облысы әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі болып тағайындалды. 

Қорқыт ата атындағы Қызылорда мемлекеттік университеті тарих және мәдениет ескерткіштерінде археологиялық және ғылы¬ми-реставрациялау жұмыстарын жүзеге асыру жөніндегі қызметке лицензия алды. Аталмыш лицензия бойынша университет Қазақстанның барлық аймақтарында жүргізілетін археологиялық зерттеулерге және ғылыми қайта қалпына келтіру жұмыстарына толыққанды өз қызметтерін ұсына алады. Бұл тұрғыда  университеттің ғылыми әлеуеті мен материалдық-техникалық базасының  мүмкіндіктері мол. 

Көктем келгелі егіс алқабында диқандардың жұмысы қыза бастады. Биылғы ауа райының қолайсыздығына байланысты егін егу уақытынан кеш басталды. Дегенмен, көктемгі дала жұмыстары барлық өңірде  қанат жаюда. Аймақ басшысы Қырымбек Көшербаев апта соңында Сырдария ауданында болып, «Шаған жер» ЖШС-ның күріш егу технологиясымен танысты. 

«Даму» кәсіпкерлікті дамыту Қоры мен Қазкоммерцбанктің «Құс Жолы» қайырымдылық қоры мүмкіндігі шектеулі адамдарға өз кәсіпкерлігін дамытуға арналған «Жұлдыздарға қара» жобасына қатысуға шақырады.