Сыр бойы

 Үстіміздегі жылы аймақта жергілікті маңызы бар автомобиль жолдары мен елді мекендердегі көшелерді жөндеуге және көлік инфрақұрылымын дамытуға бюджеттен 8,9 млрд теңге бөлінді. Бұл қаражатқа 165 шақырым автомобиль жолдарын жөндеу жоспарлануда. Осылай деген облыстық жолаушылар көлігі және автомобиль жолдары басқармасының басшысы Е.Әбдіқалықов  өңірлік коммуникациялар қызметінің  алаңында  жыл соңына дейінгі жоспарларымен бөлісті. 

Астана қаласында грэпплинг бойынша  әйелдер мен ерлер  арасында  Азия чемпионаты мәресіне жетті. Айтулы бәсекеде Қазақстан құрама командасы 41 медаль олжалап, жалпы командалық есепте бірінші орынды жеңіп алды.

Еліміздің бас газеті – «Егемен Қазақстанның» сайты ағылшын тілінде хабар тарата бастады. Бұған дейін республикалық газеттің электронды нұсқасын қазақ және орыс тілдерінен бөлек, төте жазуда оқуға болатын, деп хабарлайды Baq.kz ақпарат агенттігі.

«Қазгидромет» РМК 7-9 қыркүйек күндеріне арналған ауа райы болжамын жариялады, деп хабарлайды ҚазАқпарат.

Бүгін Астанадағы «Mega Silk Way» ойын-сауық кешенінде «Alem Barysy» додасына қатысатын балуандардың салмақ өлшеуімен бірге жеребе тарту рәсімі де өтеді, деп хабарлайды «ҚазАқпарат» ХАА тілшісі. 

ҚР ӘҚБК-нің 73-бабымен (Отбасы тұрмыстық қатынастар аясындағы құқыққа қарсы әрекеттер) істерді қараудың нормативтік жүйесі ҚР Конституциясына, ҚР Әкімшілік құқық бұзушылық туралы Кодексіне, ҚР«Тұрмыстық зорлық-зомбылық профилактикасы туралы» Заңына, «Құқық бұзушылық профилактикасы туралы» Заңына, әкімшілік құқық бұзушылық құрамынан туындайтын сұрақтарды реттейтін түрлі салалық заңнамалық актілерге, басқа да нормативтік-құқықтық актілерге негізделген. Жіктегіштің мәліметтеріне сай, 2017 жылдың тамыз айына Қызылорда қаласының мамандандырылған әкімшілік сотымен қаралған 41 іс бойынша ескерту, 23іс бойынша қамаққа алу, 60 іс ҚР ӘҚБК-нің 64-бабына сәйкес татуласу, медиация негізінде тоқтатылған. 

Биылғы оқу жылында Шиелі ауданындағы 41 мектеп бойынша жалпы 16161 оқушы жаңа оқу жылына қадам басып отыр. Оның ішінде 2045 бала  бірінші сыныпқа барды. Аудан орталығында ірі білім ошағы № 46 Пушкин атындағы мектеп. Мұнда да осыған дейін 1300 оқушы білім нәрімен сусындаса, биылғы жылы мектеп табалдырығын 135 бала аттады. Республикада «Үздік педогогикалық ұжым-2017» деген атаққа ие болған білім ордасы жаңа оқу жылында жақсы дайындықпен қарсы алды. 

Полиция қызметкерлерінің әлеуметтік ахуалын көтеру, материалдық қамсыздандырылу көрсеткішінің еңбек қызметі мен ауқымына сай болуын қамтамасыз ету, Жергілікті полиция қызметінің мәртебесін нығайту мақсатында Қазақстан Республикасы Ішкі істер министрлігі тарапынан ұсыныс әзірленіп, Қазақстан Республикасы Үкіметінде қаралды. Аталған жоба Қызылорда облысының әкімі Қ.Е.Көшербаев тарапынан қолдау тауып, нәтижесінде Жергілікті полиция қызметінің жол-патрульдік полиция саласындағы кіші басшы құрам лауазымдағы 248 қызметкері орта басшы құрам лауазымдарына ауыстырылды.

Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0, 33 КО) мен мексикалық Сауль «Канело» Альварес (49-1-1, 34 КО) арасындағы кездесу Ұлыбритания және Ирландия елдерінде ақылы жүйе бойынша (PPV) көрсетілетін болды.

Қызылорда облыстық ішкі саясат басқармасының басшысы Айдын Қайруллаевтың 2017 жылғы 5 қыркүйегіндегі № 03-05/133 бұйрығымен Қаракөз Есбосын Қожаққызы Қызылорда облыстық ішкі саясат басқармасы басшысының орынбасары қызметіне тағайындалды.