Сыр бойы

Польшаның Вроцлав қаласында өткен ауыр атлетикадан әлем біріншілігінде күміс жүлдегер атанған Алмас Өтешов осы аптаның бейсенбісінде туған жер топырағына қадам басты. Төрткүл дүниенің апайтөс ұландары бәсеке көрігін қыздырған дүбірлі додада еліміздің абыройын асқақ етіп, биік тұғырдан көрінген жампозды жерлестері үлкен қуанышпен қарсы алды. 

Бейсенбіде облыстық мәслихаттың мәжіліс залында «Ауыл аумақтарының әлеуметтік-экономикалық дамуы: гендерлік аспект» тақырыбында әйел ауыл әкімдерінің аймақтық семинар-кеңесі болып өтті. 

Биылғы жылы еліміз бойынша алғаш рет аталып өткен Қамқоршылар күні мерекесіне орай Қызылорда медициналық колледжінің мәжіліс залында қамқоршы мен патронаттық тәрбиешілер, білім басқармасы, үкіметтік емес ұйымдар, балалар үйінің қызметкерлері,  қорғаншы және қамқоршы ұйым мамандарының  қатысуымен «Балаларға қамқорлық – мемлекет саясатының басты бағыты» деген тақырыпта  дөңгелек үстел болып өтті. Оны облыстық балалардың  құқықтарын қорғау басқармасының басшысы Арман Қаржаубаев жүргізіп отырды.  

Облыстық ішкі істер департаментінің бейсенбі күні облыстық баспасөз орталығында өткен баспасөз мәслихатында үш мәселе айтылды.

Ұлттық экономиканың қозғаушы күші ретінде кәсіпкерлік сала жылдан жылға өрістеп келеді. Осы орайда облыстағы шағын және орта кәсіпкерлік субъектілерінің қызметін ынталандыру мақсатында өңірлік «Қазақстанның үздік тауары» көрме-конкурсы өткізілді. Оған облыс әкімінің міндетін атқарушы Нұржан Әлібаев қатысты. 

«Халқым, заңды біл» аттас құқықтық акция аясында Жалағаш ауданының прокуроры Хадиша Жұмағұлова «Нұр Отан» партиясы, аудан әкімдігі, аудандық жұмыспен қамту және әлеуметтік бағдарламалар, аудандық ішкі істер бөлімі және бұқаралық ақпарат құралдары өкілдерімен бірлесе отырып аймақтағы елді мекен тұрғындарымен кездесулер өткізуде.

Қызылорда облысы әкімінің қолдауымен, облыстық мәдениет басқармасының ұйымдастыруымен үстіміздегі жылдың 1 қарашасында «Арал фестивалі» мерекелік шараларын өткізуді жоспарлап отыр. «Арал фестивалі» аясында Сыр сүлейлерінің ізбасарлары жырдан шашу шашса, арқалы ақындарымыз айтыс көрігін қыздырып, жазба ақындар Аралдың бүгінгі кескін-келбетін сұлу сөздермен өрнектемек.

Биылғы жыл қазалылық диқандарға бөтен болған жоқ. Басты дақыл күріштің әр гектарынан қомақты өнім жиналды. Сондай-ақ, өзге дақылдардан да алынған түсім көлемі ойдағыдай. Қазалыда машина-трактор паркін жаңалауда ілгерілеушілік байқалады.  Ауыл шаруашылығы құрылымдары жаңадан бірқатар шетелдік өнімділігі жоғары техникаларды лизингтік тәсілмен сатып алды. 

Алдағы жылу маусымына «Қызылордажылуэлектрорталығы» коммуналдық кәсіпорны бірқатар дайындық жұмыстарын тыңғылықты жүргізді. Кәсіпорынның негізгі және қосымша қондырғылары, қазандықтар, жылу жүйелері, ғимараттар жөндеуден өткізілді. Бүгінгі таңда оңтүстік қазандық жылу маусымын атқаруға дайын. Сонымен бірге, жылу жүктемесін көтеруге алты қазандық әзір. Осы алты қазандықтың жылу маусымы кезінде біреуі қосалқы режимде тұратын болады.

Сейсенбіде ҚР Премьер-министрі Серік Ахметовтің төрағалығымен өткен Үкімет отырысында 2014-2016 жылдарға арналған білім және ғылым саласы дамуының басым бағыттары және заң жобалау жұмыстарының 2014 жылға арналған жоспары мен Заң жобалау жұмыстарының 2015-2016 жылдарға арналған перспективалық жоспарының жобалары таныстырылды.  Селекторлық мәжіліске облыс әкімінің орынбасары Нұржан Әлібаев қатысты.