Сыр бойы

Жәрмеңкеде халыққа кеңес беру және әдістемелік көмек көрсету, сондай-ақ мемлекеттік қызмет насихатталды. Мәселен қала маңындағы Титов ықшам ауданының тұрғындары алысқа бармай-ақ  қажетті құжаттарын дайындауға мүмкіндік алды.

Латын қарпіне көшу мәселесі – Мемлекет басшысының «Болашаққа бағдар: рухани жаңғыру» атты мақаласында аталып көрсетілген сәттен бері күн тәртібінен түскен емес. Аса ауқымды әрі өзекті осы құбылыстың қарқын алуы мен қадам-қадам бойынша жүйеленуін еліміздегі еңбектеген баладан еңкейген қарияға дейін қаперіне іліп, көңіліне түйіп жүр. Ұлт зиялылары мен аға буын өкілдері бұл мәселенің терең тарихынан сыр шертіп, бүгіні мен болашағы жайында тебірене айтып, талдап тұрып жазуда. Бұған Елбасының ресми хат қоржынына келген бума-бума үшбу хаттары дәлел.

 Шиеліде «Алтын күз-2017» мерекесімен бірге мемлекет және қоғам қайраткері Шахмардан Есеновтың 90 жылдық мерейтойының құрметіне орай ұйымдастырылған республикалық ақындар айтысының бас жүлдесі  айтулы ақын Мейірбек Сұлтанханның  қанжығасына байланды, - деп хабарлады аудандық "Өскен өңір" газетінің тілшісі.  

Бейсенбі күні облыстық қоғамдық кеңестің отырысы өтіп, оған С.Имандосов төрағалық етті.  Жиында қаралған алғашқы мәселе бойынша облыстық денсаулық сақтау басқармасының басшысы А.Әлназарова хабарлама жасады. Ол облыс азаматтарының жекелеген санаттарына амбулаториялық емделу кезінде тегін және жеңілдікті шарттармен дәрілік заттарды қосымша беру туралы айтып өтті.  

Арқалы ақын, дарынды драматург, Мемлекеттік сыйлықтың иегері Иран-Ғайып (Иранбек Оразбаев) 70 жастың желкенін керіп, кемел шағының кемесімен қазақ руханиятының айдынында кемеңгерлік көкжиегін бетке алып барады.   Өткен ғасырдың жетпісінші жылдары әдебиет әлеміне дара даусымен қосылған ақынның шығармашылық бет-бейнесіне қазақтың марқасқа тұлғалары сол кезде-ақ «өлеңге тағы бір Абай келді» деп өзгеше бағаларын берген болатын. Алдағы қараша айында Сырда туып, сарыны Алашты кезген ақынның мерейтойы облыс орталығында аталып өтпек. Осы айтулы күн қарсаңында «Сыр бойы» газеті ақын жайындағы әр кезеңде жазылған белгілі тұлғалардың пікірлерін, мақалаларын, арнауларын жариялап отыруды жөн көрді.

Қорқыт ата атындағы ҚМУ-дың Студенттер сарайында облыстық ішкі саясат басқармасы және «Руханиятты қолдау» қоғамдық қорының ұйымдастыруымен мемлекет және қоғам қайраткері, академик Шахмардан Есеновтің 90 жылдығына арналған «Қазақстанның кен ресурстары: игерілуі, даму барысы мен болашағы» атты республикалық ғылыми-тәжірибелік конференция өтті. Оған облыс әкімі Қырымбек Көшербаев, Парламент Сенатының депутаты Мұрат Бақтиярұлы, академик Досмұхамед Кішібеков, геологтар, ғалымдар, болашақ геология саласының мамандары мен докторанттар, магистранттар, студенттер қатысты.

Биыл Қазақ ССР Балық шаруашылығының бұрынғы министрі, еңбек ардагері Құдайберген Саржанов 80 жасқа толды. Ол Арал теңізін құтқаруға және қаяз балығын сақтап қалуға үлес қосқан, қатардағы балықшыдан министр дәрежесіне дейін көтерілген қайраткер  азаматтың бірі. Облыс әкімі Қырымбек Көшербаев Құдайберген Саржанұлын арнайы қабылдап, мерейтойымен құттықтады.  

Бейсенбі күні облыс әкімі Қырымбек Көшербаев пен «Самұрық-Қазына» Ұлттық Әл-ауқат Қоры» АҚ Басқарма төрағасы Өмірзақ Шөкеев Жаңақорған ауданындағы «Шалқия» кен орнында жұмыс сапарымен болып, салынып жатқан жаңа комбинаттың құрылысымен танысты.   

Мүгедектерге арналған оңалту орталығында мүмкіндігі шектеулі жандардың құқығын қорғау және олардың өмір сүру сапасын жақсарту мәселесі көтерілді. Облыс әкімінің орынбасары Евгений Ким мен облыс прокуроры Халидулла Дәуешовтің, басқарма басшыларының қатысуымен өткен жиында әлеуметтік және құқықтық көмек көрсету кезіндегі жүйелі проблемалар, оңалтудың жеке бағдарламасын толық қамтамасыз ету басты назарға алынғаны айтылды. 

Үстіміздегі жылғы 19 қазанда елордада алғашқы жасанды Жер серігі ұшырылуының 60 жылдығына арналған «Ғарышқа қазақстандық жол: Жүзеге асуы мен даму келешегі – 2017» атты халықаралық форум өз жұмысын бастады.