Сыр бойы

Осы жылдың 31 қазанында Қызылорда қаласында «Бастау» бизнес орталығында Қызылорда облысының кәсіпкерлік және туризм басқармасымен «KYZYLORDAFRANCH-2017» форумы өтеді. Форумда «MailBoxesEtc.» пошталық қызметтер, клиника-диагностикалық «ОЛИМП» зертханасы, «ЖасКемеңгер» балаларды дамыту орталығы, «Поехали с нами» туристтік компаниясы, «Sabayon» кофеханасы және тағы басқа ірі франшизалар ұсынатын компаниялар қатысады.

Қызылорда облысы қоғамдық денсаулық сақтау департаменті мен облыстық білім беру басқармасы балабақша балаларына және мектептердің бастауыш сынып оқушылары арасында «Таза қол» акциясын өткізуде.

Жұма күні атмосфералық ағымдардың өтуіне байланысты еліміздің басым бөлігінде жаңбыр, қар жаууы мүмкін. Кей жерлерде жел күшейіп, тұман түсіп, боран соғады және көктайғақ болады, деп хабарлайды Baq.kz ақпарат агенттігі.

«Атамекен» Қазақстан Республикасының Ұлттық кәсіпкерлер палатасы (бұдан әрі – ҚР ҰКП) Теріден жасалған бұйымдарды таңбалауды енгізу жөніндегі қанатқақты жоба аясында бақылау (идентификациялық) белгілерін дербестендіруді және таңбалауды жүзеге асыратын Екінші деңгейдегі эмитентті айқындау бойынша конкурс өткізетіндігі туралы хабарлайды.

Облыс бойынша нақты кезеңде барлығы 242 ауыл шаруашылығы кооперативі құрылды. Олардың ішінде; мал шаруашылығы саласында – 77, егіс саласында – 52, көпсалалыда – 1106, өңдеуде – 1 және  су шаруашылығында – 1, көкөністе 1-і  еңбек етуде.

Ағайынды Есқожаевтарды Қазалы ауданында көбі біледі. Олар отбасылық бизнесті дамытып, шағын кәсіпті іргелі шаруашылыққа айналдырған. Қызығы, бұл бизнес базардан басталған еді.

Төрт түлігін түлетіп, егістігін жайқалтып, шаруасын өрге сүйреген Қармақшы ауданы бүгінде қайнаған еңбектің қайнар көзі іспетті. Бұлай деуге негіз бар. Өйткені, ауданның асыраушы саласында жаңа бастамалар қолға алынып, оң көрсеткіш байқалды. Тынымсыз еңбек жемісін берді. Даңғайыр диқандар егін орағын ойдағыдай аяқтап, ел қамбасына астықты еселеп құйды.

Биыл Жалағаш ауданының ауылшаруашылық саласында жиналған өнімнің көлемі көңіл көншітерлік. Мал басы көбейіп, егін молынан жиналды. Нақты айтар болсақ, Жалағаш ауданының диқандары 22465 гектар жерге күріш егіп, бітік өсті. Әр гектарынан 57,6 центнерден Сыр маржаны қамбаға басылды.

Халық даналығында «Әлемнің әміршісі – еңбек» деген тәмсіл бар. Бұл сөзден хәкім Абайдың «Еңбек етсең ерінбей, тояды қарның тіленбей» деген нақылына жауап табуға да болады. Ердің еңсесін де, елдің еңсесін де еңбек көтереді. «Қолы қимылдағанның аузы қимылдайды» дегенді өмірлік қағида етіп, несібесін жерден теретін диқанның бірі – сырдариялық Батырбек  Сарыбаев.

Бидай – облыстың оңтүстік аудандарына тән дәнді-дақыл. Сондықтан Жаңақорған ауданы үшін бидай егудің маңызы зор.