Сыр бойы

Жаңа жыл қарсаңында Жаңақорған ауданында тағылымы мол шара өтті. Бұл шара белгілі ғалым, ақын, өнер зерттеушісі, қорқыттанушы Сейсен Мұхтарұлына 70 жыл және «Қазақстан – Қызылорда» телеарнасының бас редакторы, облыстық «Сыр бойы» газетінің тілшісі, бөлім меңгерушісі, жауапты хатшысы, бас редактордың бірінші орынбасары қызметтерін атқарған белгілі журналист, ҚР Мәдениет қайраткері Оразбек Мақсұтұлының өмірге келгеніне 60 жыл толуына орай ұйымдастырылды.

Ауданда индустриялық жобалар кең өріс алып келеді. Осындай өндіріс аймағының бірі «Шиелі Жолшы» жаңа асфальт бетон зауыты таяуда ғана іске қосылды.

Жуырда «Азаматтарға арналған үкімет» мемлекеттік корпорациясы коммерциялық емес акционерлік қоғамының Қызылорда облысы бойынша филиалы – «Халыққа қызмет көрсету орталығы» департаменті Сырдария аудандық бөлімінің ашылғанына 10 жыл толды.

 Жаңа жыл қарсаңында Мәдениет және өнерді дамыту орталығында аудандық ішкі саясат бөлімі, «Қоғамдық келісім» КММ, «Жалағаш – достық мекені» қоғамдық бірлестігінің ұйымдастыруымен аудандағы этнос өкілдерімен кездесу өтті.

Көзін тапқан адамға кәсіпкерліктің пайдасы мол. Бүгінгі таңда бұл бағыттағы бастамаға мемлекеттің қолдауы да ерекше. Осы мүмкіндікті  тиімді пайдаланып, кәсібін табыс көзіне айналдырып, тіршілік жасап отырған жандардың бірі аудан тұрғыны Рыскүл Қасымқызы. Алдымен «Әлішер» аралас сау­да дүкенін, одан бері тігін цехын ашып, халыққа қызмет көрсете бастаған кәсіпкер ана бүгінде отбасылық кәсіпке бет бұрып, бірнеше қызмет түрлерін үйлестіріп отыр.

Қазалы ауданында құрылған «Шеңгелді» өндірістік кооперативі бір жыл ішінде ішкі сұранысты өтеп, сонымен қатар, сыртқы нарыққа да өнім экспорттаған. 

 Аймақтық «QYZYLORDA» телеарнасының ұйымдастыруымен онлайн дауыс беру арқылы «Үздік аудан» байқауы  өткізілген еді. Байқау Жаңа жыл қарсаңында қорытындыланды. Нәтижесінде, Арал ауданы 4095 дауыс жинап, «Үздік аудан» атанды.

Қаланың шет аймағында орналасқан Титов және Гагарин қыстағының тұрғындары енді арзан азық-түлік іздеп, қала орталығына қатынамайды. Өйткені жуырда ғана осы аумақтан «Аль-Асад» сауда үйі ашылды.

Табиғат заңдылықтарының өзгеру ырғақтылығын осы уақытқа дейін дөп басып айтып берген ғылым жоқ. Өйткені, біз табиғатпен етене араласқан сайын, оның ашылмаған сырына тап болып отырамыз. Әлемде бәрі бір-бірімен тығыз байланысты.

Қазақ тойдан кенде емес. Бір демалысты тойдың қызығына арнаған халықпыз. Алайда, той-томалақ неғұрлым көп болса, оны жүргізетін асабаның да түр-түрі табылады. Жалпы, той басқару оңай жұмыс емес. Оған жас та, жасамыс та жиналады. Асабаны үнемі тыңдап отыратындай ол сахналық қойылым, ал қонақтар көрермен емес. Дегенмен, алқалы қауымды үйіріп әкету, құлақ түрілтіп тыңдату асабаның сөздік қоры мен дауыс ырғағына байланысты. Тойға келген жұртты жалт қаратып, не болмаса тілі күрмеуді шешетіндей орақ тілді асабалар жұртшылықты бірден өзіне баурап алып та жатады. Ал кейбірі ұзыннан-ұзақ сөйлеп, не болмаса қарабайыр тілімен жалықтырып, аудиторияны ұмыт қалдыратынын көз көріп жүр.