Сыр бойы

Қазақстан Республикасының Тұңғыш Президенті күні мерекесіне орай  Қармақшы ауданында өткен салтанатты жиынды аудан әкімі Н.Шамұратов ашып, еліміз  тәуелсіздік алғалы бері Елбасымыз Нұрсұлтан Назарбаевтың сарабдал саясаты арқасында бүгінде әлем таныған, экономикасы барынша дамыған Қазақстанның қол жеткізген жетістіктері, сондай-ақ, ауданда өңір тұрғындарының әлеуетін көтеруге байланысты  атқарылып жатқан іргелі істер жайлы баян етті. 

Арал ауданында Тұңғыш Президент күні кең көлемде аталып өтілді. Спорт кешенінде «НұрОтан» ХДП-ның жүлдесі үшін аудандық спартакиадада мемлекеттік қызметкерлер спорттың 7 түрінен бақтарын сынауда. 

Бейсенбі күні облыс бойынша монополияға қарсы инспекция мемлекеттік мекемесінде «Қазақстан Республикасының Тұңғыш Президенті – Елбасы Н.Ә.Назарбаевтың Қазақстан демократиясы дамуындағы басты рөлі» тақырыбында дөңгелек үстел өткізілді. Оған қоғам, бизнес және бұқаралық ақпарат құралдарының өкілдері қатысты.

Еліміз тәуелсіздігін алып, өз алдына дербес мемлекет бола бастаған күннен-ақ  азаматтардың құқықтары мен бостандықтарының сақталуына үлкен мән беріліп келеді. Бұған басты дәлел,  Ата заңымыздың  түгелдей азаматтардың құқықтарына, бостандықтарына, мүдделеріне арналғандығы. Бұл – демократиялық ашық қоғамда өмірдегі барлық құндылықтардың ішінде адам құқықтары мен бостандықтары өте  маңызды болып саналатындығының айғағы. Елбасымыздың сара саясатының негізінде әрбір азаматтың құқығы  ерекше қорғалады. Ол дипломатия мемлекетаралық қатынастарды қалыптастыруда ғана емес, адам құқықтары саласындағы халықаралық ынтымақтастықты дамыту мен нығайтуда да шешуші рөл атқарады. 

Тұңғыш Президент күніне орай облыстық прокуратурада «Құқықтық Қазақстан және Президент» атты шағын конференция болып өтті. 

Арал ауданында ҚР Парламент сенатының депутаттары Қожахмет Баймаханов пен Мұрат Бақтиярұлы жұртшылықпен жүздесті. Жиынды ашып, жүргізген аудан әкімі Мархабат Жайымбетов өңірден сайланған депутаттардың игілікті істердің басы-қасында жүргендерін жеткізді. 

Қай жерде болмасын тәуелсіздік туралы сөз туындай қалса,  сол тәуелсіздікпен бірге Қазақстан Республикасының Тұңғыш Президенті  Нұрсұлтан  Әбішұлы Назарбаевтың есімі аталады.

Туған жердің түтіні қашан да ыстық. «Өзге елде сұлтан болғанша, өз еліңде ұлтан бол» деген ата-бабадан қалған қанатты сөз тегін айтылмаса керек. Сені сыртқа теппесе де, бөтен орта бөтендігін жасап тұратыны, реті келсе, шетке қағатыны жасырын емес. Сондықтан да болар кезінде түрлі себептерге орай көршілес елге қоныс аударған ата-анамыз кіндік қаны тамған жерді сағынышпен еске алып, оған оралуды аңсайтын. Ғасырлар бойы армандаған тәуелсіздік  сол мақсатты жүзеге асыруды  жақындатты. 

Облыс бойынша экономикалық қылмысқа және сыбайлас жемқорлыққа қарсы күрес (қаржы полициясы) департаментінің ұйымдастыруымен Қазақстан Республикасының Тұңғыш Президенті күніне орай салтанатты шара өткізілді.

«Мұз айдыны» спорт кешенінде республикалық «Ризашылық» қайырымдылық мерекесі болып өтті. Салтанатты шараға облыс әкімінің орынбасары Ақмарал Әлназарова қатысты.