Сыр бойы

Құрметті облыс тұрғындары! Салық органдары арқылы көрсетілетін мемлекеттік қызмет көрсетулердің сапасын мейлінше жақсарту, кәсіпкерлерге бизнесті жүргізуге қолайлы және тиімді жағдайлар  жасау,  салықтық әкімшілендіруді жетілдіру, ақшасыз есеп айырысуды дамытуға қолдау көрсету,  халықтың құқықтық мәдениеті деңгейін жоғарылату, сыбайлас жемқорлықпен күрес жүргізу және  елдегі көлеңкелі экономиканың деңгейін барынша болдырмау мақсатында, үстіміздегі жылдың 1 сәуірі мен 1 шілдесі аралығында облыс аумағында «Көлеңкелі экономикаға Халық пен салық қызметі қарсы» атты акция өткізілетіндігін хабарлаймыз.  Акция барысында осы бағытта  автожолдар  бойында  билбордтар орналастыру, халық арасында кітапшалар  мен  буклеттер тарату, студент жастармен  кездесу және облыс жұртшылығы  арасында үгіт-насихат  жұмыстарын жүргізу жоспарланған.

Қытайдан келетін көкөніс пен жеміс-жидектердің біздің азық-түлік нарығында үлесі үлкен екені анық. Осыған орай, биылғы жыл басынан бастап Қазақстан-Қытай шекарасындағы «Бақты» (Шығыс Қазақстан облысы) және «Покиту» (Қытай Халық Республикасы) өткізу пункттері іске қосылды. Екі жақты бұл жобаның мақсаты – Қазақстанға Қытайдан келетін көкөніс пен жеміс-жидек өнімдерінің жылдам әрі заңды өтуін қамтамасыз ету. Кәсіпкерлерге қолайлы жағдай жасаудың бір шарасы болып отырған «Бақты» өткізу пунктінде кедендік операцияны жүргізудің орташа уақыты 74 минутты құрап отыр.

Kyzylorda-news сайты жерлесіміз, мәнерлеп сырғанаушы Элизабет Тұрсынбаеваның Италияда жастар арасында өткен «Gardena Spring Trophy – 2014» халықаралық турнирінде жеңіс туын желбіреткенін хабарлап отыр.

Тараз қаласының 25 жастағы тұрғыны Талғат Баетов біле тұра сату мақсатынсыз ірі мөлшердегі есірткі затын заңсыз сақтап, тасымалдағаны үшін қылмыскерлер қатарына қосылды.

Өткен жұма күні Қорқыт ата атындағы Қызылорда мемлекеттік университетінің Студенттер сарайында "Өңірдегі заңдылық пен құқықтық тәртіпті нығайтуға бағытталған серпінді жобалар” тақырыбында дөңгелек үстел өтті. Облыстық прокуратураның Сыр білімінің қара шаңырағымен бірлесіп өткізген бұл шараға облыстық прокуратура жанындағы заңдылықты қамтамасыз ету жөніндегі қоғамдық кеңес мүшелері, университеттің оқытушы-профессорлары мен студенттері, үкіметтік емес ұйымдар мен бұқаралық ақпарат құралдарының өкілдері қатысты.

«Жастар жетістігі» қоғамдық қоры» Қызылорда қаласында 2000 жылдан бері жұмыс атқарып  келеді. Қордың басты мақсаты оқушылар мен студенттерге  Junіor Achіevement (JA) бағдарламасы бойынша экономикалық білім беру.  

Қазақстан Президенті Нұрсұлтан Назарбаев Гаагадағы Ядролық қауіпсіздік жөніндегі саммиттің пленарлық отырысына қатысты.

Өткен аптада еліміздің барлық аймағында "Жолда қабылдау” акциясы өтті. "Нұр Отан” партиясы мен Ішкі істер министрлігінің ұйытқы болуымен өткен шара Қызылорда өңірінде де өріс алды. Ауқымды шараға ІІМ Әкімшілік полиция комитеті төрағасының орынбасары Талғат Мұсаханов пен "Нұр Отан” партиясы Қоғамдық қабылдау бөлмесі меңгерушісінің орынбасары Жұмажан Жүкенов арнайы келді.

Қазақтың талантты ақын қызы, қасиетті Қазалы тумасы Шәмшия Жұбатованың есімі жырсүйер қауымға жақсы таныс.

Наурыз – шығыс елдерінің  бүкілхалықтық мейрамы, Ұлыстың ұлы күні.