Сыр бойы

Облыс әкімдігінде әлеуметтік әріптестік, әлеуметтік және еңбек қатынастарын реттеу жөніндегі облыстық үшжақты комиссияның отырысы өткізілді.  Отырысқа комиссия мүшелері мен «Парыз-2013» конкурсында бақ сынаған кәсіп иелері қатысты.  

Жаңа жыл қарсаңында «Шапағат» мүгедек балаларға арналған қазалылық оңалту орталығында жаңажылдық шырша мейрамы болып өтті. Қалыптасқан дәстүр бойынша балалар мекемесінің тәрбиеленуші жеткіншектерін ең бірінші болып «ПетроҚазақстан Құмкөл Ресорсиз» компаниясының өкілдері құттықтады. Мұнайшылар қауымының атынан балаларға тәтті сыйлықтар мен жұмсақ ойыншықтар тарту етілді. 

Жаңа жылдан бастап темір жолмен жүріп-тұру бағасы жеті пайызға қымбаттады. Қыстың бел ортасында жолақының күрт өсуі жыл сайынғы дәстүрге айналып кеткен сынды. 

Кеше 8 қаңтардан бастап Қызылорда қаласындағы қалаішілік №4, №5, №6, №20 маршруттарға өзгеріс енгізілді.

Облыс әкімі Қырымбек Көшербаев  православие мерекесіне орай құттықтау жолдады.  «Құрметті отандастар! Сіздерді ұлы православие мерекесі – Рождество күнімен шын жүректен құттықтаймын», – делінген құттықтауда. – Біздің көпұлтты мемлекетімізде мұсылман мерекесі – Құрбан айт, Христиандық рождество, шығыстың Жаңа жылы және басқа да ұлттық діни мерекелер салтанатты түрде аталып өтеді. 

Қазалы қазір адам танымастай өзгерді. Көлемі де ертегі кейіпкеріндей сағат сайын өспегенмен, жылдан жылға  ұлғая түсуде. Бұрын шет аймақ аталатын бөліктерінен енді күрке соғар бос жер таппайсыз. Қайда қарасаңыз да, жанарыңызға зәулім үйлер, еңселі нысандар шалынады. Шатыры күнмен шағылысқан коттедждерге жұртшылықтың әбден еті үйренген. Қысқасы, Қазалыда құрылыс салу ғарыштық жылдамдықпен жүргізілуде десек, әсірелеу емес.

Жаңақорған ауданы Кейден ауылының іргесінен бой көтерген   күкірт қышқылы зауыты Сыр өңіріндегі  аса ірі индустриялық-инновациялық жобаның бірінен саналады.  2006 жылы қазығы қағылып, құрылысы басталған аталмыш алып өндіріс орнының қаржылай қолдауын бірнеше  шетелдік инвесторлар қолға алғандығы да оның халықаралық маңызының зор екендігін білдірсе керек. Аталмыш ауқымды жобаға жапон елінің  «Марубени»,  «Тепко» және  Канаданың  «Uranіum One» корпорациялары қатысты. 

Жаңа жыл қарсаңында Шиелі ауданының Сұлутөбе ауылдық округіне қарасты 1 Май елді мекенінде Алаш ардақтысы, қоғам қайраткері Мұстафа Шоқай есімімен аталатын жаңа мешіт ашылды. 

Жаңа жыл мерекесі қарсаңында облыстық ардагерлер кеңесінің төрағасы Сейілбек Шаухаманов бір топ тыл және еңбек ардагерлерінің отбасында болып, оларды Жаңа жыл мерекесімен  құттықтады. Кәрияларға облыстық ардагерлер кеңесінің Құттықтау хаты мен ақшалай сыйлығы және немерелеріне жаңажылдық тарту ұсынылды. 

Дерекке жүгінсек, ауданда соңғы жылдары жұқпалы аурулар күрт азайған. Мұның басты мәнісі ауыз су сапасының жақсаруында дейді дәрігерлер қауымы. Алайда, Ақсуат ауылының тұрғындарын бұл жайт күні кешеге дейін мазалап келген еді. Олар суды көлікпен тасымалдап, құдыққа құйдырып әуреге қалатын. Енді бұл мәселе түбегейлі шешімін тапты.