Сыр бойы

Кеше Н.Бекежанов атындағы облыстық музыкалық драма театрда ҚР Еңбек сіңірген өнер қайраткері,  Мемлекеттік сыйлығының иегері, кинорежиссер Сұлтан-Ахмет Қожықовтың өмірі мен шығармашылығына арналған «Қазақ киносының Сұлтаны» атты кеш болып өтті.

Жаңақорған ауданы Манап ауылында мәдениет саласы қызметкерлерінің облыстық семинар-кеңесі өткізілді. Оған аудандық мәдениет саласы басшыларымен қатар, ауыл клубтарының меңгерушілері, белгілі өнерпаздар қатысты. Жиынды Жаңақорған ауданы әкімінің орынбасары Қаржыбек Бүркітбаев ашып, жиынға қатысушыларға табыс тіледі.

"Өнер көзі – халықта” деген қанатты сөз бүкіл өнерпаздарға арналған темірқазық секілді. Шын мәнісінде өнерпаздардың бәрі де халық арасынан шыққан дарындар. Табиғаттың берген осы қасиетін қастерлеп, қадірлеп рухани байлыққа айналдырып, өзіне қайтарып берген өнерпаздар осы халықтың төл перзенттері. 

Жақында қазақ поэзиясының хас шеберлерінің бірі, «Алаш», «Дарын», Президент сыйлықтарының иегері, арқалы ақын Маралтай Райымбекұлы Сыр еліне келіп, өлеңсүйер қауыммен жүздесті. Біз замандасымызды әңгімеге тарттық.

Тағдыр әркімге әртүрлі нығмет сыйлайды. Бірақ сол маңдайға біткенді қанағат сезіммен қарсы алып, әрбір күнді аса бір қимастықпен шығарып салған сайын ғаламат әлемнен ғажайып сыр түйіп, оны өлең өрнектерімен шабыттана жырлаған ақыннан бақытты жан бар ма? Нағыз ақынның әрқашанда көңілі көлдей арнасынан асып-тасып, аяғымен жер басып емес, қос қанатымен көкке қалықтағандай ғажайып күйдің екпінімен жалындата жыр жазып, бүкіл әлемді жұдырықтай жүрегімен аялап, алатаудай арманға асығады да тұрады. 

Ата-бабаларымыздың ізгі мұраларын, салт-дәстүрін насихаттау – ортақ міндет. Осы тұрғыда облыстық ардагерлер кеңесінің ұйымдастыруымен аталар және әжелер ансамбльдерінің байқауы өткізілген болатын.

Елбасы бір сөзінде: «Келешекте интернетте отырғандарды, кітап оқығандар басқаратын болады» деген болатын. Әрине, кітап – білім, кітап – дос, кітап – қару. Десек те, қазіргі жастар кітап оқудан алшақтап бара жатқандай. Осы тұрғыда республикамызда «Бір ел – бір кітап» акциясы жемісті жұмыс жасап келеді.

Қазақ өлеңінің хас шебері, талантты ақын, «Дарын» сыйлығының, Президент сыйлығының иегері Маралтай Райымбекұлының аты Алашқа мәлім.

Жуырда Сырдың тумасы, «Asu anіma» студиясының бас директоры Қалдыгүл Жаныбаева өңірімізге келді. Арада бірнеше жыл өткеннен кейін туған жерге табан тіреген киногермен тілшіміз әңгімелескен еді.

Аудан әкімінің өкімімен биылғы жыл ауданда «Халықаралық Аралды құтқару қорына – 20 жыл» деп жарияланған болатын. Қордың негізгі мақсаты – халықаралық қауымдастықтың қолдауымен Арал теңізі бассейнін экологиялық сауықтыру, аймақ тұрғындарының әлеуметтік-экономикалық деңгейін көтеру мәселелері бойынша бірлескен істер мен бағдарламаларды қаржыландыру екені белгілі. Арал дағдарысы салдарымен күресті Халықаралық Аралды құтқару қоры үйлестіріп отыратынын атап кету ләзім.