Сыр бойы

Лондон және Нью-Йорк биржаларында дүйсенбі күнгі сауданың нәтижесі бойынша мұнайдың бағасы төмендеді, - деп хабарлайды «ҚазАқпарат» ХАА.Сауда қорытындысы бойынша, Лондонның ICE Futures биржасында мамырда жеткізілетін Brent маркалы мұнайдың фьючерстері бір баррельге 0,33 долларға дейін түсіп, 70,12 долларды құрады.

Павлодар облысында техникалық және кәсіби білім беретін төрт мекемеде дипломның көшірмесі үшін 500 теңгеден бастап, 3000 теңгеге дейін талап еткен, - деп хабарлайды pavlodarnews.kz.

«Нұр Отан» партиясы Қармақшы аудандық филиалында Елбасы, Партия Төрағасы Н.Назарбаевтың «Президенттің бес әлеуметтік бастамасы» атты халыққа үндеуін талкылау мақсатында аудандық мәслихаттағы «Нұр Отан» партиясының депутаттық фракциясының мүшелерінің қатысуымен отырыс өткізілді. Жиынды фракция жетекшісі, аудандық мәслихат депутаты К.Раева жүргізіп отырды.

Облыстық тарихи-өлкетану музейінде Халықаралық Аралды құтқару қорының 25 жылдығы мен 26 наурыз – «Арал теңізінің күніне» орай дөңгелек үстел ұйымдастырылды. Жиынға облыс әкімінің орынбасары Серік Қожаниязов, ҚазКСР мелиорация және су шаруашылығы экс-министрі, Мемлекетаралық су шаруашылығын үйлестіру комиссиясының ғылыми-ақпараттық орталығы Қазақ филиалының директоры Нариман Қыпшақбаев, Арал ауданындағы «Шарткен-Ата» қоғамдық бірлестігінің төрағасы Құдайберген Саржанов пен Халықаралық Аралды құтқару қоры атқарушы дирекциясының директоры Болат Бекнияз қатысты. Шара барысында қатысушылар Арал проблемасын талқылап, теңізді қайта толтырудың, сақтап қалудың әдіс-тәсілдерін ортаға салды. Жұмыла көтерген жүк жеңіл екендігін алға тартып, маңызды мәселенің түйінін бірлесе тарқатуға шақырды.

Нұрсұлтан Назарбаев Қазақстан халқы Ассамблеясының жиырма алтыншы сессиясын шақыру туралы өкімге қол қойды, деп хабарлайды Вaq.kz ақпарат агенттігі Ақорданың баспасөз қызметіне сілтеме жасап.

Бүгін атмосфералық фронттардың өтуіне байланысты Қазақстанның басым бөлігінде ауа райы құбылмалы болады. Жаңбыр, қар жауып, кей жерлерде нөсер жауын жауады, тек елдің батысында және оңтүстік-батысында ауа райы жауын-шашынсыз болмақ. Республиканың кей жерлерінде жел күшейіп, тұман, көктайғақ, бұрқасын күтіледі. Республиканын оңтүстік бөлігінде кей жерлерде найзағай ойнайды. Бұл туралы ҚР ІІМ ТЖК баспасөз қызметі хабарлайды. 

Кузбасста Кемероводағы «Зимняя вишня» сауда үйінде адамдардың қаза болуына орай аза тұту күндері басталды, деп хабарлайды ТАСС. 

Орталық сайлау комиссиясы Қазақстан Республикасы бойынша шығып қалған мәслихат депутаттарының орнына сайлау қорытындыларын жариялады, деп хабарлайды «ҚазАқпарат» ХАА. 

Қазақстанның биологиялық алуан түрлілігін сақтау қорының дирекция басшысы Асылхан Асылбеков бастаған топ Қамыстыбас ауылдық округінде болып, Оңтүстік Корея Республикасының қаржыландыруымен Арал теңізінің оңтүстік ұлтанына сексеуіл егу және өңір климатын жақсартуға бағытталған шараларға қолдау білдірді. Арал орман және жануарлар дүниесін қорғау мекемесінің игілігі үшін «Белорус» тракторы тіркемесімен, 8 адамға арналған, іші заманауи үлгіде жабдықталған орманшылар вагоны және соқа мен УАЗ автокөлігі табыс етілді.

Өткен жылы 30-31 мамырда облыс әкімдігі Халықаралық Аралды құтқару қорының Атқарушы дирекциясымен бірлесіп, Қызылорда қаласында бірінші Арал халықаралық тұрақты дамыту форумын ұйымдастырды.