Сыр бойы

Сырдария ауданының орталығы Тереңөзек кентінде волейболдан жасөспірімдер арасында ХІХ халықаралық турнир шымылдығын ашты. Биылғы жылғы байрақты бәсекеге еліміздің 8 облысынан және Өзбекстан, Ресей елдерінен 22 команда бақ сынауда.

Биыл аймақта Сыр салысының шығымы өте жақсы.Биылғы егістікке сақадай сай әзірлікпен бел буып, білек түре кіріскен сырдариялықтар бүгінде егістік даласын еңбек дүбіріне бөлеген. Ауданның егінші-механизаторлары егіс дақылдарын уақытында егіп, суға мезгілінде толықтай бастырып, минералды тыңайтқышпен үстеп қоректендіру нәтижесінде Сыр маржанының шығымдылығы ойдағыдай. Күзгі қарекеттің қажетіне керек жанар-жағармай толық жеткілікті. Техникалық базасы, құрал-саймандары, көліктері сақадай сай шаруашылықтар шалымды жұмыстарымен науқанды еңсеріп барады.

Аграрлық секторды қазіргі заманғы жағдайда дамытудың тиімді тәсілі ауылшаруашылығы кооперативтеріне бірігу екендігі белгілі. Осы бағытта жасалған жұмыстар нәтижесінде бүгінде аймақта 223 ауыл шаруашылығы кооперативі құрылып отыр (мал шаруашылығы саласында – 75, егіс саласында – 50, су шаруашылығында – 1, көкөніс өңдеу -1, көпсалалы – 96).

Облысымыздағы уран өнеркәсібімен айналысатын кәсіпорындардың бірі «Байкен-U» ЖШС-і. Кәспорын Жаңақорған ауданындағы «Хорасан-2» кенішінде жер асты қазба байлығын өндіруде айтарлықтай табысқа жетіп келеді. Алғашқы  іргетасы 2006 жылы қағылған өнеркісіп орны 2009 жылдан бере тұрақты уран өндіру үстінде. Мұнда бүгіндері 497 адам жұмыс істесе, оның 168-і жергілікті кадр.   

Облыс орталығында жылу маусымына дайындық қарекеті аяқталуға жақын. Мұны өңірлік коммуникациялар қызметі ұйымдастырған баспасөз турында қалалық тұрғын үй, коммуналдық шаруашылық және тұрғын үй инспекциясы бөлімі басшысының міндетін атқарушы Біржан Далабаев айтты.

Бейсенбіде Н.Бекежанов атындағы облыстық қазақ музыкалық драма театрында халықаралық «Қорқыт және Ұлы Дала сазы» фестивалінің ашылу салтанаты өтті. Облыс әкімі Қырымбек Көшербаев фестиваль бабалардан жеткен ортақ тарих пен мәдениетті тереңінен зерделеуге мүмкіндік беретінін жеткізді.

Қыркүйектің 27-30 күндері Қызылордада түркі тілдес елдердің «Қорқыт және Ұлы Дала сазы» атты дәстүрлі фольклорлық музыкалық өнер фестивалі өтуде. Оған Ұлыбритания, Түркия, Ресей, Беларусь, Әзірбайжан, Қырғызстан, Өзбекстан, Моңғолия және Қазақстанан 80 жуық өнерпаздар мен фольклортанушы ғалымдар қатысуда. 

Соңғы 5 жылда 8 млрд. теңгеден астам қаржыға, қаладағы 60 пайыз магистралды жылу желілері жаңартылды. Өткен жылы, «Нұрлы жол» бағдарламасы аясында Ұлттық қордан бөлінген 997 млн. 178 мың теңгеге ұзындығы 13 шақырымды құрайтын жылу желілері қайта жаңғыртылды.

Мен Сыр өңіріне алғаш рет табан тіреп отырмын. Осындай халықаралық музыка фестиваліне қатысқаныма қуаныштымын.

ТҮРКСОЙ халықаралық ұйымы 2011 жылдан бастап осы фестивальді өткізуге тікелей қатысып келеді. Басты мақсатымыз – түбі бір туысқан елдердің музыкасын дәріптеу.