Сыр бойы

Құрылыс саласы қашаннан экономикалық тұрақты өсудің құрамдас бөлшегі әрі тетігі болып саналады. «РМЗ-Шапағат» ЖШС қаланың оңтүстік өнеркәсіп аймағында тұрғын үй құрылыс комбинатын өткен жылдың сәуір айында іске қосты. Серіктестік өз өнімдерін биылдан бастап тапсырыс берген аудандарға да жеткізуде. Жаңа өндіріс өткен жылдың өзінде нақты көлемде 4600 шаршы метр дайын үлгідегі бетон өнімдерін шығарыпты. Тапсырыс болса, шығарылатын өнім көлемі де арта бермек.

Бүгінде ұялы телефонға телміріп, ¬алтыннан да қымбат уақытын бос өткізетін пенденің саны көп. Өзімізге етене еніп кеткен жаңа технологияны алғашқыда жаңалықтай қабылдап едік, енді телефон түйсікті тонап барады. Бақсақ,  адам өмірінде қадіріне баға жетпес маңызды екі нәрсе бар екен. Олар: ой-сананың дамып, еркін жетілуіне ықпал ететін бос уақыт және сол уақытты тиімді өткізуге жәрдемдесетін күш-қуат, яғни денсаулық. Осы екеуінің орын-орнымен қалыпты жүруіне ұялы телефон мен смартфонның кері әсері батпандай кіріп,  баурап алғаны соншалық, бір минут «соткасыз» отыра алмайтын хәлге жеттік. Телефон тәуелділігіне бүгінде «номофобия», «фантомды қоңырау синдромы», «селфимания» сынды түрлері және олардың  тіпті ғылыми атауы бар.  Енді әрқайсысына жеке тоқталсақ құба-құп болар. 

Қызылорда облысының 2016 жылғы бюджеті 151,6 млрд теңге көлемінде бекітілді, оның ішінде өз кірістері 4,9 млрд теңге, республикалық бюджеттен бөлінген трансферт көлемі 141,1 млрд теңге болып қаралды. Жалпы бюджет шығындарының ішінде әлеуметтік сала шығындары үлесі 44 пайызды немесе абсолюттік мағынада 66,8 млрд теңгені құрады.

Жер жүзі халқының басым бөлігі соңғы ширек ғасыр аясында адамзат тарихында жасалған барлық ақпарат пен мәлімет қорын еркін аша алатын күйге жетті. Ол ақпаратқа жол ашатын құралдар бір қолдың алақанына сиятыны кімді болсын, таңғалдырмай қоймайды. Технологиялар мен олардың негізінде пайда болған құралдар көпшілікке қолжетімді болған сайын, олардың мүмкіндіктері де кеңейе береді.

Жылдың беташар сәті шағандықтар үшін қуанышты жаңалықтарға толы болды. Сырдария ауданы Шаған ауылына ҚР Парламенті Мәжілісінің депутаттары арнайы келіп, 75 орынды «Балбөбек» бөбекжайын салтанатты түрде ашты. 

Әңгіме тағы да мұнай туралы болып отыр. Соңғы екі жыл ішінде әлемнің «қара алтын» нарығында үстемдік танытып, АҚШ-пен бірге мұнай ағымын еселей түскен Сауд Арабиясы өткен жылдың соңында сабасына бір сәтте түскен еді. Әлемдегі негізгі мұнай өндіруші елдер көп уақытқа дейін мәмілеге келе алмады. Ақыр соңында бұл текетірес олардың өз экономикаларына соққы болып тиді. Сол Сауд Арабиясының өзінде экономика өсімі едәуір тежелді. Бюджет тапшылығы бұрын-соңды болмаған көлемге жетті. Байлығына мастанған араб елі ақыр соңында бюджеттен халықтың мұқтажы үшін бөлінетін көптеген субсидияларды қысқартуға мәжбүр болды. Осының барлығы сайып келгенде, өткен 2016 жылдың 30 қарашасында Австрияның Вена қаласында өткен мұнай өндіруші елдер саммитінде оларды ортақ мәмілеге келуге итермелеген еді. 

Кеше облыс әкімі Қырымбек Көшербаевтың төрағалығымен аппарат мәжілісі өтіп, оның күн тәртібінде 3 мәселе талқыланды.

Отбасы – шағын мемлекет. Сол мемлекеттің іргесі берік, ошағы бүтін, керегесі кең, ынтымағы жарасқан, ауызбірлігі мығым болу үшін басқосқан екі тарап арасында түсініспеушілік орын алмауы тиіс. Алайда, Элизабет Тұрсынбаева туған отбасыны шаттық пен ынтымақтың ұя салған ордасы ма деп қаласыз.Бөрі мен журналисті аяғы асырайды. Мәнерлеп сырғанаушы Элизабет Тұрсынбаева хақында жазуымыз керек болды. Әдеттегідей телефонмен сөйлесіп, ғаламторды ақтарғаннан гөрі отбасына барып, ағайын-жамағайынмен әңгімелесуді шештік. Өзі солай болды да.

2016 жылдың 22 желтоқсанында ҚР Президенті Н.Ә.Назарбаев «Қазақстан Республикасының кейбір заңнамалық актілеріне экстремизмге және терроризмге қарсы іс-қимыл мәселелері бойынша өзгерістер мен толықтырулар енгізу туралы» Заңына қол қойып, 2017 жылдың басынан аталған заң күшіне енді. 

Өңірлік коммуникациялар қызметінде облыстық аумақтық инспекция басшысының міндетін атқарушы Ж.Дүзелбаева, облыстық ветеринария басқармасы басшысы Е.Апетов және облыстық ауыл шаруашылығы басқармасы басшысының орынбасары Т.Бекішевтің қатысуымен БАҚ өкілдеріне арналған баспасөз мәслихаты өтті. Онда сала басшылары 2016 жылы атқарылған жұмыстардың барысын баяндады.