Сыр бойы

 Жаңақорған. Ауданның Қаратөбе ауылындағы №213 мектептің сызу пәнінің мұғалімі Әлқожа Айдаров Астана қаласында өтетін ЭКСПО-2017 көрмесі қарсаңында зымыран пішіндес ғимарат салған дұрыс деп есептейді. Бұл мақсатта өзінің арнайы сызбасы мен макетін де әзірлеп қойды. 

 Облыс экономикасына салынған инвестиция көлемі артып келеді. Былтыр 2012 жылмен салыстырғанда 40 пайызға артық инвестиция құйылған.

 Сырдария. Шіркейлі ауылының тұрғыны Нұрмұхаммед Әбілқасымов бала жасынан қол-аяғы қозғалмайтын сал ауруына шалдыққан. Дегенмен, ол өзінің өмірге деген құштарлығы, қайсар мінезі және өжеттігі арқасында көптеген жетістіктерге жетіп келеді. Ол алдағы күндерде «Тасжарған» атты өлеңдер жинағын жарыққа шығаруды көздеп отыр. 

 Арал. Ауданда вокальды-инструментальдық ансамбль қайта құру жұмыстары қолға алынады. Бұл жайында бізге аудан әкімдігі баспасөз қызметі мәлім етті. 

 Қызылорда қаласында шахматтан ерлер  арасында облыс біріншілігі өтті. Оған Қызылорда қаласы мен аудандардан келген 6 команданың құрамында 42 ойыншы бақ сынады.         

 Арал. Үстіміздегі жылдың 26-27 қаңтар күндері қалың жауған қардың және соққан боранның салдарынан жол қатынастарын қалың қар басып, 26 қаңтар күні Арал ауданы орталығынан 350 шақырым қашықтықтағы Беларан ауылдық округінің тұрғындары 1958 ж.т., Еспенбетов Жолшырақ, 1984 ж.т., Дәулетов Дәурен «УАЗ» автокөлігімен және 200 шақырым қашықтықтағы Атанши ауылдық округінің тағы екі азаматы «Уаз» автокөлігімен аудан орталығы бағытына қарай жолға шыққан. 

 Қызылорда. Өткен жылы облыс аумағынан Кеден одағынан тыс жерлерге 411 тонна мұздатылған балық пен балық филесі секілді өнімдер экспортқа шығарылды. Облыстық табиғи ресурстар және табиғатты пайдалануды реттеу басқармасының басшысы Еркебұлан Бекжанов бүгін, 29 қаңтарда облыстық коммуникациялар орталығында өткен брифингте осы деректерді келтірді.

 Қызылорда қалалық прокуратурасымен қазіргі таңда қала аумағында заңсыз аңшылық, балық аулау және тиым салынған өсімдіктерді кесуге қарсы күрес бағытында қылмыстық ізге түсу, сонымен қатар уәкілетті органдармен атқарылып жатқан жұмыстардың заңдылығына қадағалау жүргізе отырып, бірлескен рейдтік тексеру жұмыстары жүргізілуде.

 Қызылорда. Қызылорда қаласының айналасы келешекте жасыл желек жамылған аймаққа айналмақшы. Бұл жайында бүгін, 29 қаңтарда облыс коммуникациялар орталығында өткізген брифингінде облыстық табиғи ресурстар және табиғат пайдалануды реттеу басқармасының басшысы Еркебұлан Бекжанов мәлім етті. 

 Арал. Аудан орталығындағы өзекті проблеманың бірі – сор көлдер болатын. Ұзақ жылдан бері түйткілді мәселеге айналған сол мәселенің түйіні тарқатыла бастады.