Сыр бойы

Өткен сенбі күні облыс әкімінің орынбасары Руслан Рүстемов аудан орталығындағы алаңда өткен «Алтын күз» мерекесіне қатысып, ауыл шаруашылығы өнімдерінің жәрмеңкесін аралады. Шаруа қожалықтар мен кәсіпорындар өндірген өнімдердің сапасына назар аударды. Осы орайда шаруашылық өкілдерімен пікірлесіп, алдағы жоспарлары туралы әңгімелесті.

Көрген де арманда, көрмеген де арманда! Астана төрін екі күн жырға бөлеген дүбірлі айтыс өтті. Қазақстан Республикасы Мәдениет және спорт министрлігінің ұйымдастырумен Астана қаласының 20 жылдығына арналған «Жыр арқауы – Астана» атты халықаралық ақындар айтысы қалың елді шулатып, халықтың сөз өнеріне деген шөлін бір қандырып, құмарын бір тарқатты-ау! 

Жедел жәрдем бригадаларының саны 56-дан 75-ке дейін көбейді. Диспетчерге қоңырау түскеннен бастап жедел жәрдемнің науқастарға жету уақыты 11,2-ден 8,9 минутқа дейін азайды.

Батырхан Шүкенов шырқаған қазақ әндерінің ноталар жинағының тұсаукесері өтті. Жинаққа композиторлар Қуат Шілдебаев, Төлеген Мұхамеджанов, Наджиб Вильданов пен Ренат Гайсиндер жазған 14 композиция енді.

Қызылордалық Əсел Серікбай алтын медальді еншілеп, әлем чемпионы атанды.

Бұл жағымды жаңалықты «Мектепке дейінгі ұйымдардың қазақстандық қауымдастығы» Қызылорда облыстық филиалының директоры Наталья Мишукова жеткізді.

Биыл алғаш рет ҚР Үкіметінің қаулысымен қазан айының үшінші жексенбісі орман шаруашылығы қызметкерлерінің төл мерекесі болып белгіленді. Кеше атаулы күнге орай мерекелік шара ұйымдастырылып, жиынға облыс әкімінің міндетін атқарушы Қуанышбек Ысқақов қатысты

Бейсенбі күні Қызылордадағы «Жан-Арай» ЖШС-де жаңа оқу орталығы пайдалануға берілді. Қызмет көрсету нысанының ашылу рәсіміне облыс әкімі Қырымбек Көшербаев қатысты.

Жуырда Алматы қаласынан осы аттас анықтамалық-энциклопедия жарық көрді. Оған тәуелсіздік алған күннен бүгінге дейінгі егемен Қазақстанның қалыптасуына үлес қосқан қайраткер тұлғалардың ғұмырнамалық келбеті топтастырылыпты. Энциклопедияда елім деген азаматтардың қоғамды алға қозғап, ғасырға бергісіз 25 жылда мемлекетіміздің нығаюы жолында жасаған еңбектері нақты деректермен көрсетілген.

Биылғы «Алтын дән» мерекесінің жалағаштықтар үшін маңызы ерекше болды. Астықты жиып, қамбаға құйып, арқаны кеңге салған осынау мерейлі шақта аудан халқы туған жердің тұғырлы перзенттері, мемлекет және қоғам қайраткерлері Темірбек Жүргеновтің – 120, Ілияс Қабыловтың 115, Социалистік еңбек Ері Ұзақ Еспановтың 90 жылдық мерейтойын атап өтті. Халқымыздың саяси-мәдени өмірінде салмақты орны бар аға буынның ерлігі мен еңбегін  ұлықтауға арналған тарихи-танымдық шара өркені өскен елдің өмірлік құндылықтарын айқындай түскендей.