Сыр бойы

26 қыркүйекте ел аумағының басым бөлігінде жауын-шашынсыз ауа райы күтіледі, тек батыс және орталықта атмосфералық ағындардың  өтуіне байланысты кей жерлерде жаңбыр жаууы ықтимал, деп хабарлайды Қазгидромет.

Еліміз орны толмас ауыр қайғыға душар болды. 80 жастан асқан шағында мемлекет және қоғам қайраткері, Тәуелсіз Қазақстан Республикасының тұңғыш Премьер-Министрі болған Сыр елінің аяулы перзенті Ұзақбай Қараманұлы Қараманов өмірден озды. Ұзақбай Қараманұлы 1937 жылы тамыз айында Арал ауданы, Ұялы ауылында дүниеге келген. 1959 жылы Куйбышев (Самара) қаласындағы инженерлік құрылыс институтын бітірген. Еңбек жолын Шұбарқұдық автобазасында (Ақтөбе облысы) прораб болып бастаған ол «Қызылорда құрылыс» тресінде инженер, басқарма бастығы болып еңбек етеді. 1964 – 1980 жылдар аралығында «Алматы өнеркәсіп құрылысы» тресінде аға прораб, комбинат директоры, Қазақстан Компартиясы Орталық комитетінің Іс басқармасының қызметкері, Жеңіл және тамақ кәсіпорындары құрылысы басқармасының бастығы, Қазақ КСР Ауыр өнеркәсіп министрлігінің Алматы құрылыс Бас басқармасының және Құрылыс индустриясы Бас басқармасының бастығы қызметтерін атқарды.

Уездің орталығы болған Қазалы қаласының атауына биыл 150 жыл. Қазалы бекетінен оңтүстікке қарай 12 шақырым жерде Сырдарияның оң жағына орналасқан Қазалы қаласы ең алғаш 1847 жылы Қазалы форты болып негізін қалады.

Елбасының «Қазақстанның үшінші жаңғыруы: жаһандық бәсекеге қабілеттілік» атты Жолдауында цифрлы технологияны қолдану арқылы құрылатын жаңа индустрияларды өркендетуге тиіс екеніміз айтылған. Сондай-ақ, 3D-принтинг, онлайн-сауда, мобильді банкинг, цифрлы қызмет көрсету секілді денсаулық сақтау, білім беру ісінде қолданылатын және басқа да перспективалы салаларды дамыту керектігі назарға алынған. Облыс әкімдігінде өткен жиында аймақ басшысы Қырымбек Көшербаев цифрлы жүйені халыққа өзің түсініп ал демей, түсіндіруіміз қажеттігін ескертті.

Күз қашаннан тоқшылық пен молшылықтың мезгілі. Егіс даласында ала жаздай білек түре еңбек еткен диқаншылар қоңыр күзде еткен бейнетінің зейнетін көріп, рахатқа кенелді. Аймақ еңбеккерлері жаздайғы бейнеттерінен өрілген бақша өнімдері мен дақылдарын астаналықтарға ұсынды.

Кеше облыс әкімі Қырымбек Көшербаевтың төрағалығымен аппараттық мәжіліс өтіп, онда үш мәселе қаралды. Селекторлық режімде өткен мәжіліске аудан әкімдері де қатысты.

Кеше Қызылорда қаласындағы Достық үйі алдында көрнекті мемлекет және қоғам қайраткері, соғыс және еңбек ардагері, Қызылорда облысының құрметті азаматы, Сыр елінің абыз ақсақалы Қалиев Ыдырыс Қалиұлын ақтық сапараға шығарып салуға арналған азалы жиын өтті.

Кеше облыс әкімдігінде жылу маусымына байланысты штаб мәжілісі өтті. Оған облыс әкімі Қырымбек Көшербаев қатысты. Жиында аймақ басшысы отандық және ресейлік метеорологтардың  биылғы  қыстың суық әрі ұзақ болатынын айтып отырғанын назарға салды. Ғалымдардың болжамы бойынша алдағы қыс мезгілінде 100 жылда бір келетін суық қайталануы мүмкін. Сондықтан, жылу маусымына мұқият әрі тиянақты дайындалу қажет. Мұндай істе қателіктерге жол беруге болмайды.

Ғани Мұратбаев атындағы орталық стадионда облыстық Қазақстан халқы Ассамблеясы, татар этномәдени бірлестігі, дене шынықтыру және спорт басқармасымен бірлесе отырып Фаат Китаевты еске алуға арналған акватлон ойыны бойынша турнир өткізді.

Мемлекеттер басшылары әңгіме барысында екіжақты ынтымақ­тастықтың жағдайы мен перспективаларын, сондай-ақ өңірлік және халықаралық күн тәртібіндегі өзекті мәселелерді талқылады.