Сыр бойы

 Кеше облыс әкімі Қуанышбек Ысқақовтың қатысуымен облыстық мәслихаттың кезектен тыс 35-ші сессиясы өтті. Оның жұмысына ҚР Парламенті Сенатының депутаттары Бекмырза Еламанов пен Мұрат Бақтиярұлы қатысты. Сессия төрағасының міндетін атқарған облыстық мәслихаттың хатшысы Наурызбай Байқадамов күн тәртібін жариялағаннан кейін аймақ басшысы қысқаша хабарлама жасады.

Кеше облыс әкімі Қуанышбек Ысқақовтың төрағалық етуімен аппарат мәжілісі өтті. Онда алдымен аймақтық бюджеттің атқарылуы жөнінде сөз болды.

Еліміздің даңқын алысқа шығаратын спортшылар тәрбиелеген бапкерлер арасында жерлесіміз Еркетай Иманбайдың есімі құрметпен аталатыны сырбойылықтардың мәртебесін  асырары анық. Ұлттық спорт түрі – тоғызқұмалақты жаңа дәрежеге көтеріп, еліміздің бірнеше дүркін чемпиондарын, халықаралық біріншіліктердің жеңімпаздарын тәрбиелеген ұстаз шәкірттерінің рухани жан байлығын байытуға да тереңірек мән береді. 

Бүгінгі таңда өңірдегі құрылыс компаниялары Арыстағы жарылыс салдарынан зардап шеккен тұрғын үйлерді қалпына келтіру жұмыстарын толық аяқтады. Бұл туралы мәслихаттың 35 кезектен тыс сессиясында облыс әкімі Қуанышбек Ысқақов хабарлады.

Жаңа оқу жылында облыстағы 293 мектепке 164 500 оқушы келеді деп күтілуде. Бұл өткен жылмен салыстырғанда 10 мыңға көп. Жалпы өңірде 21 мыңнан астам бала мектеп табалдырығын алғаш рет аттағалы отыр. Осы және өзге де білім беру саласының жаңалықтары өңірлік коммуникациялар қызметінде болған брифингте айтылды. Онда облыстық білім басқармасының басшысы Майра Мелдебекова өткен жартыжылдықта атқарылған жұмыстарға тоқталды.

 Облыс әкімі Қуанышбек Ысқақов Qamshy.kz агенттігінің тілшісіне сұхбат берді. 

Қасиетті жұма күні Қазалы ауданына қарасты Бозкөл елді мекенінде «Туған өлкем, қандай көркем» атты ауыл күніне арналған салтанатты шара өтті.

Бүгін Қазалы ауданының орталығы – Әйтеке би кентінен жерлесіміз, республикаға танымал мемлекет және қоғам қайраткері Дәуірхан Айдаровқа көше аты берілді.

  Қазалы ауданы Абай ауылының тұрғыны Оңдашбай Өтеміс он саусақсыз-ақ кәсіп ашты. 2010 жылдың қытымыр қысында тағдырдан теперіш көріп, он саусағынан бірдей айырылған азамат бұл күнде замандастарына үлгі, іс тігіп, шеберлігін танытып жүр. Өткен жылы ол «Бизнестің жол картасы – 2020» бағдарламасы арқылы қайтарымсыз грант иегері атанды.

 Жойылып бара жатқан Арал теңізінің мәселесі біздің өңірге ғана емес, бүкіл әлемге қатер төндіруде. Теңіздің тартылуы салдарынан жыл сайын 75 миллион тоннаға дейін шаң мен улы тұзды жел көтеріп, оның тозаңы қазірдің өзінде Еуропа мен Антарктидадан табылып отыр.