Сыр бойы

Өткен сенбіде ҚР Мұнай және газ вице-министрі Мағзұм Мырзағалиев өңірімізге іссапармен келді. Сапар барысында «Кристалл-Менеджмент» ЖШС-да, «Арысқұм» кенішінде болған вице-министр Досан ауылында орналасқан АГРС-2 құрылысымен де танысты.

«Қазақстан-2050» Стратегиясы – қалыптасқан мемлекеттің жаңа саяси бағыты» атты Жолдауында Елбасынан ұлттық идеологиямызды қалыптастыратын бірегей тарихымызды жазу туралы тапсырма алған осы ғылым төңірегіндегі азаматтар жан-жақты зерттеу жүргізіп, халқымыздың мыңжылдықтар бойындағы тарихи жадын қалпына келтіру үшін дәйекті деректерді Қытайдан басқа да ежелгі мұрағаты бар елдерден іздестіруде. 

Аптаның алғашқы күні Студенттер сарайында этнограф, өлкетанушы Тынышбек Дайрабайдың шығармашылық қызметіне арналған «Сыр өңірінің рухани әлемі: зерттелуі және келешегі» атты республикалық ғылыми-тәжірибелік конференция болып өтті. Конференция жұмысына облыс әкімінің орынбасары Ақмарал Әлназарова қатысты. Жетпіс деген асқаралы белесті бағындырып отырған өлкетанушы, жазушы Тынышбек Дайрабайға облыс әкімінің Құрмет грамотасын салтанатпен тапсырған әкім орынбасары мерейтой иесіне денсаулық, сәттілік, шығармашылық табыс тіледі.

Адамзат өмірінің тарихын дінсіз және діни нанымдарсыз елестету мүмкін емес. Қайбір заман болмасын, адамзат өзінен тыс әлдебір күш бар екеніне сенгені анық. Сондықтан да дін мәдениеттің ажырамас бөлігі ретінде қоғам өмірінде дүниетанымдық, тәрбиелік, біріктірушілік, қарым-қатынастық секілді өзіндік қызметтер атқарып келеді. 

Кеше «Қызылордажылуэлектрорталығы» мекемесінің мәжіліс залында жылу маусымының өту барысы туралы көшпелі жиын болып өтті. Оған облыс әкімі Қырымбек Көшербаев қатысты.

Қызылорда облыстық прокуратурасында «Қазақстан Республикасының Прокуратурасы күні» кәсіби мерекесіне арналған салтанатты жиын өтті. 

Облыс әкімі Қырымбек Көшербаев белгілі зерттеуші ғалым, Қазақстан Жазушылар одағының мүшесі,  жазушы Тынышбек Дайрабаевты қабылдады.

Жақында аудан әкімдігінің ұйымдастыруымен Сырдария ауданында Сыр аймағы аудандары арасында алғашқы болып инвестициялық бизнес форум болып өтті. Кәсіпкерлікті қолдау форумы егін және мал шаруашылығын дамыту, аудан аумағына инвесторлар тарту, ондаған жобаларды іске асыру арқылы жаңа кәсіпорындар ашып, сол арқылы жұмыссыздықты азайтуды мақсат еткен.

өткір мәселелерді шешуге оң өзгерістер әкелді Бүгінде медицина күн сайын даму үстінде. Соңғы шығарылған медициналық құрал-жабдықтар адам денсаулығын жақсарту мен ажалдан арашалауда көп көмегін тигізетіні сөзсіз. Алайда, кейбір денсаулық сақтау саласы мекемелеріне алынған заманауи медициналық құралдардың «тілін» меңгерген мамандар жетіспейді. Бұл туралы облыс әкімі Қырымбек Көшербаевтың төрағалығымен өткен тұрақты кеңестің кезекті мәжілісінде айтылды.

Баршаға белгілі, Қазақстан 2017 жылы Астана қаласында өтетін «ЭКСПО-2017» халықаралық көрменің тақырыбын энергияның баламалы көздері мен «жасыл» экономика мәселелеріне арнап отыр. Бұл жоба таза экологиялық технологияға және жаңғыртылған энергетикаға негізделеді. Сөйтіп, индустриялық-инновациялық дамуды жеделдету жөніндегі мемлекеттік бағдарламаға сәйкес еліміз 2015-2020 жылдар аралығында жалпы ішкі өнімнің энергия шығынын 25 пайыздан 10 пайызға дейін азайтуды көздеп отыр. Осы мақсатта «жасыл технологияға» негізделген, жарықты барынша үнемдейтін диодты энергиялық қуат көздері мен құрылыс материалдарын шығаратын өндірістерді дамытуға күш салынбақшы.