Сыр бойы

Жуырда Ә.Тәжібаев атын­дағы әмбебап ғылыми кітап­ханада облыстың ата басылымы "Сыр бойы” газе­тінің 85 жылдық мерекесіне орай «Сыр халқының сырласы» атты кеш өтті.

Кеше облыс әкімі Қырымбек Көшербаев есімі елімізге танымал жергілікті сазгер Рамазан Таймановты қабылдады. Жүздесу барысында аймақ басшысы өрелі өнерімен жұрттың жылы ықыласына бөленген сазгерге құттықтау лебізін білдірді. Шығармашылық табыстар тілеп, оған сый-құрмет көрсетті. 

Өз басым "өткен күнде белгі жоқ” дегенге оншалықты илана бермеймін. Бірі біріне жалғасқан  күйбең тірліктің  жан-жағымызға мойын бұрғыза қой­май­тынына мән бермейміз де, қи­мас та тәтті сәттеріміздің ақырын-ақы­рын шегініп алыстап кеткенін бір-ақ білеміз. 

Сонау Мажар еліндегі Айша апамызбен таныстығымызға қызылордалық Ғалым Байманов ағамыз себепкер болды. Кезінде Сыр мұнайына түрен салған Саламатовтың сарбаздарының бірінен саналатын Ғалекең руханиятқа да біртабан жақын жүретін азамат.

Ә.Тәжібаев атындағы облыстық әмбебап-ғылыми  кітапханасында қара сөздің қаймағын қалқыған қазақ әдебиеті тарландарының бірі О.Бөкей атындағы ХVІ облыстық көркемсөз оқу шеберлерінің байқауы өтті. 

Қарымды қаламгер, танымал жазушы Әлмәмбет Әлішевтің есімі елге мәлім. Кез келген туындысымен оқырмандарын баурап алатын жазушыны өзгелерден шоқтығын асырып тұратын бір ерекшелік бар. Ол – пікірін кімге де болса тура жеткізетін өр мінезі десек, қателеспейміз. Бұл – оны танитындардың баршасы мойындаған ақиқат. Қазалыда өткен жазушы Әлмәмбет Әлішевтің туғанына 75 жыл толуына арналған мерейтойда сөз алғандардың пікірі осылайша өрбіді. 

КСРО халық әртісі, актер, режиссер Шәкен Аймановтың туғанына биыл 100 жыл. Павлодар облысының Баянауыл ауданында дүниеге келген дара дарын иесінің мерейтойы бүгінде республикалық деңгейде тойлануда. Қазақ кино өнерін қалыптастырып, алып шығармаларды дүниеге әкелген режиссердің мерекесі Сыр елінде де «Қазақ киносының жұлдызы» деген атпен аталып өтті. Мерекелік кешке КСРО халық әртісі, Қазақстан мемлекеттік сыйлығының лауреаты Бибігүл Төлегенова, Қазақстанның халық әртісі, еліміздің еңбек сіңірген өнер қайраткері, режиссер Есмұхан Обаев, режиссер Болат Шәріп қатысып, өнер майталманы туралы түрлі естеліктер мен қызықты әңгімелер өрбітті.

Қызылорда қаласындағы №264 мектеп-лицейдің 4-сынып оқушысы Аружан Съездқызы  жақында Алматы қаласында өткен  "Асыл мұра” халықтық дәстүрлі әннен және жеке аспапта орындаушылардың VІ республикалық ән-би байқауының І дәрежелі  дипломанты атанды. 

Қорқыт ата атындағы Қызылорда мемлекеттік университетінің Студенттер сарайында өткен концерт "Эти глаза напротив” деп аталды. Бұл концертті қала тұрғындарына "Таланты мира” қоры мен Б.А.Покровский атындағы Мәскеу мемлекеттік академиялық театрының солисі Николай Щемлёв тарту еткен болатын.

Сыр бойы – алты Алаштың анасы. Аңыздағы желмаяға мініп, дүниені шарлаған Асанқайғы атамыз да осы өңірге дамылдаған. Дүниені дүрліктірген Іскендір Зұлқарнайын атбасын бұрған. Қысқасы, Сыр қасиетін, тарихын тізбелей берсек, таусылмайды. Маңғыстауда 362 әулие болса, бір ғана Жаңақорғанда әулиелі киелі орындар молынан кездеседі. Қазір Сыр өңірінде 550-дей әулиелер болғандығы Шайдарбек қажы Әшімұлының "Өткен әзиз әулиелер” атты кітабында тағы да нақты деректермен одан әрі баяндалады. Оқисың, қызығасың, құмартасың.