Сыр бойы

Қызылорда облысы әкімінің қолдауымен, облыстық мәдениет басқармасының ұйымдастыруымен үстіміздегі жылдың 1 қарашасында «Арал фестивалі» мерекелік шараларын өткізуді жоспарлап отыр. «Арал фестивалі» аясында Сыр сүлейлерінің ізбасарлары жырдан шашу шашса, арқалы ақындарымыз айтыс көрігін қыздырып, жазба ақындар Аралдың бүгінгі кескін-келбетін сұлу сөздермен өрнектемек.

Арал жұртшылығы мерекелік шараның қорытындысында облыстық филармония өнерпаздары мен Қазақстан өнер жұлдыздарының гала-концертін тамашалай алады.

Бағдарламада:

Сағат 11.00 - «Аралым – айдын шалқарым!» облыстық жыршы-термешілер фестивалі

Өтетін орны: Нұртуған атындағы «Жыраулар үйі»

Сағат 14.00 - «Арманы асқақ – Аралым!» облыстық ақындар айтысы мен жыр мүшәйрасы

Өтетін орны: З.Шүкіров атындағы қалалық мәдениет үйі

Сағат 19.00 - «Кемелі ақын, келешегі жарқын – Аралым!» гала-концерті

Өтетін орны: аудандық мәдениет үйі.

Мерекелік шараларды тамашалауға асығыңыздар, өнер жанашырлары!