Сыр бойы

Кеше облыстық мәслихаттың мәжіліс залында облыс әкімі Қырымбек Көшербаевтың төрағалығымен «2014 жылы тірек елді мекендерді кешенді дамыту» туралы кеңейтілген мәжіліс өтті. Оған барлық аудан мен қала әкімі, ауыл әкімдері мен басқарма басшылары және барлық деңгейдегі мәслихат депутаттары қатысты. 

Сейсенбінің кешінде Н.Бекежанов атындағы облыстық қазақ музыкалық драма театрында көрнекті мемлекет және қоғам қайраткері Темірбек Жүргеновті еске алуға арналған «Қазақ руханиятының жарық жұлдызы» атты кеш өтті. Облыс әкімінің қолдауымен мәдениет басқармасы ұйымдастырған бұл шара Темірбек Жүргеновтің туғанына 115 жыл толуына арналды.

БҰҰ Бас Ассамблеясы 1990 жылы бекіткен Халықаралық Қарттар күнін Сыр бойының ардагерлері А.Тоқмағанбетов атындағы мәдениет үйінде «Дария кеуде, тау мүсін, қарттарым аман-саумысың» атты салтанатты кешпен атап өтті. Оның негізгі мақсаты аз қамтамасыз етілген, мүмкіндігі шектеулі, жалғызбасты қарт кісілердің әлеуметтік-тұрмыстық жағдайына, басқа да қажеттіліктеріне назар аудару болып табылады. Салтанатты кеш барысында тақырыптық бейнефильмдер көрсетіліп, театрландырылған көрініс қойылды. 

Су – тіршілік көзі. Су қай жерде тоқтаса сол жерде өмір де тіршілігін тоқтатары ақиқат. Қысқасы, өзектен өтер бір жұтым судың қадір-қасиетін бабаларымыз ұрпағына айтып кеткеніне тағзым етпей болмайды. Бүгінгі таңда әлемде су мәселесі ең өткір күйінде тұр. Сондықтан, «судың да сұрауы бар» деген мәтелдің күні туды. Қысқасы, әр тамшы су есепке алынбай болмайды. 

Елбасының ұдайы атап көрсетіп жүргеніндей, қазіргі таңда экономиканың барлық салаларында энергия үнемдеу мен энергия тиімділігін арттыруда энергетикалық, экологиялық, экономикалық және әлеуметтік мәселелерді шешу маңызды міндет болып табылады.

Кеше облыс орталығынан Еуразиялық банктің филиалы ашылды. Салтанатты шараға облыс әкімінің орынбасары Ғалым Әміреев қатысты. 

Кеше облыс әкімі Қырымбек Көшербаевтың төрағалығымен облыс әкімдігі жанындағы құқық бұзушылықтың алдын алу жөніндегі ведомоствоаралық комиссия отырысы өтті. Онда жол қауіпсіздігін қамтамасыз ету және жол қозғалысы саласындағы құқық бұзушылықтардың алдын алу, комиссияның өткен отырысындағы хаттамалық тапсырмалардың орындалуы туралы мәселелер қаралды.

Биылғы егістікке сақадай сай әзірлікпен бел буа, білек түре кіріскен сырдариялықтар бүгінде егістік даласын еңбек дүбіріне бөлеген. Аудан егінші-механизаторлары егіс дақылдарын уақытында егіп, суға мезгілінде толықтай бастырып, минералды тыңайтқышпен үстеп қоректендіру нәтижесінде Сыр маржанының шығымдылығы ойдағыдай екен. 

Сейсенбіде ҚР Премьер-Министрі Серік Ахметовтің төрағалығымен өткен Үкімет мәжілісінде сапа мен энергия тиімділікті арттыру тетігі ретінде табиғи монополиялар субъектілерін тарифтік реттеу мәселесі қаралды. Селекторлық Үкімет отырысына облыс әкімі Қырымбек Көшербаев қатысты.